ريلي و التكنولوجيا

[مشكلتي]

السلام عليكم و رحمة الله و بركاته

خواتي أنا متزوجة و الحمدلله عندي ولد بس ، لكن مشكلتي زوجي ، دوم أجك عليه شي و المرة هاي غير نمونة ، لقيته مكلم بنات في مواقع التواصل الاجتماعي ، و طالب التواصل معاهم و للاسف على حظه الاسود ولا وحدة رادة عليه ، و في الفترة الأخيرة انا ملاحظة أن زوجي واااااااايد يكتب في مواقع التواصل الإجتماعي ، و يوم جكيته قال حسابه مهكرينه و مب هو الي يكتب ..
زوجي راعي دين و واجب و كل شي فيه زين ، ما مقصر علي بشي بس عيبه يحب التواصل الاجتماعي و هالسوالف و بالذات ويا البنات ، انا طالبة منه الطلاق ، بس ماعرف شو اسوي تعبت وأنا أحقق و أفتش و أدور من وراه ، واااايد مترددة بخصوص الطلاق مع انه اريح لي ، بس ولدي شو ذنبه ؟

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

الكلمة الطيبة صدقة

[سحر الغموض]

ليش ادورين وراه وتتعبين عمرج !! ..احس التواصل الاجتماعي الحين اغلبيه الشباب مدمنين عليه بس مشكله ريلج شكله بادي يدور ع بنات ،،فانتي تفاهمي وياه انج تسمحيله يستخدم التكنلوجيا بس بشكل لائق بدون انحرافات


ما احس له داعي الطلاق ابداا ابداا ..عادي تنحل بالتفاهم ان شاء الله

[صبصب]

الحرمة ما تقدر تقول لريلها اسمحلك تسوي هالشي وما اسمحلك تسوي هالشي
سايسيه وحاولي يوم يكون وياج انج تشغلينه بأي شي سولفي معاه اطلبي يطلعكم مشوار او يروح الجمعية
وقوليله بطريقة غير مباشرة ان هالشي حرام وما يجوز وبين فترة والثانية طرشيله فيديوهات عن تحريم هالاشياء فالاسلام
وربي يبعد عنكم المشاكل

[تفاحتي]

مشكله والله ماتو الرياييل


تديني اكثر وعلميه ع الدين قربيه من الله ونتي بعد تقربي لربج ولزوجج يا حلاه العايله يوم فيها التزام وطاعه للرب تلقين حياتج سعيده ومافيها خربطه

[رسايل غلا]

اختي تبين الصراحة ولا المجاملة؟
انتي تكونين غلطانة يوم تفتشين في التيلفون, تعورين راسج بدون داعي وتييبين حق نفسج مشاكل مالها داعي واذا فكرتي فيها بتلقين كلامي صح انتي او غيرج كل الحريم يعرفون ان الرياييل اغلبيتهم مدمنين
على وسايل التواصل الاجتماعي وغيرها فاللي بتيلس تدور ورى ريلها بتتعب وحتى لو هو ما يسوي شي بيسوي بسس بسبب عدم ثقتها فيه, ثاني شي بكل صراحة دام انتي تحاتين ولدج ليش تفكرين فالطلاق؟ يعني لو كل وحدة زخت ريلها يسوي شي وطلبت الطلاق جان نص الحريم مطلقات
واصلا شو بتستفيدين عقب غير تلتهين ولدج ويعيش بين نارين امه وابوه! فكري زين ولا تدورين شي ورى ريلج وحاولي تقربين منه وتخلينه يقرب منج وماله داعي تشلين تيلفونه او انج تقولين له بسمح لك ادش بس بحدود هو مب ياهل هو ريلج وعنده عقل ويفهم, وما جفت انا ريال يشل تيلفون حرمته يدور وراها بصراحة ليش انتوا تسوون هالشي!!!

الله يهديه ويصلح حالكم

[الساحرة]

ما يجوز التجسس حرام شرعا

حتى ما يجوز تحاسبين انسان على شي هو ساتر فيه على نفسه ، و من ثم تجبرينه انه يجاهر به ، بهالحال انتي تجبرينه يجاهر بمعصيه هو ستر نفسه ما جاهر بها

ما ابرر موقف حد ، موقفه سلبي و ما يرضي الله

لكن موقفج بعد سلبي و ما يرضي الله

اتركيه بدون رقابه ، ، انتي عليج بتصرفاته الظاهره ، اذا قصر في حقج و اذا اخطأ قدامج فساعتها من حقج تحاسبينه

تكلمي بكل برود و ثقه و لا مبالاه و قولي اللي سويته انا كان ضد مبادئي ، اقصد التجسس ، مش من عادتي ، و ماله داع تحاتي ابدا ان حد يفتش في اغراضك لأن هالشي مارح يصير نهائيا ، اذا ما عندك رقابه ذاتيه فهذا امر يعنيك شخصيا . انا عندي مسؤوليات تهمني اكثر من اني اضيع وقتي في المراقبه و هالتخمبيق

اذا حاول انه يبرر موقفه مره ثانيه ، و طبعا رح يحاول انه يبرر و يقول لاا ما سويت شي و الخ ، قاطعيه و انتي مبتسمه مش معصبه ، يعني خلج كووول ، و قوليله لا تبرر خلاص انتهت السالفه لأن ما يهمني سواء سويت شي او لا ، دام هالشي سويته بالسر فهو بينك و بين ربك ، مارح اتدخل . هو الرقيب الحسيب

[mouzan7mod]

ما يجوز التجسس حرام شرعا

حتى ما يجوز تحاسبين انسان على شي هو ساتر فيه على نفسه ، و من ثم تجبرينه انه يجاهر به ، بهالحال انتي تجبرينه يجاهر بمعصيه هو ستر نفسه ما جاهر بها

ما ابرر موقف حد ، موقفه سلبي و ما يرضي الله

لكن موقفج بعد سلبي و ما يرضي الله

اتركيه بدون رقابه ، ، انتي عليج بتصرفاته الظاهره ، اذا قصر في حقج و اذا اخطأ قدامج فساعتها من حقج تحاسبينه

تكلمي بكل برود و ثقه و لا مبالاه و قولي اللي سويته انا كان ضد مبادئي ، اقصد التجسس ، مش من عادتي ، و ماله داع تحاتي ابدا ان حد يفتش في اغراضك لأن هالشي مارح يصير نهائيا ، اذا ما عندك رقابه ذاتيه فهذا امر يعنيك شخصيا . انا عندي مسؤوليات تهمني اكثر من اني اضيع وقتي في المراقبه و هالتخمبيق

اذا حاول انه يبرر موقفه مره ثانيه ، و طبعا رح يحاول انه يبرر و يقول لاا ما سويت شي و الخ ، قاطعيه و انتي مبتسمه مش معصبه ، يعني خلج كووول ، و قوليله لا تبرر خلاص انتهت السالفه لأن ما يهمني سواء سويت شي او لا ، دام هالشي سويته بالسر فهو بينك و بين ربك ، مارح اتدخل . هو الرقيب الحسيب

مع الأخت ، فعلا المفروض ماتعور راسها و تفتش لآن كل ريال وراه داهية و بلوى ، و دام الله ستر عليه ليش تفضحه

[احلى بعفويتي]

جوفي الي يسويه غلط والمحاكم متروسه نفس سالفتج واكثر
بس بقولج انتي قارني حياتج معاه وحياتج بدونه
الطلاق تشتت و غير التشتت الي كنتي تحصلينه منه بالطيب بعدين بيعاند ويماطل وكل دقه بيقولج روحي المحكمه و المحاكم تاخذ شهور وشهور وانتي تراكضين
لو اقولج اخوانج بيساندونج بس والله كمن شهر عقب كل واحد لاهي مع بيته و عياله ولا يا دوامه ..

ليش تغربلين عمرج خلج ذكيه
وخليه متعه حقج يعني
تبين فلوس تراه هو المصدر
تبين سفره تراه هو محرم
تبين اغراض السوق تراه هو سواقج
تبين حب وحنان وعلاقه حميمه تراه هو حبيبج
تبين تفشين غلج تراه هو جدامج طلعي عقدج فيه خله شويه يتنكد

يختي اجلبي الموضوع لج
مادام هو يبا رضاج اشرطي وادللي وخليه يسويلج الي تبينه
الريال يوم يخون يحاول يرضي حرمته عشان ضميره التعبان هههههههههه

[ام طحنوون]

السلام عليكم و رحمة الله و بركاته

خواتي أنا متزوجة و الحمدلله عندي ولد بس ، لكن مشكلتي زوجي ، دوم أجك عليه شي و المرة هاي غير نمونة ، لقيته مكلم بنات في مواقع التواصل الاجتماعي ، و طالب التواصل معاهم و للاسف على حظه الاسود ولا وحدة رادة عليه ، و في الفترة الأخيرة انا ملاحظة أن زوجي واااااااايد يكتب في مواقع التواصل الإجتماعي ، و يوم جكيته قال حسابه مهكرينه و مب هو الي يكتب ..
زوجي راعي دين و واجب و كل شي فيه زين ، ما مقصر علي بشي بس عيبه يحب التواصل الاجتماعي و هالسوالف و بالذات ويا البنات ، انا طالبة منه الطلاق ، بس ماعرف شو اسوي تعبت وأنا أحقق و أفتش و أدور من وراه ، واااايد مترددة بخصوص الطلاق مع انه اريح لي ، بس ولدي شو ذنبه ؟

طلبتي الطلاق عشان هالشي؟؟؟؟
لو كل وحدة سوت نفسج جان 3 ارباع بنات الامارات فالمحاكم ومطلقات
حبيبتي ريلج زين ومب مقصر وروحج كاتبة هالشي .. وايد وايد واااايد رياييل صايرين يتساهلون بهالشي
وياخذونها تسلية وتغيير جو .. .. و الحمدلله تقولين محد عاطنه ويه .. هذي نعمة من ربج
تلاقينها فترة وبيمل .. بس انتي شغلي كيدج
يعني اشغليه .. مرة لمحي له انه هالشي مايعيبج .. ومرة ازعلي .. ومرة خلج حازمة شوي .. جي يعني .. لاتقولين بطلق طلقنيييي ..
لا
خذيه بالسياسة .. انتي وشطارتج مابنعلمج كيف
لفي ودوري عليه .. عطيه الثقة .. لاتنبشين وراه انتي بتكرهين عمرج وبتكرهينه فيج ..

والله احنا نرووووم نسوي الهوايل ونخلي الزين شين والشين زين .. مب ع كل شي تقولون بنطللللللق
حرام هذي اسرة وعيال خلي بنيانها قوي .. مب شي هين زواج وطلاق
و دامه مب لعاب و خمار وسكير ويضرب .. فالحمدلله .. ريلج قابل للتغيير

اقري مواضيع قسم الحياة الزوجية بتاخذين فكرة عن كيفية التعامل مع الازواج .. وعلى اساسها قيسي حياتج كيف وكيف تقدرين تتصرفين وتغيرين هالشي اللي فيه ع حسب طبع ريلج

:::

انا اشوف موضوعج هيّن .. ولاتتسرعين بقراراتج .. ووازني تصرفاتج اللي تطلع منج وكلماتج والفاظج
عشان تحافظين على الصورة الحلوة جدام ريلج
وعسى مايكون بينكم خلاف وادعيله في صلاتج بالهداية .. ترا الدعاااء سحرررر

[mouzan7mod]

جوفي الي يسويه غلط والمحاكم متروسه نفس سالفتج واكثر
بس بقولج انتي قارني حياتج معاه وحياتج بدونه
الطلاق تشتت و غير التشتت الي كنتي تحصلينه منه بالطيب بعدين بيعاند ويماطل وكل دقه بيقولج روحي المحكمه و المحاكم تاخذ شهور وشهور وانتي تراكضين
لو اقولج اخوانج بيساندونج بس والله كمن شهر عقب كل واحد لاهي مع بيته و عياله ولا يا دوامه ..

ليش تغربلين عمرج خلج ذكيه
وخليه متعه حقج يعني
تبين فلوس تراه هو المصدر
تبين سفره تراه هو محرم
تبين اغراض السوق تراه هو سواقج
تبين حب وحنان وعلاقه حميمه تراه هو حبيبج
تبين تفشين غلج تراه هو جدامج طلعي عقدج فيه خله شويه يتنكد

يختي اجلبي الموضوع لج
مادام هو يبا رضاج اشرطي وادللي وخليه يسويلج الي تبينه
الريال يوم يخون يحاول يرضي حرمته عشان ضميره التعبان هههههههههه

حبيت هالرد

[miss noor]

حبووبه انا هو مب مقصررر معاااج وغادي حياته طبيعيه

عادي كملي معاه بالعكس حاوليه تكسبينه شوفي شو الشي اللي يحبه وسويه

ونصيحه لا تنبشي فووونه لانج بعوري راسج ع الفاضي
كل الرياييل عيونهم زايغه بس مردهم لحريمهم

والموضوع مب محتااج طلاق اذكري الله ...لا تتنازلي مكانج لوحدة غيرج