خطيب قديم

[Feminine Me]

بنات ربيعتي كانت مخطوبة وصارت ظروف مع خطيبها وانفصلو .. كانو يحبون بعض وايد بس خطيبها مايقدر يملج عليها إلا يمكن بعد سنوات وهم الاثنين كبار فالعمر فصعب عليها تتريا .
بعد الانفصال اتعرفت على وحدة أجنبية طلعت هالأجنبية تواعد خطيبها القديم !! تقولها الأجنبية يالسة تلعب عليه ومابتخليه ينام معاها عشان يتزوجها عشان تأخذ الجواز الإماراتي!!!! سبحان الله الدنيا صغيرة . ربيعتي ذكية سوت عمرها هبلة وماقالت للأجنبية أن هذا كان خطيبه أو أتعرفه.
وعالأجنبية تقول عندها علاقة ثانية مع واحد مواطن ثاني!! وتقول هذا يالسة تلعب عليه
أربيعتي تفكر تتصل على خطيبها القديم وتخبره عن الأجنبية. من باب النصيحة
فشو رأيكن اتخبره وألا برأيه لأن غامضنها بتخرب مستقبله هالأجنبية .. ربيعتي تقول انه غامضنها وهم حسبة أهل وهلهم يعرفون بعض وخطيبها القديم طيب وبينهم ذكريات. لسنوات طويلة
بس أنا قلت لها يمكن خطيبها مايصدقها بيتحراها تغار وتبي تخرب علاقته بالأجنبية. ويمكن يخبر ربيعته الأجنبية وتستوي مشكلة
أربيعتي اماراتيه طبعا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سحر الغموض]

تخلي طرف ثالث يخبره ..او تخبره بنفسها بدون ما تكشف هويتها يعني رساله من مجهول وطبعا تقطع علاقتها بالاجنبيه ><

[أم برلنتي]

تقوله وخلاص ، وحتى لو فكر فيها بطريقة غلط ، مصيره يكتشف الحقيقة وينصدم في غباءه

[لحنْ #]

مايخصها .

[**sara**]

هم كانوا مخطوبين صح المفروض ما تكلمه ما يجوز شرعا مهما كان هذا غريب ما يحل لها تكلمه يعني هو ماعقد عليها شرعا عشان تكون بينهم مكالمات يمكن ها السبب تخلى عنها كان يتسلى شبع دور غيرها. انصحيها دامها ربيعتج.

[ندااا]

هم كانوا مخطوبين صح المفروض ما تكلمه ما يجوز شرعا مهما كان هذا غريب ما يحل لها تكلمه يعني هو ماعقد عليها شرعا عشان تكون بينهم مكالمات يمكن ها السبب تخلى عنها كان يتسلى شبع دور غيرها. انصحيها دامها ربيعتج.

صح كلامج100/100

[dxb_love]

مايخصها .

بالضبط..

[.Dream]

والله الشباب مافيهم عقل يوم يقصون عليهم هالاجنبيات عشان جواز

وانا اقول لا تتدخل ولا شي ماظنه ياهل عقله براسه ويعرف خلاصه

[تفاحتي]

السالفه كلها خطيب وخطيب. اندثرت هالرمسه. بعدهم هايل ؟!

[Yazi.90]

مادري احس حرام تسكت

وبنفس الوقت لو تكلمت بتدخل فسين وجيم !!!

[طيبة*قلب]

مصيرها بتنكشف تبعد نفسها احسلها
لادخل نفسها بشبهات

[Ward-uae]

كيف ترابع هالاشكال ؟
خلهم اثنيناتهم ينيازون وهي اشعليها منهم خلها بعيد وتشوف عمرها عن بعد يسحبونها وياهم

[ميميه88]

هناك قسم مخصص لطرح المشكالات حرصا على الخصوصيه
http://forum.uaewomen.net/showthread...84%D8%AA%D9%8A