شق العجان

**الدلوعة ام حمودي** · 2015-12-02, 00:03

السلام عليكم خواتي ..

اعرف هالموضوع حساس وماعرف اذا مسموح نرمس فيه هني او لا .. والله ما كتبت مشكلتي الا عقب ما تعبت نفسيتي بسبب شق العجان والخياطه..😢

والله اني لفيت المنتديات وقريت مواضيع عن اهميته وليش ومتى يسوونه وقريت اسئلة واجابات بخصوص هالموضوع قد شعر راسي وفهمت كل شي عنه بس ما لقيت شي من اللي فيني..

كملت 18 يوم واحس اني فاااااقدة احساس الرغبة في التبول عزكم الله وللحين الامساك عندي.. واسوي تمارين كيجل يوميا والدكتورة شرحتلي اسويها واقبض العضلات كلها الامامية عند المهبل والخلفية .....

لكن للحين اعاني من حرقة و انتفاخ على شكل كرات منتشرة من مكان الخياطة او الغرز لين فوق بداية فتحة المنطقة الحساسة او الشفرتين .. واليلد حول هالمنطقة متسلخ تقريبا .. لونه متغير واذا المسه يحرقني .. واسمحولي ع اللي بقوله (ماشي دم الا قطرات او قطع صغيرة) ..
سرت و فحصت 3 مرات مب مرة وكل مرة تقولي الدكتورة عادي ومجرد انتفاخ والعلاج ميبو .. شوي خفت الحرقة بس ما لاحظت شي ع الانتفاخ وتفاجأت بعد ماتغير لون اليلد .. وماروم ايلس او امشي ..

اسفة و اسمحولي ع هالكلام .. ابا ردودكم ريحوني خواتي والله ضايجه من وضعي ماعرف ان كان طبيعي او لا .. 😔

المزيد من آخر المواضيع من نفس القسم:

**ترآنيم القصيد** · 2015-12-02, 00:10

الله يعيييينااااا
كل ماتذكر هالشي ويع ولاده والله اخاف
وغيري دكتورتج عن يستويلج التهابات أذكر يعطوني مضاد وبروفين وبيتادين رش والله يهون عليج ويعينا يارب

**ام بدور1** · 2015-12-02, 02:03

حبيبتي سيري مستشفيات غير عن اللي سرتي لها اخت ريلي اذكر كانت نفس وضعج بالضبط وسارت للدكتوره فاطمه بوشوك وشافت ان الخياطه كلها اخطاء وانجبرت انها تفتح لها الخياطه وتسوي خياطة يديده كانوا مخيطين لها طبقتين فوق بعض وصاير عند مكان الخياطه مثل الكتل والانتفاخات وكتل والحمد لله بعدمعاناه طويله ارتاحت

**Ward-uae** · 2015-12-02, 07:51

ما عندي فكره حاولي تسيرين لدكتوره ثانية لاني الحمدالله ولا ولاده سوولي خياطه

**ام السنافي** · 2015-12-02, 12:50

الله يشفيج ويعافيج اختي
انا مع الاخوات غيري دكتوره وشوفي شو بتقولج ؟
واذا انتي في دبي او الشارقه سيري صوب الدكتوره كاملينا في مركز القصر وايد زينه

**ميميه88** · 2015-12-02, 16:05

سيري دكتوره ثانيه وعياده ثانيه ترى اذا نفسها مابتقولج فيها شي الخياطه
ماتوقع لازم يستوي جيه يمكن الخياطه غلط

**الدلوعة ام حمودي** · 2015-12-03, 22:17

اوكي خواتي مشكورين ع ردودكم .. بس وين تنصحوني اسير .. ابا دكتورة نسائية فدبي .. بس معروفة بخبرتها ..

**المعآني** · 2015-12-04, 01:03

فديتج ربي يسهل عليج ويقويج
انا ماصار لي جيه وكانت ولادتي في مستشفى الزهراء في الشارجة عندج الدكتورة أميرة هناك ماعليها كلام اذا ترومين سيري لها
واقري ع روحج واستخدمي فوط صحية اللى هي فام
اولويز يسو التهابات ويارب مافيج إلا الخير
أجر وعافية الغلا

**sara** · 2015-12-11, 18:29

شوفي الدكتوره اميره في الزهراء أو نفيسه

**الملكة ديهيا** · 2015-12-12, 11:28

غيري الدكتوورة

**الحـــلوة** · 2015-12-12, 23:19

انصحج بالدكتورة عبير الجرجاوي في مستشفى القرهود

الموضوع: شق العجان

أدوات الموضوع

عرض