المكياج المستعمل

[mouzan7mod]

صحيح ، في الصالون ما يحطون لكل زبونة ميكبها الخاص لالا المكب يستخدم لكل من هب و دب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[sa7el]

لا حبيبتي انا مع البنات للأسف واسمحي لي
انا قناعتي ان الماكياج شي شخصي سبحان الله انا اختي او ربيعتي لو عجبها روج عندي اخبرها تراني اني استخدمته ولو تباه على راحتها ما اعطيها تستخدمه وترده خلاص تاخذه حقها لاني واايد اجز،، هم يعرفون طبعي بس عادي عندهم

بس العكس لا،، يعني لو انا عيبني روج عندها مستحيييييييل استخدمه بسير اشتري لي منه طبعا

يعني الاشيا الخاصة هاي الماكياج المشط الاندروير هاي اشيا تتعلق بالصحة،، ماحس حلوة اني ابيعها او اشتريها

حتى لو سرت صالون للماكياج او يت لي ماكييرة تكون الفرش من عندي،، ولو هي تبا فرشاة معينة وما عندي منها لازم تمسحة عدل وترش سبراي من اول ما تي عشان يتعقم شوي واتريا يجهز للاستخدام،، رغم ها من تخلص المناسبة امسح ويهي عدل بالمنظفات الخاصة عشان ما يتم اي ترسبات وعقب على طول احط ماسك وكريم ترطيب وانام،، لازم

سبحان الله هاي الامراض

عندي على ظفر واحد في ريلي تكرمين خط غامج،، طالع عندي من زماااان،، اتخيلي يوم سرت المستشفى قالت لي الدكتورة ان هذا بكتيريا وخلاص عايش هني وغير مؤذي
اوكي اقتنعت انه مب مؤذي بس من وين ياني قالت من الصالونات يوم تسوين باديكير،،،،!!!! تخيلي ماعاد الصالونات الحين من كم سنة يطلعون الاغراض كلها معقمة من الجيس يكون منصك عدل بس مب دايما يكون متعقم عدل

ما اسوي ،، خلاص عندي عدتي يوم اسير الصالون اعطيها عدتي ويوم اخلص وارجع البيت اعقمه عدل ربع ساعة في ماي حااااار

بس الروج كيف بيتعقم؟؟؟!!!
ما يستوي هاي اشيا شخصية،،،،

شي حريم في الصالونات الله يعلم كيف نظافتها الشخصية كيف تمشي وين تسير وين تي شو تاكل تشرب تستخدم مخدرات وللا ابر عفانا الله،، ليش انات استخدم العدة من وراها،، لا طبعا


اتمنى انج اقتنعتي بكلامي بدون زعل،، ان شاء الله تحصلين لج بزنس ثاني يكون مربح وااايد وتتوفقين

[وجدان الفجر]

كلامج صح واذا انتي تهتمين وتعقمين هالشي طيب
لكني بقولج وبصراحة اني اشل عده المكياج الخاص وحتى شنطه التسريحه كامل بس المجفف من عندهم ونفس الشي اسويه لبنتي
تعرضت في بعض الصالونات انه العامله ترفض عدتي بحجه انه اللون اللي تبيه مب موجود او نوعيه الكريم اللي عندي غير وهذي مب حجه فعادي اغير العامله
بالتوفيق اختي

أنا نفس الشي,مستحيل اقبل يحطوني مكياج مستعمل ,يا من مكياجي اللي جايبتنه معاي وبأدواتي او تفتح لي علبة جديدة قدامي .

[أحب سنكرس]

بالنسبه لي مااا احب المستعمل ابداً وف الصالون نادر ما احط مكياج مال الصالون بس الفرق انه في الصالون يكون مكان رسمي يعني ملزم بتعليمات النظافة وغيره ف هو نفسه بيحرص ع نظافة المكياج لمصلحته أولاً مع احترامي للجميع

[0510mm10]

بارك الله فيكم جميعا