مليت والله

[دلوعة خالي 6]

شخباركم بنات بخبركم عن مشكلتي وايد مضايجه منها وحتى ما عندي ثقه فنفسي انا مليانه مب وايد يعني المليان فكل جسمي المهم ما خليت رجيم ما جربته واسوي رياضة وامشي وسويت تحليل بعد ما فيني شي ابغي استعمل حبوب بس أتكون من الصيدلية ابغي انزل وزني قبل عن احمل وزني حاليا 88 اللي أتعرف حبوب مفيده من الصيدلية اتخبرني وإلا اذا حد سمع عن ابر التنحيف في عياده سميحة لطفي اتخبرني اذا زينه وإلا
ولكم الشكر

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعة خالي 6]

معقوله مافي رد أبدا

[وجدان الفجر]

أختي أمانة ما أعرف عن الحبوب . بس بالنسبة لإبر البوتكس للتخسيس ( إذا هذا اللي تقصديه ) اللي ينعطوا في المعدة , ربيعتي من أسبوعين مجربتنهم بس للحين ما حاسة بأي تغير في أكلها أو وزنها . أتمنى لج التوفيق وإن شاء الله الأخوات يفيدوج .

[دلوعة خالي 6]

مشكوره اختي ع الرد لا ما اقصد إبر بوتيكس المعده فيه إبر تنحيف لأي منطقه تبين اضعفينها ف عياده د سميحة لطفي اللي سمعت عنها اتخبرني

[sa7el]

قصدج الابر اللي تذوب الشحوم صح؟؟؟؟

بس تذوب فلوسج،،، ما بتحسين عمرج نزلتي على الابر ولا ربع انش

لا تسوين رياضة لو ما تحبين

اكلج لا تقولين بسوي ريجيم وبنحرم وما بقدر اكل

غيري تفكيرج في الاكل واوتوماتيك كل شي بيتغير

لو عندج هدف وإرادة والله بتقدرين،، بدون الارادة حتى لو سويتي شفط وقص وربط بترجعين تمتنين

اشتري لج جهاز مشي او سيكل ،،، في الصالة مجابلة التلفزيون وتسولفين في التليفون ما بتحسين بعمرج بتمشين ساعة وبتحسن عادي،، مشي بس،، ما قلت رياضة ايروبك ويوغا وسباحة ،، مشي عادي
على فكرة ترى اليوغا روعة

اكلج،، كلي نفس الاكل اللي ينطبخ في البيت،، بس خذي لج كمية اقل،، كثري البروتينات والسلطة ونقصي الكربوهيدرات

حطي لج مكان من الصبح دبتين ماي كبار،، على اساس لين الليل قبل لا تنامين انتي مخلصة هالدبتين،،،

بس ،، وشوفي على هالنظام خلال 3 شهور،، اذا ما نزلتي في 3 شهور 10 كيلو او اكثر كلميني

[موززه^^]

مرحبا
انا ربيعتيه بالجامعه شراتج وزنها مب زايد بس هي قررت بتسوي التكميم خلاص عند عبدالسلام لان هي عندها كرشه وصدرها ترهل من كثر ما تضعف وتزيد..
يارب يقومها بالسلامه باجر عمليتها ويارب يارب تتشافى هي وكل حد مريض بالسمنه.

[أم عبـد الرحمن]

وزنك كان ينزل اثناء الرجيم ولا ثابت؟

[almal3ka1]

انصحج اتضيفين نتالي بسام اخصائية تغذيه

بدون مبالغه و سمعيها شو بتقول

[دلوعة خالي 6]

اول مره اسمع فيها ممكن تعطيني حسابها

[I will not stop]

صباح الخير اختي انا عضوة جديدة في المنتدى الله ينحف الجميع بخير وصحه انا استعملت اسمها رويال سليم بتسد الشهيه مضبوط وسعرها معقول بدك ببعتلك رقم المندوبه وهي بتوصلك اياه لحد البيت

[د.ساره الشرقاوى]

حبيبتى ابعتيلي وزنك وطولك وعمرك ؟
انا بوجهك لكورس طبيعى وطبعا ماتلجأى للابر لانك كمان وزنك مو من الاوزان المعقده
انا اخصائيه تحاليل طبيه ودبلومة تغذيه سمنه ونحافه

[mrs.abk]

88 مليانة بالقو يا اختي موب شوي مليانة ... انتي مليانة وباقي لج 12 كيلو وتنترسين بعد ..

عزيزتي مالج الا الدايت .. قوي ارادتج واعتبريه دوا .. ولازم تنتظمين عليه

[موززه^^]

سوي قص هذا احسن حل صدقيني

[ضلموني]

حبوب الصبار بتنزلح كيلوين واثلاث اذا انتي عندج اصرار تنحفين وشاي رويال كمان بالسوبر ماركت متوفرة ينزلج لحد ال50 انا كنت سمينة واستعملت هذول الاثنين وهلا بدّي أسمن ما عّم أسمن هذول ينحفو اذا ستمريتي عليهم والله وهلا انا أخذتهم ورة ما نحفت بدّي ارجع أسمن يا ريت أوصل لوزن ال60

[السنقباســـية]

لا مب مليانة بالقو لو طويلة انا طويلة وف التسعينات ويعطوني ف السبعين ......... بس مثلها تعبت وانا اجرب هالريجيمات