خطيبي يباني اطلع معاه بدون علم هلي !!

[مشكلتي]

السلام عليكم ورحمة الله وبركاته ، عندي مشكله ويا خطيبي وبغيت الحل
انا مالجه من فتره طويله وللحين ماتحدد العرس بسبب الضروف
مشكلة خطيبي انه يبا يشوفني كل يوم ، المشكله مب هني المشكله انه مايبا فالبيت يباني يا اطلع من الجامعه او اشرد معاه، على قولته انه يبا ياخذ راحته وياي، كلمته في هالموضوع الف مره اذ تبا تشوفني مر البيت و انه نحن للحين ماعرسنا عشان نقعد بروحنا واهلي لو عرفو مابيرضون واني ماقدر لكنه يزعل ويقلب السالفه على راسي ويعصب و يزعل ويتم بالايام مايكلمني ، يقولي ااناا ريلج وهالشي من حقي ابا ايلس وياج واخذ راحتي اكثر لكن انتي ماتحسين وماتبين تيلسين وياي واباج تتفتحين وياي شوي !!
شورو علي شسوي

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

من ناحيه حرام وحلال ، ف هالشي يجوز لان قدام الله ريلج فعلا
لكن برايي بعد لا تطلعين دام ان من ورا اهلج .. ممكن لو هو متعصب ، وممكن يكون يختبرج ترا
شي وايد ريايل جي ، يحبون يشوفون تفكير البنت كيف
ف يوم يشوفوج توافقين تسوين شي ورا اهلج ، يقول عيل باجر الله اعلم شو بتسوي من وراي ..
ف برايي كلميه بهدوء وبالكلام الحلو ، قوليله يعني انا لو سويت شي من وراك ، بيعيبك ؟
قوليله لو اهلي درو ، شو اقولهم عقب ؟
وخليج ع رفضج
قوليله تعال البيت وبنقعد بروحنا ، مب شرط برع
وبرايي لو تستعجلون بموضوع الزواج يكون افضل ، الملجه الطويله مب حلوه للبنت ^^

[المراقبة العامة]

جرت العادات ان الزيارة تكون في البيت وبتواجد الاهل
يعني طالما هذه الامور مرفوضة عند اهلك فلابد يعرف ان طلبه غير مقبول
لاتهتمي لزعله لان التنازلات لمثل هذه الامور نتائجها سلبية ولن تكون في صالحك
اجعلي لهذه المواقف حد ثابت وإن كان لايستطيع فالاسراع بالزواج افضل
موفقة

[Miss PiXy]

طبعا لا ..

حتى ولو مالجين وحلالج .. للحين انتي ف بيت اهلج , لا سمح الله لو صار بينكم شي ؟ تضمنين انه مايودرج؟؟ خلج على موقفج ولا تضعفين

وبدال طلبات الطلعات هذه قوليله يستعيل ويحدد موعد العرس وبعد العرس اطلعو بكيف كيفكم ..

[موجوع قلبي]

الله يحفظج ويسهل أمور زواجكم نصيحه لا وتمي علارفضج انتبهي تطلعين من ورا اهلج سبحان الله يسوي شي الشيطان شاطر الله يبعد الشر منكم ويهديه قوليله ترضا اختك تطلع من ورا شوركم حافظي علااسم اهلج يلغاليه

[غزالة AD]

خليه يستعيل فالعرس اذا مافيه صبر.

[[..دانــة..]]

زين يوم مستعيل الريال ع الطلعات ويبا ياخذ راحته اشحقه ما يستعيل فالعرس وتخلصون الموضوع!
إياج تخضعين له وخليج صارمه وياه وقوليله الحق حق، تبا هالكشتات والطلعات حدد العرس وخلص!

[قلبي بزي]

من ناحيه حرام وحلال ، ف هالشي يجوز لان قدام الله ريلج فعلا
لكن برايي بعد لا تطلعين دام ان من ورا اهلج .. ممكن لو هو متعصب ، وممكن يكون يختبرج ترا
شي وايد ريايل جي ، يحبون يشوفون تفكير البنت كيف
ف يوم يشوفوج توافقين تسوين شي ورا اهلج ، يقول عيل باجر الله اعلم شو بتسوي من وراي ..
ف برايي كلميه بهدوء وبالكلام الحلو ، قوليله يعني انا لو سويت شي من وراك ، بيعيبك ؟
قوليله لو اهلي درو ، شو اقولهم عقب ؟
وخليج ع رفضج
قوليله تعال البيت وبنقعد بروحنا ، مب شرط برع
وبرايي لو تستعجلون بموضوع الزواج يكون افضل ، الملجه الطويله مب حلوه للبنت ^^

[Yazi.90]

لا تسمعين كلامه اختي و برايه خل يزعل ،،

ومثل ماقالو الخوات لو ترومون استعيلو فالعرس احسن

[Ward-uae]

ليش العرس يتأجل اذا شي مشكله ماديه خلوها خفيفه وعلى قدكم واذا بسبب وفاة او شي ما يحتاي عرس فخم سووها عائليه وخلاص اما انه يبي يطلع وياج وتشردين وين قاعده حبيبتي هو ريلج على سنة الله ورسوله لكن بس جدموا العرس وكلمي اهلج انه ريلج مستعيل

[sa7el]

لا طبعا،، قولي له استعيل في العرس
اهلي ما يرضون
قبلهم انا اللي ما ارضى،، اهلي مربيني مب عشان اخون ثقتهم،، تباني اخون ثقة اهلي،، اكيد لا

وحاولي تقللين المكالمات بالتليفون بعد معاه، عشان جي نحن انفضل الملجة تكون في وقت قريب من العرس،، عشان الريال ماياخذ راحته وايد ويقدر الحرمة ويعطيها احترامها وقدرها، ولو سمع بس صوتها يتذكر هالصوت ايام لين يسمعه مرة ثانية،، مب ييلس يصارخ ويباغم عليها،، والله

خليه اختي وابتعدي شوي،، بمعني اتغلي واثقلي،، خليه يرجع يعرف جيمتج ويستعيل بالعرس

[المعآني]

خذ العفو وأمر بالعرف
اعرافنا ماتسمح ولا ترضين نهائيا
بعدج ماتعرفينه عدل ولا تعرفين نواياه
الشباب هالايام مأخذين الموضوع لعب بجربها مرة قبل العرس أن ماعيبتني ولا ما ونستني بفركش الموضوع فانتبهي
واذا طلعتي معاه بيقل قدرج وثقته فيج وبيي يوم بيعايرج
وبحط بباله انج تسوين سوالف من ورا اهلج

[دانه الكون]

بياخذ حاجته
و وقتها ما ينفع الندم
و ما تقدرين اتقولين له ما اباك عسب الفضيحه

[Fa.R]

إذا قلنا خل الريال يستعيل عالعرس بتقولين عنده ظروف
عيل الحل؟ خليه ايي من باب بيتكم يزوركم وأنتي وأهلج ترحبوبه وتستقبلونه
وخلاف أهلج بيخلونج روحج أكيد

بس لو تبين تطلعين كلمي أمج وخلي حد ايي معاكم بس يكون موجود في نفس المنطقة اللي انتي فيها
مثال لو كنتي في مول شلي وياج أمج وأختج

وقعدي ويا ريلج في الكوفي وبرايها أمج لو بتحوط وبتتشرى


لا تعودين ريلج عالطلعات ( وايد ) صدقيني بيمل عقب
دام بينكم ظروف اللي مسبب تأخير أنتي مالج ذنب أكيد

بس فالنهاية من حقه يجوفج وتطلعون تغيرون جو
لكن مع أهلج

حتى لو تروحون دبي أنتي وأهلج وتخلينه ايي
وتطلعون البحر وأمج يكون عندها علم بس إن شاء الله
توافق لأن من حقه ريلج يجوفج حتى لو برع
و في الشرع مب حرام !!

بس طلعاتكم تكون بـ نية الشوفة وتغيير الجو

الله يوفقج حبيبتي ويسهل أموركم في أقرب وقت

[سار90]

لالالالالالالالالالالالالالالالالالالالالالالالالا لالالالالالالالالالالالالالالا