ما اعرف الحل معاهن ؟؟

[مشكلتي]

السلام عليكم .. انا بنت و لله الحمد متفوقة على بنات صفي و بتميز- الاولى - و الحمد لله الكل يشهد لي بالاخلاق و الادب .. مشكلتي اني مرابعة بنات خلوقات ف تعاملهن .. لكنهن يرمسون شباب
ياما نصحت و ياما حرجت عليهن لدرجة ان وحدة منهن قالت لي ( انا اعدج يا فلانة نفس امي ) و الباقيات وافقوا ع رمستها .. لكن ما في فايدة معاهن .. اذكر سالت وحدة منهن ليش جي تسوي ؟؟ فردت انها ما تقدر تخلي هالشي- ما تقدر انها ما تكلم واحد !!!- مع العلم ان امها كشفتها كذة مرة و شلت عنها فونها كذه مرة بعد ... و الثقة استوت بين ربيعاتي و امهاتهن معدومة .. لدرجة ان وحدة منهن تقفل النت عن بنتها لما تظهر من البيت
فشو هو الحل بريايكم ؟؟؟؟

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

الكلمة الطيبة صدقة

[دانه الكون]

الحل عند نفسهم

و محد بينفعهم غير نفسهم

[وجدان الفجر]

مادام هذه أخلاقهن , ابتعدي عندهن , انت نصحتي وما سمعن نصيحتج , . لا تنسي الصاحب ساحب , وإذا ما عدنج بتصرفاتهن السيئة , فبيضرنج بسمعتهن , والناس بتقول أنج مثلهن .فأبتعدي وأختاري لج صديقات يساعدنج على طاعة الله ومحاربة النفس الأمارة بالسوء . ربي يوفقج .

[اشراقة أمل]

الله يهديهن بس اذا يكلمن شباب! معناها في مشكله اخلاقيه

اعرف يمكن شاطرات وطيبات باشياء كثيره


بس غلط

يفضل تنتبهي ... لان الصاحب ساحب وبعدين يمكن تتمنين تكلمين مثلهن ...


بس انصحيهن .. وتسلي معهن بحدود وخليك مثال .. ثاني شي انتبهي من الحقد


بعضهن يعرفن انهن غلط .. ويحقدن ! يحاولن يحرفنك بطريقه ... فانتبهي

[رسايل غلا]

اختي إذا تبين نصيحة اخت
ابتعدي نهائيا عنهن الشباب الحين ما يفرقون
يقولون لو وحدة منهن تكلم شباب يعني كلهن
يكلمن وانتي نصحتي وسويتي اللي عليج فلا
تضرين سمعتج بسبتهن وحاولي تتجنبينهن شوي
شوي لين تبتعدين كليا وان شاء الله ب تلقين
ربيعات احسن منهن ولازم تعرفين انه الشخص
مب بس أسلوب وتعامل الشخص قبل كل شي
أخلاق وأدب واحترام للنفس قبل الغير

ربي يرزقج الصحبة الصالحة ويجنبج السوء

[موجوع قلبي]

الله يحفظج من كل سوا يقولون الصاحب ساحب ابعد احسن

[Miss PiXy]

شدراج ممكن يطرونج جدامهم؟ والشباب يعرفون اسمج وسوالف عنج ؟ وعادي يعطونهم رقمج لا تستبعدين هالشي هذا وايد سوالف وبلاوي سمعناها

سويتي الي عليج نصحتيهم ومافاد ف مافي حل غير انج تبتعدين عنهم

[المعدن النفيس]

نصيحتي لج يالغالية أن تبتعدي عنهن واقطعي كل علاقة لج بهن

قال رسول الله صلى الله عليه وسلم :
( مَثَلُ الجليسِ الصَّالحِ والسَّوءِ ، كحاملِ المسكِ ونافخِ الكيرِ ،
فحاملُ المسكِ : إمَّا أن يُحذِيَكَ ، وإمَّا أن تبتاعَ منهُ ،وإمَّا أن تجدَ منهُ ريحًا طيِّبةً ،
ونافخُ الكيرِ : إمَّا أن يحرِقَ ثيابَكَ ، وإمَّا أن تجدَ ريحًا خبيثةً )
رواه البخاري

الله يحفظج أختي من كل سوء

[امراه]

خلوقات وجي سوالفهن

[mouzan7mod]

ابتعدي عنهم ، يمكن صح ما يضرونج شخصيا لكن ممكن يضرون سمعتج لانهم ربيعاتج ف الابتعاد عن النار يقي الشرار

[استغفر الله..]

اختي إذا تبين نصيحة اخت
ابتعدي نهائيا عنهن الشباب الحين ما يفرقون
يقولون لو وحدة منهن تكلم شباب يعني كلهن
يكلمن وانتي نصحتي وسويتي اللي عليج فلا
تضرين سمعتج بسبتهن وحاولي تتجنبينهن شوي
شوي لين تبتعدين كليا وان شاء الله ب تلقين
ربيعات احسن منهن ولازم تعرفين انه الشخص
مب بس أسلوب وتعامل الشخص قبل كل شي
أخلاق وأدب واحترام للنفس قبل الغير

ربي يرزقج الصحبة الصالحة ويجنبج السوء

معاها 100%

[استغفر الله..]

صارتلي سالفه مع وحده
انا والله العظيم يشهد علي اني مول ما اكلم اولاد
بس كانت وياي هالبنت وايد وكنت اقول طيبه وادري انها تكلم اولاد بس دام اني ما اكلم مالي خص فيها
طلعت هالبنت يوم ترمس فلان من الناس تطريني
فلانه بنت فلان
وفلان هذا يتحسب اني نفسها وهي ماشالله تكلمه وتكلم ربعه وانا اسمي يتوزع بينهم وانا مالي ذنب

لين ما واحد يزاه الله الف خير الله يرزقه الزوجه الصالحه ويوفقه ويفتحها بويهه ويستر عليه وع خواته مثل ما ستر علي ما انسئ وقفته وياي والله العظيم
عرف من كلام ربيعتي اني انا نوعي ما اكلم اولاد ولا عتذي هالخرابيط
فيوم من الايام طلب من ربيعتي رقمي والخاينه عطته رقمي من وراي ( غيرت رقمي بعدين )
طرشلي مسج بكل احترام ومالامست فيه غير الاخو لي يابته امي والله العظيم
السلام عليكم معاج فلان الفلاني انتي صديقة فلانخ
انا حاب احذرج كذا كدا كذا
انا ادري انج بتت ناس ةمحترمه ومابغي سمعتج تنضر وانتي مالج ذنب
ودام ربيعتج تتكلم عنج ف والله ان الاولاد فالخيمه عبالهم انتي نفسها
فنصيحه من اخو لاخته ابتعدي عنها
وانا قد ما اقدر حاولت اني افهم ربعي الي فالخيمه انج غير وقلت لهم انج من اهلي وما ارضئ اول ماصدقونب بس حاولت اني ابينلهم اني جاد
اتمنئ تحافظين ع نفسج مثل ما انتي وما تنجرين
ترا سمعتج من سمعة صديقتج الي وياج

ولاتنسين تدعيلي
الله يستر عليج اختي


كان هذا كل كلامه !
ماتدرون شكثر انصدمت بربيعتي
وكبر فعينذ موقف هالولدعلئ الرغم انه مابيني وبينه اي صله بس سبحان الله يوم ربج يبا يبين للناس صدق نواياج جدام الناس

شكرت الولد بكل ادب ودعيتله
2 يوم غيرت رقمي

الله يوفقه ويكتب له الخير
على انه الموضوع مر عليه 7 سنوات
الا اني مستحيل انسئ وقفته وياي رغم انه مايعرفني ولا اعرفه ولا شافني ولا شفته ولا يعرف انا بنت منو ولا اي شي عني غير اسمي وقبيلتي ووين كنت ادرس قبل ) السبب من ربيعتب الله يسامحها (.
طبعا قطعت علاقتي فيها بعد هالموقف
وبيني وبينها سلام بس بعد ماكانت ربيعتي الروح بالروح
ترا الطماطه الخايسه تخيس كل الطماط

وانا نوعي خجوله وعنياتي يعني لو شفت واحد ارتبك ومستحيل احط عيني بعينه


الله يوفقج اختي

[mrs.abk]

حبيبتي الصاحب ساحب ,, اقطعيهم فديتج لا يتوطن بمشكلة كبيرة ويورطونج معاهم

[cute uae]

مادام هذه أخلاقهن , ابتعدي عندهن , انت نصحتي وما سمعن نصيحتج , . لا تنسي الصاحب ساحب , وإذا ما عدنج بتصرفاتهن السيئة , فبيضرنج بسمعتهن , والناس بتقول أنج مثلهن .فأبتعدي وأختاري لج صديقات يساعدنج على طاعة الله ومحاربة النفس الأمارة بالسوء . ربي يوفقج .