عرس مب عرسكم

[احلى بعفويتي]

في ناس متربين ويا بعض من الصغر ولا ربع العروس ولا المعرس ريبع اخوهم الروح بالروح فيتعدلون يعني من الواجب يجوفون هالشي

وفي ناس مساكين ما يطلعون كشختهم الا بالاعراس كل حد وثقافته في من الحريم الي رياييلهم يمنعونهم من الكشخه الا اللهم اذا عرس فطلع كل الي بخاطرها

وفي ناس تبا تنخطب
وفي ناس تبا تغاي

- - - Updated - - -

في ناس متربين ويا بعض من الصغر ولا ربع العروس ولا المعرس ريبع اخوهم الروح بالروح فيتعدلون يعني من الواجب يجوفون هالشي

وفي ناس مساكين ما يطلعون كشختهم الا بالاعراس كل حد وثقافته في من الحريم الي رياييلهم يمنعونهم من الكشخه الا اللهم اذا عرس فطلع كل الي بخاطرها

وفي ناس تبا تنخطب
وفي ناس تبا تغايض

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سحر الغموض]

ما اعرف ليش احس الموضوع غريب !! عجيبات هالحريم ..

انا عن نفسي كشختي فعرس اخوي غير اعراس ربيعاتي وناس بعيده ،،ما اعرف بس احس غير لما تكون من المعازيم عن لما تكون من اصحاب الشأن ...ما علينا في ناس تحب المنافسه وتكشخ من الخاطر دايما بس انا اشوف الحلو حلو بدون كماليات واللي مهتمه بنفسها وجسمها حتى لو تلبس فستان ساده وتحط لعمرها ميكب بتطلع ملكة..



بس الفئه الي صدق تقهرني حريم فالاربعينات وتحاول تنافس العروس انها تلبس ابيض اخيييه تكسر الخاااطر !! ما ادري شو بلاهم يفصلون مرات هههههههه

[ام رشوودي]

عادي لانهم بين الحريم بس عن نفسي ماااحب الاعراس بس احب العزايم ولمات

[روح_الإمارات]

ما أسير أعراس إلا خواتي بس لا والشقيقات مب أي خوات عايشة في حالي والباب اللي ايي منه الريح سده واستريح

[موجوع قلبي]

إذا عرس مب عرس بتعدل بترتيب وبلبس عباتي
ولي تحضر عرس من غير عزيمه ناس تونس علاروحها

[هجير الشمس]

انا كل حياتي ما حظرت غير عرسين وما قعدت غير عشر دقايق اطلع فوق اسلم عالعروس وينك يالباب
لني ما احب هالاجواء ابدا بس بكررها في حال عرس اخواني او خواتي او عيال خالي بحكم اني اعتبرهم عيالي غير جي مستحيل
بالنسبه لموضوعج ما اشوف فيه شي
عادي كا وحده وكيف تحب تكون جدام الناس بس اهم شي ما تطلع جدام المعرس بالمنظر هاه وغير جي ما اشوف فيها شي

[Dalila79]

عادي اشوف مافيها شي ... طالما مستورات و محد يشوفهن غير حريم ... عادي

[mrs.abk]

عرس يبا عررررررررس .. خلينا نكشخ .. في الزوارات ما تبونا نكشخ .. في المول ما نكشخ .. في الجامعة ما نكشخ .. في بيوتنا ما نكشخ ,, خلونا نكشخ في الاعراس ..

لا تكونون متشددين لهالدرجة .. حشا بينتهي المكياج ونحن ما حطيناه ..

[ملكة الاحاسيس]

اكيد حفلة تخص الحريم ومجتمع الحريم الكل يحب يطلع بشكل مرتب وحلو ... هذا عرس مب عزا

[نعومة ملكة]

يبن يعرسن حليلهن

[حسنة الظن]

كلن وعاداته كل ربعنا يتكشخون لو في عرس او مناسبه حتى لو مو من اهلنا دام فرح نفرح ليش لا والاغلب المناسبات تكون من نفس القبيله

[ماحد شراتي]

ما احب الاعراس ما اعرف ليش يمكن 4 اعراس سرتهن في حياتي احب اللمات والحفلات اكثر
وبالنسبة لموضوعج عادي بغض النظر شو الغرض من حضور العرس .. الحشرة مع الناس عيد ..

[alfalah]

الله يهدي الجميع يارب

[Nasra cute]

انا لو الي بتعرس تعني لي وايد و اعزها بتعدل لها
و الصراحه انا مريت بموقف مثل هذا تقريبا حضرت عرس وما مداني اتعدل وكنت راده من سفر، الجماعة فسروا اني انا حاسدتهم ولا فرحانه لهم ولا ابا اشاركهم فرحتهم!!!!

....!!

[لمياء2007]

والله مكبرين الموضوع. سايرات عرس ولا عزا خلهن يكشخن ويتلبسن شو فيها.