عرس مب عرسكم

[mouzan7mod]

السلام عليكم و رحمة الله وبركاته


من كم يوم كان عند جيراننا عرس ، و الحمدلله تم على خيرو الله يوفق سعيد ب سعيدة ، المهم ، لاحظت إن في حريم لا من اهل المعرس ولا من اهل العروس اللهم حريم من الفرجان الثانية عرفوا ان في عرس هني و زارو الخيمة مال ليلة الحناء و زاروا القاعة ، و إلي خلاني أفكر إني أكتب هالموضوع إن شفت الحريم في هاليومين (بالضبط في هاليومين)حاطين فلللللللللل ميك أب و الثياب فعلا كأن وحدة منهم أخت المعرس او أخت العروس ،، عن نفسي لو العرس عرسنا طبيعي بتعدل ، بس لو كان عرس الجيران بتعدل بس مب الشكل المبالغ فيه بيكون بشكل عادي ، لآني جزء من الحضور ..


و إنتوا هل تتعدلون لعرس مب عرسكم ولا ؟

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماما قصايد]

سبحان الله كل حد يدعى الثاني للعرس وكلها لمة احباب وفرحة تعم الكل حتى لو مااعرفهم كفاية اشوف فرحتهم الله يتمم لهم على خير .. وسبحان الله حد يكون محتاج لقمة ياكلها ويأكل هله فتكون فرصة يونس نفسه وياخذ المقسوم يسد فيها يوعه ..تراه جيه ولا جيه الاكل ينقطط والحمدلله الي خذ صدقة يدفع فيها بلا..

وثاني شي الي تكشخ باعراس مب اعراس اهلها شي راجع لها سبحان الله مب معرسة وحد من الامهات يعجب بها وتختارها لولدها ..ويمكن سبحان الله هيه طبعها جيه كشيخة بكل وقت ..احن نكشخ بس خفيف واعرف ناس يكشخون اكثر عن ام العروس ..عادي اهم شي حضورهم ويشاركونا فرحتنا ....

هذا رأي الشخصي وتختلف الاراء

[ورقة ناعمة]

نحن مب لحقين على اعراس من أهلنا عشان نسير اعراس غيرنا

موضوعج غريب يمكن عشان سالفة الخيم والجيران والكل يتيمع فما اعتقد حد يحضر عرس من غير عزيمة

[رباب حمدان]

لا طبعا هذا شي والاهل شي

[طيبة*قلب]

هالفئه مساكين ماهم جايين للقمه العيش
جاييين يدورون ام معرس تخطبهم

[لحنْ #]

عادي ماشوف فيها شي ، شي ناس ماتقبل تكون عاديه
تحب دايم تكون متعدله ع 10 ^^ .. شو فيها خل الناس تعيش وتنبسط
والاخوات اللي يقولون يبون ريال ، ماتوقع صح
بعضهن اصلا يكونون معرسات
وماتوقع الكشخه لها علاقه بالزواج صح ولا ؟ خل نتحرر شوي بالتفكير ^^

[عطر رومانس]

باختصار .....لكل مقام مقال ....

[Miss PiXy]

عادي مافيها شي!

[Ward-uae]

اذا بس كشخه عادي لكن يدخل المعرس وتقعد ترقص او ما تتغطى هنا هيه بقولج معاج حق غير جيه بالعكس شي طيب منهم

[almal3ka1]

عادي ماشوف فيها شي ، شي ناس ماتقبل تكون عاديه
تحب دايم تكون متعدله ع 10 ^^ .. شو فيها خل الناس تعيش وتنبسط
والاخوات اللي يقولون يبون ريال ، ماتوقع صح
بعضهن اصلا يكونون معرسات
وماتوقع الكشخه لها علاقه بالزواج صح ولا ؟ خل نتحرر شوي بالتفكير ^^

[Yazi.90]

انا اشوف هالشي عادي ،،

خل يستانسون وعليهم بألف عافيه

[غزالة AD]

عادي جدا..انا مستحيل انعزم على عرس وما اروح الصالون واحط فل ميكاب بعد..لاني اكون مطمنة انهم كلهم حريم وعادي اعق شيلتي فالعرس بس طبعا اكون لابسة عباة اعراس وما اعقها اتم يالسة بالعباة بس فستاني مبين.

[كراميلا1]

هيه شي حريم يروحن اعراس سمعو عنها بس مانعزموا ويشلن بناتهن عشان الحريم يشوفوهن ويعرسن

[طيبة*قلب]

هيه شي حريم يروحن اعراس سمعو عنها بس مانعزموا ويشلن بناتهن عشان الحريم يشوفوهن ويعرسن

ايه اذكر وحده من جنسيه عربيه كان ابوها الله يرحمه سواق جدتي واهله معاه
كل عرس او عشاء عند جدتي تجي بنته ومكياج وتفرد الشعر وترقص
مااختفت الا بعد ماتزوجت مدري مين تزوجت

[أم محمد1988]

أنا أشوف الكشخه فالعرس سواء كان اوفر أو عادي يعتمد على طبيعة البنت أو الحرمه .. فيه حريم جريئات وعادي تكشخ وتلبس وفيه منهم اللي تستحي وتفضل تكشخ ف مناسباتهم بس ..

والعرس مثل ما هو معروف فرحه لأهل العروس والمعرس حتى المعازيم يحتفلون وياهم وبعضهم حتى يروحون الصالونات حالهم حال الأهل .. أنا أعتبره شي طيب منهم وفعلا أقدر كل وحده لبست أو كشخت في مناسباتي أو مناسبات أهلي ..
واللي تلبس وتكشخ ف مناسباتنا نحن بعد نفس الشي نلبس ونكشخ لها ف مناسباتها .. حتى لو ما كانت من الأهل

عادي عادي العرس فرحه للكل