اخوي .......

[بنت امارات العز]

السلام عليكم ورحمة الله وبركاته

سافرت له و وصلت المطار واستقبلني ربيعه وزوجته

قلتلهم ودوني المستشفى ابشوفه .. ابحضنه .. ابشمه

قالولي بعدين اصريت وقمت امشي بشوارع المدينة لا شعوري لحقني وقالي تعالي نروح

دخلت من باب المستشفى وياني احساس غريب سالته فلان اخوي بخير؟؟

التفت علي وماقدر يمسك نفسه جلس على الارض وقام يصيح بحرقه وانا اطالعه مصدومه من ردة فعله

ربيعه هذا اخوي الثاني اعرف انه قوي و مايهزه شي استغربت من ردة فعله

قالي اخوج تعبان وايد و الدكاتره ماتبشر بخير .. ركضت في ممر المستشفى ادوره مثل المجنونه

وقفني و وصلني عنده .. يالله قلبي وقف شفته بس مب هو اخوي شفته الاجهزة عليه ولافته عليها ممنوع الدخول

انهرت صحت جلست عالارض عند باب الغرفه وانا اترجى الموجودين بس بدخله لو دقيقه اقرب منه ابي ارتاح شوي

فجأة جرس يطلع من غرفة اخوي والدكاتره تدخل بسرعه والممرضات خفت تلفت ابي اعرف اخوي شفيه

سكروا الستاره قمت اصرخ شفيه اخوي خبروه اني برع اني عنده موجوده خبروه اني انتظره

دقايق وطلع الدكتوره و ماقدر يحط عينه بعيني وقال شي ماسمعته .. التفت على ربيعه قلتله شو قال ؟؟

قالي عظم الله اجرج .......... ماحسيت بشي بعد هالكلمة

يا بنات اخوي راح .. خلاني بروحي وراح .. مب قادرة اتحمل بعدني اتصل على رقمه

اطرشله كل شي على الواتساب .. كل شي يصير معاي بالتفصيل

احس اني ميته بس عايشه بجسد قلبي وعقلي راح معاه .. البارح رجعت

انا وربيعه وزوجته فالمطار تاثروا على حالتي وكل ماصحت صاحوا .. ربيعه قالي شي صدمني وكسرني

قالي اخوج كان عارف انه بيروح وصاني وصية اوصلج ياها

قالي قوللها لاتصيحين .. لاتعبين عيونج .. ادعيلي بالرحمه .. مب راضي عنج اذا زعلتي نفسج وتعبتي

ماقدرت امسك نفسي صحت لين ما اغمى علي في الطياره خافوا علي يحاولون يصحوني وانا واعيه بس ماحس بشي

بنات قلبي بيوقف الدنيا مب حلوة .. لو الانتحار مب حرام كان انتحرت ولحقته ..

ادعولي الله يصبرني

الله يرحمك ياخوي ويصبر قلبي على فراقك

المزيد من آخر المواضيع من نفس القسم:

• عضوة جديدة 😘
• الاهل و انا
• بسم الله الرحمن الرحيم وحيده ومحتاجه صديقه...
• خريجات مدرسة القطارة الاعدادية في مدينة العين
• مساعدة
• ساعدوني ولا تهملون رسالتي 😭😭😭😭😭
• اهلا
• رواتب محلية رأس الخيمة
• ملتقي خريجات سوده بنت زمعه
• عن رواتب الحضانات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مشاعر مبعثره]

الله يرحمه ويعمد روحه الجنه ويصبرج يا حبيبتي ادعي له واتصدقي عليه عظم الله اجرج

[ماما قصايد]

الله يرحمه ويغمد روحه الجنة ,, لاتصيحين يقولون يعذب الميت وانتي ماتبين اخوج يتعذب ..تصدقي عنه وادعيله هو محتاجج اكثر الحين لدعائج وصدقاتج مب محتاج دموعج ولاتنسين وصيته الله يرحمه..

[hnmydsm70]

حبيبتي بكيت والله من شدة التأثر--الله يرحمه ويغمد روحه الجنه ويصبرج يا حبيبتي ادعي له واتصدقي عنه عظم الله اجرج

[امال ق]

الله يرحمه ويعمد روحه الجنه ويصبرج يا حبيبتي ادعي له

[عساك تبقى لي]

الله يصبر قلبج حبيبتي. .الله يكون فعونج. .الله يأجركم في مصابكم. ..ماشي أقوى من ألم الفراق والله حاسه فيج انا راح عني ولدي..وجربت هالألم. صيحتيني وقطعتي قلبي. .
أدعي له بالرحمه هو محتاجج قويه تدعين له وتصدقي عنه ..

اللهم أنزل على قبره الضياء والنور والفسحة والسرور اللهم جازه بالحسنات إحسانا وبالسيئات عفوا وغفرانا. .
اللهم أبدله دارا خيرا من داره وأهلا خيرا من أهله. .

[mouzan7mod]

الله يرحمه و يغمد روحه الجنة

[سماءالأفق]

الله يرحمه ويصبر قلبك

[wish_dubai]

اختي انا صارلي نفس الموقف تقريبا بس مالحقت اشوف امي كانت خلاص وماصدقت لين الحين استغفر الله ماقدر اقول الله يرحمها استانس يوم حد يدعيلها بس انا اتذكرها عساس انها بعدها مسافره وبترجع لي

حمدي ربج عندج عيال وحد يهتم فيج وتهتمين فيهم ... انا ماااااعنديه حد ابوي مسافر واخوي متزوج وعايش بعيد وماعندي خوات ولا ربيعات كانت كم وحده وانا اللي اتصل عليهن صرت احس اني مااالي لازمه من عقبها لانها كانت اختتتتي وربيعتي مب امي عمرري ماسمععت منها كلمه لا او لاتسووين جي او او بالعكس كنت امزح وياها جنها ربيعتي وما استحي منها ابددد لدردجه كانت دوم تطلب مني النصيحه تخيلي

السموووحه قاعده اتكلم عن حااالي بس عشااان اوعيييج عشان تهتمييين ف عيالج وريلج وبيتج , وبتم ادعييييلج كل ما ادعي لنفسي الله يصبررج ع فراقه يااارب والله يرحمه .

[قلبي بزي]

الله يرحمه ويغمد روحه الجنة

[لحنْ #]

الله يرحمه ويغمد روحه الجنة ,, لاتصيحين يقولون يعذب الميت وانتي ماتبين اخوج يتعذب ..تصدقي عنه وادعيله هو محتاجج اكثر الحين لدعائج وصدقاتج مب محتاج دموعج ولاتنسين وصيته الله يرحمه..

[Jimmy Choo]

لاحول ولا قوة الا بالله

[صبصب]

ما قدرت امسك نفسي دموعي تنزل بروحها
الله يرحمه ويغمد روحه الجنة والله يصبر قلبج ويعينج

[صبصب]

الله يرحمه ويغمد روحه الجنة ,, لاتصيحين يقولون يعذب الميت وانتي ماتبين اخوج يتعذب ..تصدقي عنه وادعيله هو محتاجج اكثر الحين لدعائج وصدقاتج مب محتاج دموعج ولاتنسين وصيته الله يرحمه..

اختي الله ما يعذب الميت إذا حد صاح عليه
الميت يحس باللي حواليه ويوم يشوف حد يصيح عليه يزعل ﻹنه هو عند رب غفور رحيم ارحم من الام على عيالها يعني يزعل الميت ويتعذب ﻹنه ما يبي أحد يصيح عليه وهو اصلا مرتاح
انشالله تكون الفكرة وصلت صح
الله رحيم ورحمته توسع الخلايق كلها مستحيل يعذب ميت إذا حد صاح عليه والله يرحم أموات المسلمين جميعا

[Yazi.90]

لا اله الا الله كلامج يعور القلب والله ،،
تصدقي عنه واستغفري و ساندي زوجته هي بعد محتاجه حد يهون عليها
الله يجعل مرضه كفارة لذنوبه وتطهير يارب
و ربي يرحمه ويرحم اموات المسلمين اجمعين ان شاءالله ،،
احتسبي واصبري اختي الكريمه عسى الله يجبر بخاطرج