العمل لا يناسبني

[اشراقة أمل]

اختي مب شرط الوظيفة مب زينة ، شوفي انتي كم وظيفة انظميتي لها ، يعني معقولة كل الناس صح و انتي غلط ؟ فكري عدل الغلط منج ، دخلي دورات تطوير الذات

هلا اختي .. هي المشكله اني بسبب وضعي كبدون .. انا دشيت وظيفه وحده .. هي سكرتيره وكنت وقتها متخرجه جديده من الجامعه

وكانت اعرف كمبيوتر وانجليزي .. انجليزتي بالنسبه لكثير زينه وكنت حتى استلم وترجم عقود

والكمبيوتر اعرف بس وقتها سرعة الطباعه مب كثير ... بس الحين تحسنت حتى من ناحية الحسابات كنت مب سريعه الحين اسرع .. بس مااحفظ الارقم بسرعه

بس بعد تحسنت هذا كاساسيات وبعد مب مطلوبه بكل الاعمال


شغلي الاول .. المسؤول ماختبرني بس كنت جديده ومااعرف شو الشغل ... فهو رفض يدربني

يعني كنت في مكتب هندسي وانا علي اعبي بيانات

مااعرف عنه هو يقول مهندس بس شاكه انه مايعرف .. شو الاوراق المطلوبه! شاكه والله

راح وقت ماصار عندهم مشروع .. مهندس ثاني اعطاني الاوراق المطلوبه وعبيتها وكل شي الحمدلله

راح شكر المهندس وقال لولاك انا ماكان عندي سكرتير وجي! يعني قصه عني ... وهذا غلط بس انا كنت جديده ومب عارفه طبيعة العمل

بعدين صار هو يتعامل معاي المسؤول بشده .. وكاني مااعرف شي .. يبيني بدال الاله الحاسبه بدال مفكرة التلفون يعني يعجزني شوي ..يبيني نظام مال اول

بعد فتره الموظفين مثله يسوون يحبون يعينوون جماعتهم بس .. وانا نوعي صح شخصي مب قوي

وتركتهم بعد الكلام المب طبيعي رغم اني كنت اشتغل حسب علمي والحين يوم شفت الناس وشغلهم حسيت اني فعلا كنت اشتغل ....




وبعد جي مادورت شغل عشان وضع ان ماعندي .. اوراق ثبوتيه .. وخوفي من اماكن العمل المسؤولين ....


الحين قدمت بعد خمس سنين على هذا العمل ...

وكنت احس نفسي احسن من الشغل الاول بس عندي خوف ان انسى او مااحفظ رقم! لان الشغل الاول كانوا مركزين على حفظ الارقام ...

بس طبقت خلال مده اقل من شهر كل شي تعلمته هناك

بس هني كان هذا البنغالي فوق راسي .. من اول يوم يقول انا بعلمك الشغل! قصده وين الملفات .. واشياء عن المعهد ...

صار يخبرني تاريخ المعهد المشرف والغير مشرف ... ويخبرني عن الشغل

ماقلنا شي مشكور .. بس حسيته على كيفه

الملفات لييين مافتحنا ملفات جديده .. على كيفه

تسمية الملفات على كيفه ! ومتاكده ماخذنها من حد ...

خلاني انا طباعه له عشان هو مايعرف عدل لا عربي ولا انجليزي

بس امشي وراه

لا اكلم طلاب
لا اسوي شي


انا بعدين صرت مسترخيه .. امشي وراه واقول عندكم فلان!!!


وبعدين يشكيني بصوره غلط ... تعرفين اول يوم كان في كلنكس على الطاول محارم بالعربي مالتي يمكن مزكمه .. يشلها من على طاولتي يقول لي

هذا نفرات واجد نظيف مايخلي كلنكس على طاولة !!! مايخلي زحمه على طاوله ...

اريد اسوي ملف مال مراسلات .. مايسوي!
اريد اسوي برنامج ادخل كتب المعهد ..مايسوي!
اريد اكتب اسم المعهد على الملف .. مايسوي!
اريد ارتب الملف ..مايسوي!
اريد على كيفي..مافي!
الفواتير المسؤول طلب ادخلهم على راحتي .. هو قال مثله .. بعد فتره راد يرتب الملفات وشاف انه وقته ... صار يهددني ...اذامايخلص فاتوره انا اخذهن عنك!

عيب ... يااختي ..


انا ماقلل منه هو يعرف ومن زمان .. بس عيب

كل يوم ادخل اريد اقرا ملفات .. لا مايقرا .. هذا مشكله كبير بعدين .. زين ماختلفنا علمتني .. بس مايحتاج كل هذا ! يعني خبرني ان في استماره تتعبى وقت الامتحانات طلاب وبعدين نحتفظ بالنسخه والباقي نبعثه للمؤسسه المسؤوله الاصل ..

بعد فتره او جلسه جلستين استوعب .. هو كان يدربني بس كان اسلوبه دفش وخلاني وراه! انا انزعج من حد يخليني وراه

حتى فاتوره الانترنت طلب مني اسوي ورقه فيها ارقام الحسابات وغيره .. عشان يكون هو مرتب على كيفه! وكل شوي يمدح فكره

مره المسؤول راد اسم المعهد بصوره واضحه جاب اللوحه بحالها دخلها الة التصوير! زين بس نكتبها وخلاص على ورقه بصوره واضحه وانتهى !

مااعرف اختي ! مرات يجلطني

هم يقولون مسكين ومشي الامور ومعتمدين عليه .. بس تجاوز معاي اخلاقيا!

ويتكلم معاي يغرغر .. عن الشغل فهمنا .. بس بلاده وبلاد هني وكل مككان يغرغر ... لدرجه يطاول يقول اتصلي علي بلاد عشان اغرغر معك

انا اصلا يوم اتكلم مافتح حلقي بكلمه بس اساير شوي عشان مب عارفه شو هذا!!!

بعدين صرت اداوم على هذا الغرغر بس .. اتضايقت!


الوضع غلط


تعودت بس على سوالفه! ومافي شي ثاني ... اخر شي صرت اشوف الملفات على الحاسب او الكمبيوتر

بس ماتحملت

ثاني شي هم يحطون اي مشكله علي...


يعني مسؤول عن لجنة الامتحانات التوفل في المعهد اخو صاحب المعهد

واخطاءه كثيره ..... لانه رجال كبير ويمشي على كيفه!

يعني يوم توصله تعليمات جديده مايعرف يعلمنا ياها ويفهمها متاخر ويطلب ترجمه من بنته لان تخصصها انجليزي

صارت مشكله هوية الطالب لازم يوم يطلع ياخذه معاه هو مفروض يكون عارفنها ومنبه الناس

قال انا السبب! عشان يحط اللوم!


انا شو خصني .. يوم خبرت البنغالي خليهم ياخذوا الهويه قال .. لا !

يعني سوى لي مشاكل من اول شهر!



بس الغلط مني سايرت لهم واذني مااسمع منها فاريح عمري مرات .. صار جي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اشراقة أمل]

يوم امتحان التوفل كان علي طالب واحد اراقبه ! وانا لي كم يوم اراقب ... يوم طلبت استقيل


عاملوني بزفاته .. طلب من كل الموجودين .. يراقبوني وانا اراقب الطلاب كل خمس دقائق يدقون الباب

وطلب من خطيبة ابنه توقف فوق راسي .. وهي اصغر عني يمكن بست سنين او اكثر

عشان يمكن اغلط! عيب والله عيب

هو يعرف ان هذا غلط


مكانهم ماتثبت فيه سكرتيره وحده يمكن على مدارعشر سنين

بس مصريه ضلت ثلاث سنين ومن بعدها خلاص!!!!!

جاب فلبينيه ماتعرف اي شي حتى كمبيوتر

اعطاها راتب اكثر عني ..عشان شكل

[اشراقة أمل]

يعني شو اقول .. اكثر من جي خلال مده اقل من شهر! وانا اصلا بكالويوس نظم معلومات طالبني كمدرسه وليس فقط .. سكرتيره

وكل شوي البنغالي .. انت يعرف انت يعرف! وهو يعرف اني اعرف!


يعني شو اقول بعد .... مااعرف

حسبي الله ونعم الوكيل ... يعني كلوني ... واعرف الغلط الشخصيه بس .. ليش اتهم ظلم ..

حتى مواعيد الطلاب بعض المواعيد سجلتها على ورق ماحصلها .. عشان هو يدخل المكتب ويقطع اي ورقه يحصلها مب اوكي .. عشان على نظامه هو!


ومره قاعد يتكلم هو ومدرس ودخل طالب حتى مانتبه هو اي ساعه دخل عشان اسجله .. سجلت في ورقه ماحصلتها ثاني يوم


وكل مواعيده يكتبها بصوره نظاميه لطلاب .. يعني مدير المعهد ماشك! لاحول ولاقوة الا بالله

[اشراقة أمل]

اعرف علي تقصير والشخصيه .. بس الوضع غلط...

في الاشغال هذه غلط ... يعني الناس قلبها مب نظيف !!! والله اعلم بالقلوب!

لان لو القلوب نظيفه مايصير معاي هذا الشي ... اعرف الشغل صعب .. بس مب لهاي الدرجه ...


واريد اعرف ليش على مدار عشر سنين مافي سكرتيره ضلت! وحده ثلاث سنين وحده سنه والباقي منوع شهرين ثمانيه اربعه ! شو في!

[المراقبة العامة]

لطالما تم مخالفة القوانين يتم تطبيق قوانين القسم
يُغلـــــــــــــــــــــق