فضفضه لي عايشات مع أهل الزوج

[موجوع قلبي]

سلام عليكم شحالكم خواتي
هنا كل وحده عايشه مع اهل ريلها ودها تفضفض
حياهااا
انا اول وحده
مشكلتي غيره عمتي مني

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[موجوع قلبي]

ونحاول مع ازوجنا يطلعونا بيوت روحنا
ياااأرب

[oranaise]

السلام عليكم
والله انا مشكلتي مو مع عمتي بس مع كثرة الضيوف و تعب البيت من تنظيف وطبخ...
قبل الزواج كان عندي احلام وشغلات بخاطري اسويها بس للاسف يوم اني مع عمتي ما قدرت اسوي كثير اشياء كانت بخاطري
والحين احس ان الايام الحلوة بضيع مني
اليوم انا ام لبنت وباجر بتكبر وبيجي الثاني وخلاص ما يصير عندك وقت ومزاج تسوين اللي خاطرك فيه من زمان
بخاطري يكون عندي بيت بروحي احط الديكور اللي ابيه وانظمه بالطريقة اللي احبها اشتري اللي خاطري فيه
بس في بيت عمتي ما اقدر اسوي شي لا اغير ديكور ولا اغير تنظيمه ولا شي
انا احب البيت واحب اجابل بيتي واسوي كل شي بنفسي بس هالشي ما اقدر اسويه ببيتها لانها ما تحب اغير شي وبعد في اشياء ما تصلح بالبيت ما تحب ترميها ويوم اشتري شي جديد ما يعيبها الوضع
واحس اني مو مستقلة بحياتي حتى طريقة تربيتي لبنتي واكلها و غيره تدخل فيه يعني باختصار احس نفسي مقيدة
الله يرزقنا ببيوتنا بروحنا يااا رب

[الطواشة]

انا كرهت بيت اهل ريلي و مب خاطري ارجع ..
كارهة شخص شخص ..
كرهت ريلي فوقققهم 😢
تعبت من تلميحات عمتي اللي ما تخلص فلانه اتسوي و فلانه و الخ ..
و اي شي اسوي ما يعيبها اتقول فلانه كذا و كذا اتسوي ..

تعبت من حميتي تستهزأ بذات يوم اليمعه جدام الكل ..
على ضعفي و قله طلعتي و على بنتي 😡

وقت العزايم يبوني انا اشرف ع المطبخ و عمتي بناتها تطلب اسوي اكلات حقهم و ما اسمع كلمه شكراا .. و اذا طبخت قالت ناقص .. اووف

فضفضت وايد غير ان يتكلمون عني و بذات امه تحش فيني عنده من وراي و يوم اتجوفني اتحش في ريلي .. و تتعمد تتصل في بناتها و تتكلم عن ريلي .. استغفر االله ..

[ام عبييد]

انا ام ريلي طيبه واايد ماشاءالله بنت عم ابوي هي ووعمي نفس الشي وانا الصراحه من النوع المسالم ماتصير مشاكل الحمدالله حمياتي بينا سلام وبس الحمدالله نعمه من الله اني معاهم فالبيت تساعدني فالعيال اذا تعبت ماتقصر فيهم وتحبهم وايد متعلقين ف عمي وعموه

[مونتاج]

الله المستعاان

[الجوري1991]

ربي يهدي القلوب

[ام مصطفى..]

لا تكبرون الموضوع و طلعوون اهل الزوج اشرار احيانا يكون من الزوجه كل المشااااككككل
في بنات مقبلات على الزواج ويمكن الزوج مايقدر يوفر لها مسكن ف لا تشوهون هالفكره في عقولهم !

[Ms to0te]

الحمدالله ملحق بروحي والامور طيبه
واهله زينين وعلاقتنا فبعض حلوه
اتمنى كل زوجه تحاول تكسب اهل زوجها بالمعامله الزينه والكلمة الطيبه

[موجوع قلبي]

حبيباتي الله بيفرجها
وأيا كلنا نونس بعض ون نحل مشاكل بعض ونحاول نشغل نفسنا عنهم
أم مصطفى
حبيبتي مب قصدي جيه ومحد كامل غير الله
وكل أنثى تحلم بمملكة لها وأطفالها

[موجوع قلبي]

الطواشه حبيبتي هدي شوي والله لوتعرفين شو صار معي بس متمسكه بزوحي وعيالي
وحاسه فيج بس بقولج ارتاحي شوي بعيد عنهم وإقراء البقره والاستغفار راحه عجيبه
ويقول المثل واثق من الخطوه يمشي ملكن

[موجوع قلبي]

اللهم أنت الحمد الحنان المنان بديع السماوات والأرض أنت الله الواحد الأحد الفرد الصمد اسألك باسمك الاعظم أن تهديني وتهدي زوجي وابنائي وتجعلنا من عبادك الصالحين المتقين وان تحسن خاتمتنا وتضلنا تحت ضل عرشك يوم لاضل إلا ضلك.. اللهم ارزقني وده وحبه وارزقه ودي وحبي.. اللهم اجعل زوجي حبيبا حليما كريما هينا لينا معي.. اللهم اجعله أبا لي في الحنان واخا لي في الطاعه وحبيبا في الفراش واجعلني اما له في الحنان واختا له في الطاعه وحبيبه في الفراش.. اللهم يامؤلف القلوب ألف بين قلبي وقلب زوجي على محبتك وطاعتك.. اللهم اجعلني نورا بين عيني زوجي.. اللهم ارزقني حبه وارزقه حبي وارزقنا حب وجهك الكريم وطاعتك.. اللهم اجعلني نورا بين عينيه.. اللهم اعصم قلبه عن المعاصي.. يارب تسخر لي زوجي وتحنن قلبه علي.. يارب تضع لي في قلبه مواضع الرحمه والألفه والموده من عندك.. اللهم جملني في عينه وجمله في عيني وحببني إلى قلبه وارزقني ذريه صالحه منه.. اللهم لاتفرق بيني وبينه..

[الطواشة]

ترا فضفضه عادي كل بيت غير عن باجي البيوت ..


و على فكرة انا طيبتي الزايدة هي مشكلتي .. و ريلي دائما يقولي قوي شخصيتج ..

هذا اللي خلاهم يتمادون وياي و ياخذون راحتهم ..


عاملهم بالزين ركبو فوق راسنا 😡 .. ،،

و المقبلات ع الزواج نصيحه ما اقولج قوي شخصيتج و لا خلج طيبه .. عامليهم بالمثل .😩

[حرم الحميري]

اهل الزوج حظوظ سوا كانو اهل ولا غرب فالنهايه يدورون مع الولد ونادر العكس بس الشطاره انه ما نتاثر بالكلام ولي يجرح نرد بادب اما السكوت مب حل والمشكله الاكبر اذا الريال ما يتحرك عشان يظهر بيت لعياله وحرمته بعذر انه قدم وما ظهر شي انا اول شرط قبل لا عرس بيت روحي وبدينا بأجار عشان الخصوصيه وفنفس الوقت من البدايه ما اخليه يصخ عن البيت ويراكض عليه اللحين شي حريم يا تقعد بيت ابوها مع ريلها او بيت عمتها قعدي فشقه شو المشكله ابتدي بتاسيس بيتج من البدايه عشان يوم بيدفع دم قلبه ع الشقه بيفكر مليون مره فالبيت اما اسير واسوي لي ملحق بيت هلي واخسر عليه فلوس لا والله شو الكالف باجر بيقول باننه ليش اظهر الحرمه تراعي الريال بس الحياه فيها عيال يبون الاستقرار لانه اللي ينظر بعدم وجود بيت هم الصغاريه لا حجر فيها خصوصيه ولا بيت لهم ومافي مستقبل بعد باجر اليد يموت ويورثونه عشرين ولد تعال فجج عاده عندي اثنين من ربيعاتي وحده مقاومه مع الريل لا بيت ولا شي حتى عطته بيزات حق شقه ولا تحرك وكارهتنه وعندها اثنين بارد لا يراكض ولا يبا يتحرك والثانيه اطلقت ضاقت الدنيا عليها من هالبارد ثلاث عيال فغرفتين وين تبا شو ناقصنك ما شاء الله رواتب وكشخه واخر شي بيت من الحكومه ما ترومون تراكضوله حد يتحمل وحد يتخبل والله يكون بالعون

[غلآ نفسي]

ناقصين ذنوب نحن ؟؟؟؟؟