الأكل في الدوام ؟؟؟

[mouzan7mod]

السلام عليكم و رحمة الله و بركاته
خواتي عندي موضوع مهم للمرأة العاملة و التي تقضي تقريبا نص يومها بالدوام : هل تاخذين معاج أكل من البيت للدوام؟ يعني في اللانش بوكس؟

الكل تقريبا عارف أهمية الأكل على فترات متقطعة و بالذات الي عندهم السكري او نظام دايت أو نظام الأكل الصحي التقليدي أو الحوامل و الرياضيين ، الأكل على فترات مهم لانه يمد الجسم بالطاقة المناسبة لآن خلال فترة العمل الجسم بفقد الطاقة و يقل الأنتاج و المجهود ،..

إذا كان الدوام من 7:30 إلى 2:30 أو أحيانا 4:00 (مثل دوام بعض البنوك) ، هل تاخذين معاج أختي لانش بوكس فيه أكل من البيت أو أنج تطلبين من برع ؟ أو تاكلين من كافتيريا الدوام؟ انتي شو تفضلين ؟

إحم إحم ، عن نفسي أحب أيب من البيت ، مب لآن أقتصد لالا ، أكل البيت أنا أعرف شو حاطة بالأكل و كيف طابختنه ، أما أكل المطاعم ما عرف كيف طابخينه ، أو كيف أو هل المكان نظيف او لا، بس لا يمنع إني في ذات يوم أطلب من المطعم ، أنا أحياااان أروح لكافتيريا الدوام لكن بعد أرجع و آكل من الأكل إلي مسويتنه ،

بتقولون شو تحطين في اللانش بوكس مال ؟ أحين بخبركم ، أحط صمون جبن ، كيك ، كب كيك ، كورن فليكس ، توست ، معكرونة ، عصير ، دبة ماي صغيرة ، بطاطس و جبس ، كاكاو ، دانيت (مال ولدي) ، معكرونة أو باستا ، خبز و فيه نوتيلا ، براتا الجاهزة مع جبن أو لبنة ، سلطة خفيفة ، كرواسون ، اممممم لحد الحين هذه الأشياء إلي اييبها وياي الدوام ..



إنتوا شو تحطون في اللانش بوكس ؟؟

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

[almal3ka1]

دوامي من 8 لين 4

بطاط مفور مع هلبينو و سلطة تونه

[ام السنافي]

انا بعد اشل معى لانش بوكس كل يوم سندويش مع عصير مع حبه فواكه

[ام طحنوون]

انا اغلب الوقت اخذ لي حق الريوق مع سناك خفيف ..
سندويجتين بيض / فطاير / سندويجات جبن ... ع حسب شو فخاطري اسويلي..
والسناك : موزة ومكسرات وجوكليت وعصير او لبن ..


بس غداي الاساسي فالدوام .. والاشيا الثانية اييبها وياي بارسل ^^

[قلبي بزي]

على أيام التدريب ما كنت آكل شيء

[ام احلى بنات]

اختي موزان مواضيعج عفوية و حلوه،،،
بس ترا بعض الاكلات اللي ذكرتيها مش مفيدة مثل الكيك ، الجبس، الكاكاو، النوتلا ،البراتا، الكرواسون هذي الاكلات كلها مضره خاصة لمرضى السكري بس لا مانع مرة كل اسبوعين بكميات قليلة من باب التغيير.

عن نفسي بعد اشل اكل من البيت، و من فترة طويلة لاني مريضة سكري ، دوامي من الساعة 8 لين 3:30، عادة الاكل اللي اسويه عبارة عن سندويشات صمون فيها جبن، زعتر، بيض و احيانا فول "على فكرة الفول و الفاصوليا وايد مفيدين" و بعد لازم يكون الاكل فيه سلطه تبوله فتوش او اي نوع عادي و بعد لازم يكون فيه فواكه،،،

[نهار الظباء]

دوامي يخلص 1:30 مش مستاهل لنش بوكس اخذ معاي سندويجه وحده و اخذ كوفي من المحطه كل صبح لان من بخل
الاداره عندنا ومن سوء التعامل مب موفرين اوفيس بوي ماعندنا شاي وقهوه ويقولون شوه "انتو عيال الشركه" مصخره ومناك فالاداره روحوا شوفوا الفيلا والمقهويين
المهم اتغدا فالبيت انا ماحب اكل المطاعم وايد بالذات ان اغلب الكفتيربات مب نظيفه الا من رحم ربي
ومستحيل اتريق من مطعم وبين الوجبتين اكل كيك او بسكوت او فاكهه او اي شي مثل خبيص ،
بثيث م البيت

ماكانوا موفرين ماي ، ولا كانوا يبون يوفرون لين يا واحد مواطن اشترى
ثلاجة الماي و اسبوعيا يدفع لشركة الماي و ايي يشيك اذا خلص الماي ولا لا هههههههههه
اقسم بالله تخيلوا



المهم
ماعلينا منهم
انتوا تقولون سمون او صمون

[mouzan7mod]

دوامي يخلص 1:30 مش مستاهل لنش بوكس اخذ معاي سندويجه وحده و اخذ كوفي من المحطه كل صبح لان من بخل
الاداره عندنا ومن سوء التعامل مب موفرين اوفيس بوي ماعندنا شاي وقهوه ويقولون شوه "انتو عيال الشركه" مصخره ومناك فالاداره روحوا شوفوا الفيلا والمقهويين
المهم اتغدا فالبيت انا ماحب اكل المطاعم وايد بالذات ان اغلب الكفتيربات مب نظيفه الا من رحم ربي
ومستحيل اتريق من مطعم وبين الوجبتين اكل كيك او بسكوت او فاكهه او اي شي مثل خبيص ،
بثيث م البيت

ماكانوا موفرين ماي ، ولا كانوا يبون يوفرون لين يا واحد مواطن اشترى
ثلاجة الماي و اسبوعيا يدفع لشركة الماي و ايي يشيك اذا خلص الماي ولا لا هههههههههه
اقسم بالله تخيلوا



المهم
ماعلينا منهم
انتوا تقولون سمون او صمون

أعوذ بالله ، وصلنا لهالدرجة ؟؟؟؟؟؟
المهم نحن نقول صمون خخخخخخ

[ام احلى بنات]

دوامي يخلص 1:30 مش مستاهل لنش بوكس اخذ معاي سندويجه وحده و اخذ كوفي من المحطه كل صبح لان من بخل
الاداره عندنا ومن سوء التعامل مب موفرين اوفيس بوي ماعندنا شاي وقهوه ويقولون شوه "انتو عيال الشركه" مصخره ومناك فالاداره روحوا شوفوا الفيلا والمقهويين
المهم اتغدا فالبيت انا ماحب اكل المطاعم وايد بالذات ان اغلب الكفتيربات مب نظيفه الا من رحم ربي
ومستحيل اتريق من مطعم وبين الوجبتين اكل كيك او بسكوت او فاكهه او اي شي مثل خبيص ،
بثيث م البيت

ماكانوا موفرين ماي ، ولا كانوا يبون يوفرون لين يا واحد مواطن اشترى
ثلاجة الماي و اسبوعيا يدفع لشركة الماي و ايي يشيك اذا خلص الماي ولا لا هههههههههه
اقسم بالله تخيلوا



المهم
ماعلينا منهم
انتوا تقولون سمون او صمون

على فكرة اختي نهار ، صاحب العمل ملزوم يوفر ماي الشرب للموظفين هذا على حسب قانون العمل للقطاع الخاص ، بس بالنسبة للأوفيس بوي ، وايد مؤسسات قطاع خاص و قطاع عام ماشين على اسلوب اخدم نفسك، يعني خدمة ذاتية ، منهم البنك اللي اشتغل فيه، متعاقدين مع شركة للتنظيف لكن مشروبات الموظفين هم بروحهم يسونها،،،

[نهار الظباء]

على فكرة اختي نهار ، صاحب العمل ملزوم يوفر ماي الشرب للموظفين هذا على حسب قانون العمل للقطاع الخاص ،

ترا احنا قطاع حكومي وهم موفرين الاوفيس بوي ف كل المراكز الا عندنا ماشي

بس بالنسبة للأوفيس بوي ، وايد مؤسسات قطاع خاص و قطاع عام ماشين على اسلوب اخدم نفسك، يعني خدمة ذاتية ، منهم البنك اللي اشتغل فيه، متعاقدين مع شركة للتنظيف لكن مشروبات الموظفين هم بروحهم يسونها،،،

فديتج والله ماعندنا وقت عشان نسوي ، كلما قمتي بتسوين دخل واحد
مايوقف الشغل والله هاااي المشكله ، بالنسبه لهم كاداره موفرين لانفسهم مقهويين و غيره و غيره و الافرع
كلها موفرين فيها الا فرعنا قد استخسروا فيه لان الدوام ينتهي فعليا 1:00

المااي لولا ان العميل تكفل ماكانوا يابوه علما انهم لهم كاداره متعاقدين مع شركة نستله
كل شي لهم فقط مب للموظفين وتعالي شوفي الفرق بين الاداره و الموظفين من الالف
الى الياء ولولا اني متاكده ان نظام اخدم نفسك بنفسك مب مطبق عندنا صدقيني
ماكنت كتبت

تسلمين ي عمري

[وصف الخيال]

حبيت الموضوع يسلمواا لان صج راح يفيد بعض الخوات ويعطينا أفكار أكثر
انا بعد اشيل صمون وجبن ومرات حليب او لبن ومرات زبادي وتفاحة أو موز، وبالمكتب حاطة بسكوتات ونسكافيه وكابتشينو وسكر وشاي واسوي حق نفسي بعد يعني ما أعتمد على الفراش بالدوام .

[نهار الظباء]

هو مب اعتماد ع المقهوي ولا الفراش لا ط
بس ترا ع فكره مب كل الموظفين عندهم فرصه يخدمون جاهي فالدوام
شي ناس مثلنا من الزحمه، يمكن يبرد الجاهي وبعدهم ماشربوه
كيف يسوون؟ فمحتاجين حد يسوي

انا شخصيا يوميا ادنوك و الكوفي الفرش عندهم بكم 12
لونحسبها فالشهر كم بدفع ع الكوفي بس بالعكس اوفر لي اسوي لكن تايم مايخدمني
و لو كان عندي وقت كنت تسويت نفسج فالدوام ي اختي وصف لكن دوام عن دوام يفرق فدواامي اليديد ان شالله بسوي ههههههه

اعرف ماتقصديني بس حبيت اضيف

[احلى بعفويتي]

انا دوامي لين 2:30
واييب اكلي كل ويوم من البيت
احيانا ابا اغير اروح اشتري من جمعية جريب الدوام الصبح فريش جيز مع براون بريد و جريك يوقريت مع استروبري و فريش لوفات ميلك
ويكون احلى ريوق
بس لو من البيت
اسوي منيو حق خدامتي من بليل
تحطلي يوم سلطه فواكهه وبراوين بريد بالجيز و فريش ميلك مع كورن فليكس بالفواكهه المجففه

واحيانا اخليها تسويلي عصير برتقال فريش او رمان

جي يعني لازم ريوقي يوميا يكون جي لان الريوق هي الوجبه الافيد والافضل والي يستفيد منها الجسم

[وصف الخيال]

لا عادي حبيبتي نهار بس يوم أنا وضحت هالشي لان اللي عدنا مب نظاف من جي تعودت أخدم نفسي.

[نهار الظباء]

لا عادي حبيبتي نهار بس يوم أنا وضحت هالشي لان اللي عدنا مب نظاف من جي تعودت أخدم نفسي.

صح
تسلمين ي عمري