الدرجات العاليه موب يعني تميز يا امهات .. لا دمرون ابداع عيالكم

[احلى بعفويتي]

السلام عليكم ورحمة الله وبركاته


وايد امهات يحرصون ان عيالهم ياخذون درجه كامله او نهائيه
وغير ان الواجبات كثيره و المدارس ما ترحم من الحصص و الرده متاخر

وايد امهات يضغطون اعصايبهم وعيالهم عشان ييب درجه كامله ولا يطلع من الخمس الاوائل
بس تعالي عند شخصيته ولا ابداعه صفررررر

الولد ما يعرف شو هواياته ولا هو شو يحب بسبه ادري المدرسه هي الي تفرض احينه هالواجبات
بس الامهات لازم يقدرون ان هالياهل لو ياب درجه النجاح حلووو
شو يعني لو طلع ترتيبه 17 على الصف جميل .. طفل يجتاز مراحله الدراسيه
ليش تضغطون اعصابكم عشان نتايج الامتحانات والتيرم

ويايي وحده في الدوام طول وقت امتحانات اليهال تشنج واذا عيالها ما طلعوا من الاوائل تزعل وتضايق وشاله هم التدريس من ساعه 12 الظهر

ماما العباقره و الممميزين هايله كانوا فاشلين دراسيه مو عشان اغبيا عشان عندهم ابداع ..
ركزوا على ابداع عيالكم ..
ركزوا على هواياتهم ..
خلهم جيل مبدع موب جيل اختر مما يلي ..


مثال انا كنت من الاوائل في المدرسه وتخرجت بنسبه 95 % من المدرسه
وتخرجت بامتياز من كليه اداره الاعمال من جامعه الشارجه ..

كل وقتي كان دراسه و حفظ ولازم اكون الاولى ولازم اكون امتياز وبالاخير الويك اند انا اذاكر واعراس ومناسبات ما اروح بس اذاكر
وفي الجامعه عندي بريك رايحه الستويدنت سانتر في ستودسنت هول اذاكر واحل اسيمنات ..
واخر شي اداوم مع الي يابه مقبول خخخخخخخخخخخخخ ونفس المعاش ونفس الدرجه .. وعادي تكون عنده مهارات احسن عني في العمل ..

شو استفدت ضيعت وقتي الي كنت اقدر استثمر ابداعي فيه ..
وايد كنت احب القراءه و الرسم و الهاند كرافت وهالاشيا ..

ربيعاتي الي ركزوا على ابداعهم وكنوا يطوفون كلاسات عشان يروحون انشطه هايله الي نفعهم كلهم بزنسس و الي مشاركه في ملتقيات ادبيه ومعروفه والي عندها صفحه كل كمن اسبوع في مجله ليش لانهم استثمروا ابداعهم


ماقولكم خساره التفوق .. بس حرام الانسان المبدع انجح من الانسان المتفوق بدرجات العلميه

هالشي عرفته متاخر .. لو هالفكره بالي من زمان جان احينا انا مذيعه اخبار خخخخخخخخخخخخخخخخ استثمر شي من مواهبي

والله يابنات حطوا في بالكم هالمعادله ..

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سماءالأفق]

كلامك مظبوط وهذا رأيي تكوين الشخصيه السويه والإنسان المبدع أهم من التفوق الدراسي وحده .والكثير من أصحاب الأفكار العظيمة والمشاريع الرابحه لم يكونوا متفوقين دراسيا . الإبداع ثم الإبداع ثم الإبداع...

[امل دبي]

كلامج صح واللي كانت شاطره واداوم صدق بتكتشف ان الشطاره فالدراسه مالها خص ابدا فالشطاره فالحياه

[Ward-uae]

من فترة كنت اقرى أغنى 10 مليارديريه في العالم مع انهم ما كملوا تعليمهم الجامعي

[Ward-uae]

http://www.therichest.com/business/c...ut-of-college/

العلم ما هو بالدرجات بالعقل
ناس تييب درجات كاملة لكن ما تعرف ليش تدرس وما تفهم شو تطبيقاتها في الحياة

[احلى بعفويتي]

كلامج صح واللي كانت شاطره واداوم صدق بتكتشف ان الشطاره فالدراسه مالها خص ابدا فالشطاره فالحياه

خخخخ واخس شي في الدوام لما تكونين بديلتها يوم تطلع اجازه ياخي عبروا الامتياز الي يايبتنه خخخخخخخخخخخخخخخخخ

[احلى بعفويتي]

http://www.therichest.com/business/c...ut-of-college/

العلم ما هو بالدرجات بالعقل
ناس تييب درجات كاملة لكن ما تعرف ليش تدرس وما تفهم شو تطبيقاتها في الحياة

اهم شي ستيف جونز هههه مخبل الاوادم بالايباد وهو موب مكمل دراسته ..
المهارات اهم من الدرجات العلميه

الواحد يتخرج بجيد وعنده مهاره التحدث وعنده معلومات عامه احسن من امتياز وما يعرف اي معلومه خارج الكتاب ويتاتا في البرزنتيشن

[ام احلى بنات]

دايما مواضيعج عفوية و حلوة يا احلى بعفويتي

كلامج صحيح و انا موافقة عليه 100% بس للاسف ما اعرف كيف اطبق و اطلع مهارات بناتي ، ابغيهم قويات مؤمنات نفسيا و عقليا، أبغي اطمن ان مسيرتهم بالحياة بتكون بأقل الاخطاء و المشاكل، أبغي اعرف كل وحده منهم شو شخصيتها و شو اللي ناقصها، فيهم بعض الاشياء السلبية مثل التبول اثناء النوم و الاعتماد الشديد علي و مش عارفه كيف اتخلص من هاي السلبيات، بس و لله الحمد الكبيرة شخصيتها قوية و محبوبة لكن كثير اتكالية. الصغيرة بعدني ما اقدر احكم الحين.

انا ارتكبت وياهم وايد اخطاء في التربية ، لكن احاول اصلح قدر الامكان، اعرف البعض بينصحني استشير طبيب او مستشار اجتماعي ، ردي بسيط ، التكلفة جدا غالية و مبالغ فيها ، بعض الاطباء يأخذ مبلغ و قدره على جلسه ما تتعدى النص ساعة،،،

الله المستعان، هذا بروحه موضوع

[امل دبي]

خخخخ واخس شي في الدوام لما تكونين بديلتها يوم تطلع اجازه ياخي عبروا الامتياز الي يايبتنه خخخخخخخخخخخخخخخخخ

[mouzan7mod]

صحييييييييييح ، أنا وحدة مثلج كنت أموت لو ما أكتب و أخطط تحت العناوين و الأسطر ، لين داومت و حسيت اني ضيعت حياتي و ماعرفت شو أحب ؟ بس بعدها تعلمت إني احب أطور من مهاراتي ، حبيت القراءة و الشعر و بالأخير أبدعت بالبزنس و الحمد لله التوفيق من الله ...

[قلبي بزي]

أختي لو الواحد مبدع وما جاب درجات عالية الدولة ما بتعطيه مثلا منحة دراسية خارج الدولة والي ما جاب معدل زين اطلعه من الدراسة والي يتخرج بمعدل مقبول ما يقدر يكمل دراسات عليا

[Ward-uae]

أختي لو الواحد مبدع وما جاب درجات عالية الدولة ما بتعطيه مثلا منحة دراسية خارج الدولة والي ما جاب معدل زين اطلعه من الدراسة والي يتخرج بمعدل مقبول ما يقدر يكمل دراسات عليا

بجاوبج مب مشكله في الدرجات المشكله انه الطالب يبكي على درجه عن اهله يعصِّبون عليه مب لانه الدراسه ياخذه كعلم
اخواني من عشر الاوائل في الدولة الله يحفظهم وحصلوا منح لكنهم مب من النوع اللي 24 ساعه عيونهم بالكتاب
نحن في البيت من كنا صغار نلعب لعبه الألغاز والمسائل الرياضية الدراسه في بيتنا متعه وعادي نلعب وندرس ودرجاتنا عالية
تخرجت وتقديري امتياز لكن اشتركت في وايد مشاريع ونافست دكاترتي مب قاعده ادح بالكتب ما فهمت طاف بشوف الدرس الثاني ما بضيع وقتي في درس انا ما فهمته واذا عندي امتحان بسأل قبل والدكتور بيشرح بخمس دقايق مب مهم الطريقة الفهم
هنا البعض تحرم عيالها من الطلعه وتعاقب بسبب درجه ليش انزين خلي الولد يفهم وين غلطه
يعرف ليش يدرس وتكون له شخصيه فوق دراسته يشارك ويبدع عنده هواية نميها له ونقص خير يا طير اهم شي ما يرسب ولا يكون مهمل خير الامور الوسط

[احلى بعفويتي]

أختي لو الواحد مبدع وما جاب درجات عالية الدولة ما بتعطيه مثلا منحة دراسية خارج الدولة والي ما جاب معدل زين اطلعه من الدراسة والي يتخرج بمعدل مقبول ما يقدر يكمل دراسات عليا

هاي نقطه ومعلومه جيده ..

هو صح المنح الدراسيه يبالها درجات عاليه
بس التقنيه تاخذ نسبه 65 وفوق
ومنح جامعه الشارقه 90 وفوق
بس في تخصصات موجوده اهني واهني

ترا الشاطر شاطر حتى لو ما راجعتي وراه تراه شاطر
بس قصدي ان كله بالنا بالدرجات مو بالمواهب

بس نقطتج جميله

[احلى بعفويتي]

بجاوبج مب مشكله في الدرجات المشكله انه الطالب يبكي على درجه عن اهله يعصِّبون عليه مب لانه الدراسه ياخذه كعلم
اخواني من عشر الاوائل في الدولة الله يحفظهم وحصلوا منح لكنهم مب من النوع اللي 24 ساعه عيونهم بالكتاب
نحن في البيت من كنا صغار نلعب لعبه الألغاز والمسائل الرياضية الدراسه في بيتنا متعه وعادي نلعب وندرس ودرجاتنا عالية
تخرجت وتقديري امتياز لكن اشتركت في وايد مشاريع ونافست دكاترتي مب قاعده ادح بالكتب ما فهمت طاف بشوف الدرس الثاني ما بضيع وقتي في درس انا ما فهمته واذا عندي امتحان بسأل قبل والدكتور بيشرح بخمس دقايق مب مهم الطريقة الفهم
هنا البعض تحرم عيالها من الطلعه وتعاقب بسبب درجه ليش انزين خلي الولد يفهم وين غلطه
يعرف ليش يدرس وتكون له شخصيه فوق دراسته يشارك ويبدع عنده هواية نميها له ونقص خير يا طير اهم شي ما يرسب ولا يكون مهمل خير الامور الوسط

في ناس عندهم ذكاء ماشالله يغني عن الدح و الحفظ ممكن تفهم مساله وحده طبقها على كل الاسئله ماشالله هاي نعمه

[احلى بعفويتي]

صحييييييييييح ، أنا وحدة مثلج كنت أموت لو ما أكتب و أخطط تحت العناوين و الأسطر ، لين داومت و حسيت اني ضيعت حياتي و ماعرفت شو أحب ؟ بس بعدها تعلمت إني احب أطور من مهاراتي ، حبيت القراءة و الشعر و بالأخير أبدعت بالبزنس و الحمد لله التوفيق من الله ...

ماشالله انا ابا بعد ابدا بزنسس بس والله ماعرف كيف ؟؟ احب الخلطات واللوشنزس وهالسوالف حتى افكار القمصان الي عليها رسمات او تعديل الشوز وجي ..

مادري ماعرف كييف ابدا ..
ساعدينا بكيف بديتي