تعبت

[بنت امارات العز]

السلام عليكم

عندي موضوع واتمنى الخوات يساعدوني فيه لاني ي ورطه

بنات انا تزوجت صغيره عمري 16 سنه من قبل 8 سنوات والحين عندي 6 عيال

علاقتي مع زوجي عاديه تصير مشاكل بين فترة والثانيه كانوا اهله يتدخلون ويحلونها

اخوه اللي اصغر منه متزوج كان دايما ينصحني ويكلمني على التلفون ينصحني ويفهمني طبع اخوه بما ان علاقتي معهم وايد زينه

بعد فترة قام يسال عن علاقتي مع زوجي وكنت ارد بطيب نيه حسبته يبي يعرف سبب المشاكل بيننا .. قام يدخل بامور جدا حساسه

العلاقة الزوجيه ويقولي انتي تسوين كذا وكذا زوجتي ماتسوي .. المشكله ان زوجي يقول لاهله اني اوكي معاه من هالناحية

تم اخو زوجي لين صار اسلوبه يضايقني مره لدرجه انه يقول كلمات استحي اقولها

ابي طريقة كيف اوقفه عند حده .. وانسيه الكلام اللي دار .. اليوم استوعبت ان الشي هذا غلط ومايصير

قلتله لاعاد تكلمني بهالمواضيع الاقيه بعد فترة مطرشلي .. انه متى اخر مره مع زوجج وشو سويتوا ؟؟؟

تعبت منه ابي حل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[[..دانــة..]]

تجاهليه ولا تردين عليه
هو بروحه بيفهم وبيسكت عن الموضوع

وتراج غلطانه فاللي تسويه وهالعلاقة الللي بينكم غير سوية ومب طبيعية فاقطعيها

[طيبة*قلب]

الله يهديك غلط

حتى مع اخته مايسوي كذا الا اذا شافك عطيتيه وجه

لاتردين عليه واحظريه وخبريه مافي بينا رمسه

[love rak]

لا اتسوين له سالفة ابدا
واخو ريلج ممنوع ترمسين وياه
ليش انتي غلطتي بشي ؟ بالكلام وياه لأنه الريال ما يتمادى إلا إذا حصل تجاوب ...
اتحملي الشيطان شاطر والله فوق وانتي ام عيال
حتى لو مضايقة من ريلج ما ينفع تقولين اي شي بينكم
كل بني آدم له حسيب رقيب والله يشوفنا ويعرف شو الي يخفي بالقلوب
كسر خاطري ريلج ..

[لحنْ #]

اختي ترا لو وصل الموضوع لريلج بتكونين شايله جزء من المصيبه بعد
لان لو ماشاف منج تجاوب ماكان بيتمادى لهدرجه !
ماف شي بهالامور اسمه ع طيبه نيه !
من الاساس التواصل المباشر مع الاخوان غلط مااكان المفروض يكون ف بينكم فونات
هي السلام عليكم وعليكم السلام . بس
عمومآ الحين ماعليج الا تطنشينه وتسوين حظر مكالمات لرقمه ولو عندج واتس احظريه بعد منه ..
ويوم تقابلينه بعد لا تتكلمين معاه ابد كأنه مب موجود
ف حاله وصلج وتمادى بعد ، هدديه انج بتخبري اخوه . مجرد تهديد لا تسوينها لان بعدين بتيي ع راسج انتي بعد
والله يستر عليج اختي

[غزالة AD]

مع نبض

[موجوع قلبي]

لاحول ولاقوه الابلله اختي أنا تزوجت صغيره وصارت ماشاكل بينا كل زوجين تصير امبينهم ماشااكل سامحيني لي سويته غلط تمادا لانه شاف منج تجاوب يمكن نيتج صافيه بس رجال تفكيرهم خايس والله يفرج كربتج وادعي الله وعليج بلاستغفار

[Yazi.90]

ياوييييلي اصلا ريلج كيف يقول انج اوكي معاه فهالشي ،،
مايجوز مايجوز الامور الخاصه تنقال لاي مخلوق فالدنيا
الا اذا كانت في مشكله ويتوجب حلها
اخو ريلج شكله ضعف يوم سمع كلام ريلج عنج من هالناحيه
وقام يسوي مقارنات بينج وبين حرمته ،،،

ابدا لا تعطينه مجال مافي شي اسمه مثل اخوي وينصحني
انا استحي اذا امي رمستني فما بالج بأخو ريلي ،،
اقطعي العلاقه نهائياً ولا تخلين بينكم اي وسيله للتواصل

[المستشاره...]

الله يهديك المفروض مآ تحكي معه بشيء ولا تتواصلين أحضري رقمها من الواتس واذا ضيفته ب أي برنامج أحدفه منه الله يستر عليك يارب

[love rak]

يمكن ريلها بحسن نية سألوه اذا هي مقصرة من ناحية العشرة والحياة الخاصة بينهم وجاوبهم يمكن مب مقصرة ..
بما انها هي تقول كانت ادخلهم يحلون مشاكلهم ...
أختي نفس ما قنالج خلاص السالفة ما يالها تفكير امسح واقطعي أي شي بينج وبينه
واذا حاول يبتزج خليج قوية مو تضعفين ..
واستغفري وادعي ..

[Yazi.90]

يمكن ريلها بحسن نية سألوه اذا هي مقصرة من ناحية العشرة والحياة الخاصة بينهم وجاوبهم يمكن مب مقصرة ..
بما انها هي تقول كانت ادخلهم يحلون مشاكلهم ...
أختي نفس ما قنالج خلاص السالفة ما يالها تفكير امسح واقطعي أي شي بينج وبينه
واذا حاول يبتزج خليج قوية مو تضعفين ..
واستغفري وادعي ..

مادري والله بس هي كاتبه المشكله انه يرمس جدام اهله ،،
يعني مب عاجبها هالشي ^^

اقلها حبيبتي يرمس عند امه لو تخبرت عن شي
مب جدام الاهل كلههم ، احرااااااااج وعيب اصلا ،،

[بنت امارات العز]

مشكورين بنات على نصايحكم

خواتي زوجي يرمس جدام هله عن هالموضوع .. هم عادي عندهم يتكلمون بالتفاصيل

اول ماتزوجت انصدمت بس خلاص تعودت على طبعهم ...

الحين يطرش وما ارد عليه بس يتم يتصل اكثر عن مره اخلي زوجي يرد عليه

والله يا بنات اني كارهه حياتي اعرف اللي سويته غلط بس الواحد يحتاج يفضفض

الضيقة اللي فيني محد يعلم بها الا رب العالمين وهو عارف نيتي شو كانت

ماقول غير حسبي الله وو نعم الوكيل

ادعولي

[Yazi.90]

الله يغفرلج وانتي لازم تنبهين ريلج وتوعينه
يمكن هو غشيم وما يعرف ان هالشي حرام اساسا ،،
اقري هالكلام تحت و خليه يقراه مب عيب تنبهينه هو واهله على غلط
العيب انهم يتكلمون عادي ، للحين مب مستوعبه ان في ناس عاقله تتكلم بدون مستحا



( كلا الزوجين مطالب بكتمان أسرار زوجه وبيته، وهذا أدب عام حث عليه الإسلام ورغب فيه، سواء كانت تلك الأسرار خاصة بالعلاقة الزوجية أو بمشكلات البيت، فخروج المشكلة خارج البيت يعني استمرارها واشتعال نارها، خصوصاً إذا نقلت إلى أهل أحد الزوجين حيث لا يكون الحكم عادلاً – في الغالب – لأنهم يسمعون من طرف واحد، وقد تأخذهم الحمية تجاه ابنهم أو ابنتهم.

أما بالنسبة للعلاقة الخاصة بين الزوجين فيجب أن تكون لها حرمتها، وقد حذر الرسول – صلى الله عليه وسلم – تحذيراً شديداً من إفشاء تلك العلاقة، فقال عليه الصلاة والسلام: "إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها".

وعن أسماء بنت يزيد أنها كانت عند رسول الله – صلى الله عليه وسلم والرجال والنساء قعود عنده فقال:
"لعل رجلاً يقول ما يفعله بأهله ولعل امرأة تخبر بما فعلت مع زوجها ".

فأرم القوم – أي سكتوا ولم يجيبوا – فقالت: إي والله يا رسول الله، إنهن ليقلن وإنهم يفعلون. قال: "فلا تفعلوا، فإنما مثل ذلك مثل شيطان لقي شيطانة فغشيها والناس ينظرون".

غير أنه يجوز الحديث عن علاقة الفراش في حالات الضرورة والاستفتاء والعلاج، وكل يقدر بقدره، وحفظ سر الزوج عموماً، وسر الفراش خصوصاً، دليل على صلاح الزوجة وكمال عقلها، قال تعالى : {فالصالحات قانتات حافظات للغيب بما حفـظ الله} (النساء/43).

وقال الشيخ محمد رشيد رضا رحمه الله: "يدخل في قوله وجوب كتمان كل ما يكون بينهن وبين أزواجهن في الخلوة، ولا سيما حديث الرفث، فما بالك بحفظ العرض؟".

فعسى أن يصل معنى هذه الآية إلى نساء عصرنا اللواتي يتفكهن بإفشاء أسرار الزوجية ولا يحفظن الغيب فيها. )

د : وفاء العسّاف

[لحنْ #]

مثل ماقالت الاخت ام فهودي ، اخراج اسرار الفراش حررااام ، ماتجوز ابد
وعشان توعين ريلج بخصوص هالشي خذي فونج قدامه واتصلي عالافتاء واسألينهن وشغلي المكبر وخليه يسمع
يمكن فعلا مايدري ان مايجوز .. مادري كيف صراحه انتي متقبله هالشي
وبخصوص اخو ريلج ، لا تحاولين توصلين الموضوع لريلج .. لان عادي بعدين اخو ريلج يقول لريلج ترا هي كانت تتجاوب معاي وترد علي ووو
مابيفيدج بعدين حسن نيتج !
انتي طنشيه وهدديه لو زودها مجرد تهديد .

[sa7el]

الحمو الموت