تدوير البيبي

[آآآه]

السلام عليكم ورحمة الله وبركاته
شحالكم يا حلوات!؟

فديتكم منو سووولها تدوير لرأس البيبي
انا فالشهر التاسع بالأسبوع ال 36
راس البيبي فوق وعطتني موعد عقب يومين
تسويلي تدوير عشان ينزل راس البيبي

لان اول حملين مربيه طبيعي ولله الحمد

أبا اعرف هل الشي يعور!؟
وكيف تكون عملية التدوير!؟

السموحه ع التخبيصات بس وايد متروعه

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[افناان]

مرحبا عزيزتي
انا لفيت البيبي نص الثامن و رد يلف و عقب رحت للدكتورة زينب كاظم في عيادة الشنار في دبي و لفته لي و تالمت كثير بس اخر شي لف راسه بس قدر الله اني اولد بقيصرية بسبب ارتفاع درجة حرارتي في الولادة و ازدياد نبضات قلب الجنين
الله يسهل عليج و ان شا الله يلف راسه و تربين طبيعي

[آآآه]

حبيبتي

أمين

يزاج الله خير ع الرد

[موجوع قلبي]

ماعندي فكره أن شاءالله البنات يفيدونج

[أم محمد1988]

طلبت مني الدكتوره تسويلي تدوير راس البيبي ولكن ما رضيت ... خفت الصراحه لأنه بعضهم يقولو عادي يرجع الرأس مكانه وسمعت انه وايد يعور .. واضطريت أسوي عمليه قيصرية من بعد ولادات كلها طبيعيه ..

الله يسهل عليج يا رب ..

[ام حمده 77]

هذه فيها مخاطرة يمكن الحبل السري يلف على رقبته

حتى لو تعدلت وضعيته

انت سالي الدكتورة وتاكدي منها احسن

اذا العملية القيصرية لصالحك انت والبيبي توكلي على الله

[شيطونة]

أنا ما جربت بس سائلة عن الموضوع في مستشفى كورنيش بوظبي
لازم الدكتورة تسوي سونار وتشوف اذا في مجال تسوي تدوير .. حسب موقع المشيمة والماي حوالين البيبي
بعدين وهي تسوي تكون مشغلة السونار على طول وتلف شوي وتتريا يمكن ربع ساعة أذا الامور طيبة تلف بعد شوي وجيه

أعرف وحده سوت وتقول في ألم محتمل
والحمد لله أمورها طيبة وربت طبيعي

[شما الهاجري]

حرمة اخوية سارت عند دكتورة زينب كاظم
في اثنين من عيالها والحمدلله عدلتهم وولدت طبيعي
والله يسهل عليج يا رب ..

[همي اخرتي]

وعليكم السلام ورحمة الله وبركاته

وانا حامل في ولدي في الايام الاخيرة من تاسع .الدكتورة حاولت تلفه ونجحت ونزل راسه تحت ..لانه كان شي ويع الولادة وهو راسه فوق ..
وقالت ارجع اليوم الثاني افحص
ويوم رجعت لها اليوم الثاني رجع الجنين لوضعية الجلوس ..
وسويت القيصرية

[آآآه]

فديتكم
يزاكم الله خير ع الرد
صراحة ما شجعتوني اسوي تدوير
بسير عند وحده تمسحني أحسن

[شيطونة]

اختي
السموحه منج بس التدوير أحسن من المسح
على الأقل التدوير تسويه دكتورة ويتابعون دقات قلب البيبي و تحط السونار وهي تشتغل
لكن الحرمة اللي تمسح تعتمد على خبرتها ... وما تعرفين شو اللي يصير داخل الرحم

[همي اخرتي]

اختي
السموحه منج بس التدوير أحسن من المسح
على الأقل التدوير تسويه دكتورة ويتابعون دقات قلب البيبي و تحط السونار وهي تشتغل
لكن الحرمة اللي تمسح تعتمد على خبرتها ... وما تعرفين شو اللي يصير داخل الرحم

انا وياج اختي شي فرق بين الدكتورة ثقة بتشوفه في السونار غير عن المسيحة حرمة مالها خبرة في الطب
ربي يوفقج اختي في الحالتين

[آآآه]

ما بروح فديتكم
لا للدكتوره ولا للمسيحه

الله يسهل علي وعلى يميع الحوامل