قرحة عنق الرحم

**yummy mommy** · 2015-10-31, 21:27

السلام عليكم ورحمة الله وبركاته

الغاليات .. بغيت أسأل الي مرت بنفس هالشي ؟! قرحة عنق الرحم؟! يعني شو سوت ؟! وشو سبب القرحة؟! وهل هالشي له اضرار مستقبلية او يؤدي لسرطانات لاسمح الله؛ الله يبعد عنا وعنكم الشر .. وشو قالت لج الدكتورة ؟! هل ضروري تسوي كوي ؟! ولو ماسويت الكوي بيأثر على الانجاب ؟!
يعني خبروني تجاربكم وشو الافضل ؟! اعالجها بالكي ولا لأ؟!

للعلم .. القرحة يا بنات مالها اعراض الا زيادة الافرازات والدكتورة تكشف وجودها بالفحص الداخلي ..

اللهم اشف جميع مرضى المسلمين والمسلمات ..

المزيد من آخر المواضيع من نفس القسم:

**المنيرة** · 2015-10-31, 23:11

مساء الخير..حبيتي انا كانت عندي قرحة و عالجتها بالكي وقالت لي الدكتورة لها علاقة بتاخر الحمل والحمدلله ويبت بنتين بعد ما كويتها والحين حامل بالثالث

**حرم الحوسني** · 2015-11-01, 00:35

لاتحاتين ياقلبي القرحة ماتصير خطيرة الا اذا اهملت وانا كانت فيني وخذت تحاميل والحمدلله
راحت لاتخافين ولا تحاتين عليج بالعلاج وان شاء الله تروح
والحمدلله انا حامل الحين

الله يسر أمرج حبيبتي

**ام بدور1** · 2015-11-01, 02:03

حبيبتي عالجيها بالكي ومابتحسين بشي فكي عمرج
انا بعد ماسقطت وسويت غسيل استوت لي قرحة عنق الرحم ومن اثارها افرازات بنيه اللون
سويت لها كوي والحمدلله مالها اثر

**شيطونة** · 2015-11-01, 14:09

أنا تجربتي أن استوت لي قرحه وأنا حامل
وعالجتها الدكتورة بأدوية و تحاميل

بعد أحب أخبرج إني مجربة الكوي بس حق سالفة ثانية مب القرحة
وعادي جداً ما تحسين شي من بعدها و الأمور طيبة
وحملت عقبها بسنتين لأني أنا اللي كنت مانعه و أنظم الحمل مب بسبت الكوي

**موجوع قلبي** · 2015-11-01, 16:36

لاتخافين اختي كانت فيها سوت كوي انتي لاتهملينها دوم راجعي وفي قرحه بعلاج مب شرط كوي

**موجوع قلبي** · 2015-11-01, 16:39

وسبب القرحه التهابات اهملتيها ولوماتعالجتي يمكن ماتحملين بس أن شاءالله تتعلجين وتتشافين ولاتخافين بس دوم شيكي عند دكتوره

**مالتيزرس** · 2015-11-01, 17:14

عادي حبيبتي ماتسوي شي ..بس أهم شي لاتخلينها ..انا صارت لي عقب ماطلعت من الاربعين انجب علي شي حار احمر من الرحم وتروعت لاني كنت مغتسلة ومخلصة وجفت هالشي وخفت ويوم سرت للدكتورة قالت لي هاي قرحة وتجي من الالتهابات يعني الالتهابات مب زين تهملينها لانها تسبب قرحة وسوت لي كي وعطتني مرهم والحمدلله راحت بس تمت تسوي افرازات لها ريحة وانتي بكرامة لمدة شهر وشوي .وعقب شيكي بين فترة وفترة تاكدي انها راحت

**مالتيزرس** · 2015-11-01, 17:17

لا ما تأثر حبيبتي اعرف وايد شالوها وعقب حملو سيدة الشهر اللي عقبه ..صح اسمها يخوف بس الحمدلله ماتأثر

الموضوع: قرحة عنق الرحم

أدوات الموضوع

عرض