سالفه ربيعتي وتباه حل

[ام حارب 2]

السلام عليكم
بغيت اخبركم سالفه ربيعتي وتباه حل حق هالموضوع

اكتشفت انها ريلها يخونها من وحده بحرينية يكلمها ويطلعون هي كانت حاسه في شي ع ريلها
المهم هي عندها خبره ف هكر هي هكرت تلفون ريلها بدون يعرف انه تلفونه مهكر هي كانت بس تقرا رسايل
اول اسبوع ما كان في شي هي قالت يمكن ودرها او خلاص تاب
المهم
هي نشت حق صلاه وشلت تلفونها شي طبيعي واحد يوم ينش يشوف تلفونه
هي ع بالها ريلها راقد هو كان راقد ع كرفايه ولدها قالت خلني اشوف مسجاته قبل لا ينش يوم دشت انصدمت انها ريلها يكلمها هي ع بالها راقد لنه متلحف
هي كانت تشوف هو شو يكتب لها وهي شو ترد عليه هي كانت تبغي منه بيزات هو قالها بعطيج اي ضعف مصروفها تواعدو انه يشوفها يوم هو ساير دوام
المهم هي خذت فخاطرها يوم هي كانت تطلب ما يعطيها كله يقول ماعندي مادري شو
هي قبل يومين طلبت ما عطاها
هي من القهر طرشت مسج حق ريلها طلعت كل شي انه هي تعرف يس ما قالت له انها مهكره تلفونه

# علما ان هو يمسح مسجات وتلفونه في باسورد يعني هو ما يقدر يقول شي لنه هو كل ما يكلمها يمسح عسب مرته ما تعرف

هو تباه تساعدونها يوم يسالها من وين عرفتي او شو تقوله عسب ما يسالها ★

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حارب 2]

سوري بالغلط كتبت هني ما شفت عنوان يرجى نقل موضوعي

[طيبة*قلب]

اكبر غلط انها بينتله انها تعرف
كان عدلت نفسها وحسنت طريقه تعاملها معاه واهتمت فيه وشغلته فيها


اذا بس كتبتله انها تعرف اذا رجع كلمها تقله اصلا كنت امزح لاعرفت ولا شي قلتها لاني شايفتك مشغول عني وكله ماعندي ماعندي وهو بيكذب لا ومدري شو

الله يهدي سرهم ويسخر لها زوجها

[ثريا 2014]

ينقل للقسم المناسب

[Ward-uae]

يعني الحين همه كيف عرفتي ؟
انتي قوليله سبحان الله الله راد اني عرفت تكلمي وياه اعرفي ليش يسوي جيه
قصور منج ولا بس يلهي عمره لانه اذا بس يلعب مع بنات الناس تنرد
فكلميه لا تبكين وتصارخين خلج حكيمه وتكلمي بمنطق انج تطلبين منه فلوس ومقصر وياج
وهي شكلها ما هكرت ياه نزلت برنامج او استخدمت اي كلاود يشبك كل التلفونات اللي لها نفس أبل اي دي مع بعض

[مراسيل الوفاآ]

الحينه ودرت مشكلتها وتبا تعرف شو تقوله يوم يسألها كيف عرفتي !!

مب لازم تخبر ريلها كيف عرفت ومن منو، تحفظ المسجات عندها وتواجه
ريلها بدون ما تراويه شي تقوله المهم عرفت انك تلعب من ورايه وابا اعرف
عذرك ونقطه لا تزيد ف الكلام وياه عشان ما يحاول انه يقص عليها او يجذب
تعرف منه السبب وتخيره اما انه يودر الخرابيط ويجابل بيته وعياله او انها
هي تودره وجي الريال بيعرف انه الموضوع جد ، وحتى لو وعدها و و، اتم فتره
تشوفه اذا ودر هالخرابيط تفتح صفحه يديده وتحاول تعدل الاخطاء اللي صارت
واذا تم نفس ما هو ف هني القرار بإيدها عندها الادله اللي هي المسجات وهي
تقرر هل اتدخل حد بينهم ولا تخلي ريلها يلعب ع هواه

[Yazi.90]

تقوله عرفت وخلاص مب لازم اقول التفاصيل !
و انا من رايي الوحده يوم تكشف ريلها تواجهه
لاني ضد السكوت و انها تسوي نفسها ماتعرف وهي مسكينه يوفها يحترق
عالاقل يعرف بو الشباب انها مب على عماها وتعرف سواياه ،،
و خل تصيح و تعاتبه شوي او حتى ممكن تهدده لو كان ينفع وياه

[افناان]

الحين اكبر همها شو ترد عليه لما يسالها كيف عرفتي ؟؟؟؟؟؟!!!!!
و بعد له ويه يسالها كيف عرفتي ؟ لازم توقف في ويهه و تردعه عن هالمنكر بكل قوة و خل توضح له انا قدامه طريقين يا اما يعف عن الحرام و يمشي ع الصراط المستقيم و يصون نفسه و بيته عن الحرام او بتخليه بدون اي تحسر ( طبعا حتى لو هي مالها نية تدمر بيتها لازم تبين له هالشي عشان يرتدع ) الخيانة الزوجية مرض لازم تستاصلينه من حياتج و ان شا الله ربي يهديه لها و يسخره لها و يرده ردا جميلا

[غلآ نفسي]

صج كيدهن عظيم

خليها تعلمني كيف يهكرون خخخخخخخ

قوليلها مثل ما فكرتي تهكرين تلفونه وشغلتي مخج

شغلي مخج الحين وغطي السالفه

وبعدين حرمه يوم تكون واثقه من خيانه ريلها بتوقف ف ويهه جريئه

مادري كيف تفكرون جي شو بقوله وكيف اغطي السالفه

اغسلي شراعه وقفيه عند حده

قوليله دوري انا اللي اسال انت فقط تجاوب

الحرمه القويه الريال يسكت جدامها ما بيقول والله كيف عرفتي وليش تتجسسين علي

بالتوفيق

[ام حارب 2]

صج كيدهن عظيم

خليها تعلمني كيف يهكرون خخخخخخخ

قوليلها مثل ما فكرتي تهكرين تلفونه وشغلتي مخج

شغلي مخج الحين وغطي السالفه

وبعدين حرمه يوم تكون واثقه من خيانه ريلها بتوقف ف ويهه جريئه

مادري كيف تفكرون جي شو بقوله وكيف اغطي السالفه

اغسلي شراعه وقفيه عند حده

قوليله دوري انا اللي اسال انت فقط تجاوب

الحرمه القويه الريال يسكت جدامها ما بيقول والله كيف عرفتي وليش تتجسسين علي

بالتوفيق

هههههههه
تسلمين اختي هالكلام ♡

[ام حارب 2]

تسلمووووون حبايبي ع المشاركه

واجهت ريلها لدرجه هو مايعرف شو يقول كيف هي عرفت لنه هو ماسح مسجات ..
يقولها انا واثق من كلامي انا ما اسوي شي غلط ..
عقب هالكلام اللي قالها ماقدرت تسكت .. قالت انت جي وهي تقول كلام اللي دار بينهم الاثنين قصدي مسجات هو مصدوم هههههه
هي ما تباه بيتها يدمر بالعكس تباه كل شي اوكي ماشي جذب لنه ما تباه يطيح وراه هايله هي تباه هو يدلعها هايله اللي برع ما بينفعوله ..
الحين غير باسورد تلفونه ..
بس هو ما يعرف هو لين الحين تقرا هو يطرش او يكتب ..
*هي ما قالت انها تقرا هو شو يطرش *
المهم
هو الحين حاس انه غلطان يباه يراضيها بس ما يعرف كيف هي تباه هو يحس بالغلط اللي سوا مب شي ...
مب اي حرمه بتتحمل هالشي ..
وهاي السالفه حبايبي ♡

[احلى بعفويتي]

بس سؤال كيف هكرت فونه ؟؟ طلعت موب هينه


المهم لو بداله بكبجر كل شي وبخليه عندي بفايل وبطرشه على ايميلي الخاص
وبطرشله على الوتس اب وبقوله لو معتدل واستويت ريال ينشد فيه الظهر و تعطيني حقي
بروح المحكمه وخليهم يسون الواجب وياك وغصبا عنك بتدفع جيكات شهريه و كل شي وانت تضحك

راييل ادب سيس
معروف سيس
احترام سيس
مالت بس عليهم

[Yazi.90]

تسلمووووون حبايبي ع المشاركه

واجهت ريلها لدرجه هو مايعرف شو يقول كيف هي عرفت لنه هو ماسح مسجات ..
يقولها انا واثق من كلامي انا ما اسوي شي غلط ..
عقب هالكلام اللي قالها ماقدرت تسكت .. قالت انت جي وهي تقول كلام اللي دار بينهم الاثنين قصدي مسجات هو مصدوم هههههه
هي ما تباه بيتها يدمر بالعكس تباه كل شي اوكي ماشي جذب لنه ما تباه يطيح وراه هايله هي تباه هو يدلعها هايله اللي برع ما بينفعوله ..
الحين غير باسورد تلفونه ..
بس هو ما يعرف هو لين الحين تقرا هو يطرش او يكتب ..
*هي ما قالت انها تقرا هو شو يطرش *
المهم
هو الحين حاس انه غلطان يباه يراضيها بس ما يعرف كيف هي تباه هو يحس بالغلط اللي سوا مب شي ...
مب اي حرمه بتتحمل هالشي ..
وهاي السالفه حبايبي ♡

اهم شي يوم ايي يراضيها ماترضى بسرعه ،،
ولا بيصير الموضوع عنده عادي بيسوي الغلط وبيرد يراضيها
و بعد انا اقول الدميعات ترا تأثر فالريال وايييد
بتخليه يتلوم و ضميره يأنبه وبيعاملج شرات البيبي

[[..دانــة..]]

تقوله عرفت وخلاص مب لازم اقول التفاصيل !
و انا من رايي الوحده يوم تكشف ريلها تواجهه
لاني ضد السكوت و انها تسوي نفسها ماتعرف وهي مسكينه يوفها يحترق
عالاقل يعرف بو الشباب انها مب على عماها وتعرف سواياه ،،
و خل تصيح و تعاتبه شوي او حتى ممكن تهدده لو كان ينفع وياه

معاها
مب مهم كيف عرفت، المهم كيف تتعامل معاه
ولازم يعرف أنه أوراقه مكشوفة وتواجهه بثقة ما تخاف منه
هو اللي لازم يخاف منها لأنه هو الغلطان!

[ام مصطفى..]

القسم كله خيانات زوجيه ..
الله يعين ويرحم بس