ساعدوني

[الدلوعة ام حمودي]

لا حول ولا قوة الا بالله

حبيبتي ريلج شخصيته ضعيفه وفوق هذا عاصي رب العباد

الله يسخر لج الخير . روحي المحكمه طالبي ف حقوقج ولا هالعيشه.
صلي استخارة وادعي ربج وان شاء الله بتفرج
الله يكون ف عونج اختي

مشكورة حبيبتي ع ردج ..
الله يكون في عوني وعون كل مسلمة آمين يارب💕

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الدلوعة ام حمودي]

والله مانعرف شسالفه الله يستر بس . عاد حلو الريال يبر والدينه بس مب يطيعهم ف كل شيء . في أشياء خاصة خط أحمر محد له حق يأخذ قرار عن الريال بس الله يهديهم الرياييل جنهم مايصدقون.
وايد مستغربه كيف جيه يطيعون. طلق يطلق .. عرس يعرس. الله يهديهم بس

والله مادري شو سالفة الرياييل هالزمن ؟
معقولة الجهل لهالدرجة وصل .. استغرب والله العظيم
نحن في 2015 وداخلين ع 16
شهايد جامعية و وظايف مرموقة غير التطور في زمنا
ولكن العقل ميح 👎
شخصيتهم ضعيفة ولا دين ولا خوف من الله ولا يراعون حقوق الحرمة والعيال ..
بصراحة انا اسمع واقرا مشاكل وايد يعورني قلبي
الرياييل ياختي صارو حق اللعب .
انا عن نفسي ماقمت اثق بحد حتى خواني ما اثق فيهم من اللي اشوفه واسمعه .. وخصوصا بعد ماعرفت عن ريلي هالامور

نادر ماتلقين الثمين ..
واذا شي ريال زين ربع السوء يخربونه 👎
ماقمت اعرف اقول كلمة ريال ولا اعرف شو نسميهم 👎
حسبي الله ونعم الوكيل .
الله يفرج همي وهم كل المسلمات يارب العالمين 💔

[الدلوعة ام حمودي]

شسالفتهم هالرياييل اللهم ياكافي ،،

الله يفرج همج ان شاءالله

آمين يارب حبيبتي مشكورة والله مادري شو سالفتهم الله يكون بعون الجميع يارب العالمين.😔

[احلى بعفويتي]

والله مادري شو سالفة الرياييل هالزمن ؟
معقولة الجهل لهالدرجة وصل .. استغرب والله العظيم
نحن في 2015 وداخلين ع 16
شهايد جامعية و وظايف مرموقة غير التطور في زمنا
ولكن العقل ميح ��
شخصيتهم ضعيفة ولا دين ولا خوف من الله ولا يراعون حقوق الحرمة والعيال ..
بصراحة انا اسمع واقرا مشاكل وايد يعورني قلبي
الرياييل ياختي صارو حق اللعب .
انا عن نفسي ماقمت اثق بحد حتى خواني ما اثق فيهم من اللي اشوفه واسمعه .. وخصوصا بعد ماعرفت عن ريلي هالامور

نادر ماتلقين الثمين ..
واذا شي ريال زين ربع السوء يخربونه ��
ماقمت اعرف اقول كلمة ريال ولا اعرف شو نسميهم ��
حسبي الله ونعم الوكيل .
الله يفرج همي وهم كل المسلمات يارب العالمين

والله يختي كلامج في الصميم
بس البيوت العمرانه تراه وراها صبر
وااايد بيوت عمرانه وعيال متربين بس في صبر من الحرمه وتحمل
تتحمل عشان بيتها موب عشان الريال
في حريم ماعندهم حد غير هالريل فتقول ليش اغربل عمري عند الجريب ويذلني انذل بروحي احسن مسكينه و تعيش عشان ماعندها غير هالمكان و تسكت وياما سمعنا

وفي حريم ما يبون يفلتون اليهال لان الطلاق دمار ومهما كان في رياييل تنقرفين من العيشه معاهم بس يكونون زينين حق عيالهم فالوحده تقول العيال ابوهم سندهم تروح تهدم بيتها ليش تعيش عشان العيال مرتاحين ويا ابوهم مع اختلاف الحرمه والريال

يعني في وااايد ظروف تخلي الحرمه تستمر عند ريلها موب عشان زينه لا عشان نفسها احيانا

بس عندهم مؤهلات يعني ممكن عندها سكن منفصل ممكن عندها بيت ملك ممكن اهل الريل وياها ويساعدونها يعني في ظروف تخليج تتحملين العله الي على قلبج ..

[ميميه88]

رمسي مطوع فحال انه حالتج تسمح للطلاق لبي الطلاق
عنبوه؟
شو وازنج على هالمذله؟
يزول هو واهله

سيري من الحين بدال هاليلسه ودوريلج وضيفه واعتمدي على عمرج صدقيني ان رديتي بتنذلين اكثر واكثر

[ام طحنوون]

هذا ما منه فايدة ولا عايدة ... عقب النفاس يبالج وظيفة قريبة منج .. وابني نفسج بنفسج عشان بنتج ماتقصرين عليها وتعيشين مرتاحة انتي وياها ..
واذا تشوفين الطلاق الحل .. سيري والقلب دااعلج .. وبيدفع النفقة وبيفورلج بيت غصبن عنه وبتعيشين مرتاااحة.. بس يبالج صبر وقوة ولا تتهاونين وتقولين بتلعوز ساير راد للمحاكم .. حطي بنتج جدام عينج وسوي ها كله عشانها ..

واهلج مابيقصرون في بنتج بتعيش بين اهلها.. شو حادنكم على هالبهدلة!!!

ولاتنسين في كل خطوة تسوينها ادعي دايما عسى الله يهدي القلوب والنفوس ويرجع لج ولبيتج .. سبحان الله الدعاء يغير الاقدار ..

حبيبتي الله يعيينج ويقويـج واذا صعب عليج اي شي اكتبي هني البنات مابيقصرون وياج

[قلبي بزي]

والله مادري شو سالفة الرياييل هالزمن ؟
معقولة الجهل لهالدرجة وصل .. استغرب والله العظيم
نحن في 2015 وداخلين ع 16
شهايد جامعية و وظايف مرموقة غير التطور في زمنا
ولكن العقل ميح 👎
شخصيتهم ضعيفة ولا دين ولا خوف من الله ولا يراعون حقوق الحرمة والعيال ..
بصراحة انا اسمع واقرا مشاكل وايد يعورني قلبي
الرياييل ياختي صارو حق اللعب .
انا عن نفسي ماقمت اثق بحد حتى خواني ما اثق فيهم من اللي اشوفه واسمعه .. وخصوصا بعد ماعرفت عن ريلي هالامور

نادر ماتلقين الثمين ..
واذا شي ريال زين ربع السوء يخربونه 👎
ماقمت اعرف اقول كلمة ريال ولا اعرف شو نسميهم 👎
حسبي الله ونعم الوكيل .
الله يفرج همي وهم كل المسلمات يارب العالمين 💔

والله صدقتي وايدين جي عافانا الله ومرة سألت أخوي عن ربعه المتزوجين قال لي عندهم أكثر من صديقة لا ويرمسون جدامه بعد شوفي كيف ما يسترون على عمارهم والله عورني قلبي على حريمهم

[Ward-uae]

اختي ward uae .. ضحكني ردج ..

8 غرف فالبيت فوق 4 وتحت 4 وكل الغرف مافيها حمام تكرمين الا غرفة عمتي والحمام فالنص بينهم .. وطول اليوم بالدور .. ههههههه

و هي كلهم مديونين هههههه واللي طلعله بيت يبني ومديون وحاله واقف .. واللي يفكر يطلع من البيت ياويله😈 😂

من وصفج تخيلت
لكن ليش هالشكل مديونين الواحد يوم يشوف اخوه مديون ومهموم يتعلم
مادام جيه قدموا على بيت شعبي بدل البنيان
غريبة انه عمتج متحمله الحشره والصراخ واليهال محد عندهم في المدارس ؟
صعبه تربي ولا تلبسي ولا حتى ترمسين
انتي ردي قدمي في الاسكان شوفي الطلب وقدمي على وظيفة يمكن ما يبون في مكان مختلط شوفي في المدارس قدمي اذا انقبلتي خير 

[ركروكة راك]

شخصيتج انتي الضعيفه. مب ريلج انا مستغربه منج ليش مبهدله نفسج وين كرامتج..؟؟ اذا عايبنج الوضع وماخذه قرارج فما اشوف داعي انج تستشيرينا في هالموضوع. والقهر انتي تقولين عمتج تتأمر عليج انتي بروحج ما سألتي نفسج ليش؟ وتبي ولدها يتزوج عليج يعني من اللاخر هم ما يدانونج ..انتي مب مجبوره على كل ها ارحمي نفسج

[أم سيف و سارة]

طالبي بحقوقج و اوﻻ سيري التوجيه اﻻسري
هم بيحاولون يصالحونكم و اصا هو مب قادر يتحمل مسؤليه الزوجه اﻻولى كيف بيفتح بيت ثاني ... يمكن اهله بس يبون يقهورنج ...

[امل دبي]

انتي حرمة ماخذينج من بيت ابوج مب من مكتب خدم ..... غصب عنهم يحترمونج مب يتامرون عليج ....... الله يفرج همج

[بنوته حلى]

الله يبعد عنج كل ضيق وتعب وهم وحزن

الله يسر امورج ويصلح حالج خيتي

[ام مصطفى..]

الله يفرج همج

[mouzan7mod]

شوفي فديتج ، ترومين تطالبين بنفقة أو تطلبين الطلاق .. صلي استخارة و إختاري مصيرج عقبها

[almal3ka1]

جوفي حبي

اول شي كوني صريحة مع نفسج

تبين تتمين جي و امراض الدنيا اتيج من الهم

ولا تشترين راحه بالج

الجواب عندج

و القرار لج

و حطي في بالج ممكن شي يناسبج و ما يناسبني فاختاري احسن شي