خدامة أثيوبية مشتغله بلبنان

[حياتي توأمي]

السلام عليكم ورحمة الله

خواتي

بغيت أسألكم من واقع تجاربكم الأثوبية اللي تكون مشتغله بلبنان شو يكون نظامها ؟

هل تكون نظيف ؟
تعرف تطبخ ؟
يعني بشكل عااام تكون كيف ؟!!

أتمنى تساعدوني لأني محتارة والله

موظفة وماعندي وقت
والاندونسية اللي عندي طلعت روحي الله ينتقم منها

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[[..دانــة..]]

مرت علينا وحده هليه يابوها
وكانت ترمس لبناني بس شوي تراها تكون يايه من أجواء فري ومختلطة
أحيان ما تتأقلم مع طبيعة هل الخليج ع حسب

أنا شخصيا ما أنصح لأنها يايه ومفتحه عينها ع وايد أشياء

[أم محمد1988]

أنا بصراحه يبت وحده أندونيسيه ومشتغله ف لبنان .. طبعا تتكلم مثلهم ولكن التنظيف مب شي لازم يبالهم تعليم والمكنسه ما تعرف لها .. وما تعرف تسوي أكل .. قالتلي اونه هناك ما يطبخون كله من المطعم ..

طبعا ما قعدت عندي غير شهر وشوي وعقب رديتها .. لأَنِّي يايبتنها على أساس مشتغله وهي مول ما تعرف شي كأنها يديده ..

[حياتي توأمي]

مشكورة اختي دانة
واختي ام محمد انا اسأل عن الاثيوبية اللي اشتغلت بلبنان ما أسألكم عن الاندونسيات اصلاً عندي اندونسية وأبي اتخلص منها بسرعه كفاية سنه عندي عذبتني عذاب وصبرت عليها طفح الكيل منها
كرهت هالجنسية

[ميميه88]

انا عنديه اثيوبيه مشتغله فلبنان
تسمعين رمستها عبالج لبنانيه
لبناني لبناني
والنظافه مب لين هناك الا كله واقفتلها
والبخ قالت ماعرف خراطه تعرف بس ماتبا قالت بس ساده البيبي هناك والام تطبخ متحملتنها دام انها ساده شوي وتراني واقفتلها
لاني ماشتغل

[طيبة*قلب]

ماااااانصحك

اهلي جابوا وماعجبها الوضع تبا تلبس قصير وماتعرف لنظافه ولا لشغل بس تمشي تترقص واثيوبيه مسلمه

[حياتي توأمي]

الله يعين والله

مادري شو اسوي

[ميميه88]

بخصوص اللبس وهالامور لا الحمد لله عادي ماشتكت
بس انتي ماتدرين يعني يمكن هاي اتيج متعلمه
انتي وين محصلتنها؟
ساليها اذا تعرف ولا لا

[S&R]

حبيبتي نحن مجربين كمن وحده مشتغلات في لبنان

بالعكس
يطالعن اليهال ويطبخن وينظفن
ومكروفات
وفي منهن محتاجات يعني يبغن يشتغلن
جربيها واتوكلي على الله

[حياتي توأمي]

s&r

يزاج الله خير اختي طمنتيني الله يريح بالج وانا عارفة انهم حظ ونصيب وان شاء الله تطلع وحده من الزينات

[sa7el]

اي وحدة ياية من لبنان لا تاخذينها
والله خقاقات تقولين لبنانية

تسوي عمرها اتيكيت ورقيقة وتنظيفها خفيف

وخقاقة لا حيا ولا مستحا
غطي شعرج عندنا رياييل في البيت غير جي نحن عندنا الخدامة لازم تغطي راسها بالذات في المطبخ،، هاي حضرتها تجاوبنا
(بدي شعري يتنفس)،، سمعتي تعليق احلى من جي

وحبيبة ماشي ريال من العمال اللي حوالينا ما سوت له حركات
لان البيئة اللي ياية منها وااايد فري
عشان جي ما يمشون ويانا وايد اتبهدلنا وياها

اي شامبو نعطيها ما تبا،،، بدي بانتين تقول،، اوكي برايها

اقول لها بنتعشى شاورما من برع،، تقول لي حبيبتي انا بدي منائيش زعتر ولبنة،،،، نعم اختي شو تبين !!!!


بالنهاية والخلاصة،، هاتي لج وحدة عندها خبرة في دول الخليج والافضل عمان والسعودية،، والله يوفقج