شو الحل برايكم؟؟

[فتنة الحي]

خواتي انا بطرح عليكم مشكلة وحدة من ربيعاتي وحبيت اخذ راي الكل لان ربيعتي محتاره في هالمشكله....


من كم شهر تقدم حق ربيعتي ريال وهو بالاصل معرس وعنده عيال وربيعتي اصلا مطلقه وبعد تفكير عميق من ربيعتي وبعد الاستخاره وافقت على هالريال
ومن بعد المحادثات الهاتفيه بينها وبينه اكتشفت انه هالريال كل يوم براي لا وبعد طلع هو مب مخبر حرمته مع انه هو وضح حق ابوها انه ماشي مشاكل وانه اصلا ما يبا حرمته الاولى
ربيعتي كانت شاكه فيه ولا حبت اسلوبه لانها حست انه حياتها بتكون بالسر ففكرت بخطه (كانت مينونه شوي)
طرشت ربيعتها تتصل على بيت زوجته وتمت ربيعتها تتكلم بطريقه استفزازيه وقالت لها انه ريلج معرس عليج وطبعا الحرمه عصبت وتمت تسب ربيعتي

والخبر وصل عند زوجها والحرمه مرضت وحالتها حاله وتخلت عن عيالها وانه بترجع له بشرط انه يطلق الثانيه



وبعد يومين الزوج ما استحمل المشاكل وراح وخبر ابو الزوجه الثانيه انه بيطلق وطبعا الابو تم معصب لانها صارت السالفه شرات (اللعبه)


وبعد فتره دقت الزوجه الاولى على الثانيه تتسامح منها وتقول انتي مالج ذنب والذنب هو من ريلي ومافيها شي لو خبرني بس اللي قهرني طريقه البنت اللي تكلمت فيها وانا مابا اظلمج ولو تبينه وهو يباج انا موافقه


الحين الزوجه الاولى راضيه
وربيعتي خايفه انه في يوم من الايام يغير رايه ويطلقها



ممكن اشوف ارائكم بالمشكله لان ارائكم تهمني

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر