الكلوميد والحمل

**ums3ood22** · 2015-10-20, 22:49

السلام عليكم ورحمه الله وبركاته

خواتي انا بديت استخدم الكلوميد هذا الشهر اول مره استخدمه

ممكن تفيدوني بتجاربكم اللي استخدموا العلاج

المزيد من آخر المواضيع من نفس القسم:

**غرنوووقة** · 2015-10-21, 00:50

انا استعملته م ستوى حمل نفس الشهر الدوره اللي عقب حملت بدونه بس اتوقع كان له تاثير

**sa7el** · 2015-10-22, 09:45

الله يكتب لج الحمل
اولا اتمنى انج خذتي الكلوميد عن طريق دكتورة وفهمتي الطريقة عدل

لازم لازم لازم تحطين في بالج ان الدوا هذا كلوميد يسبب سرطان المبيض،، عشان جي لازم تاخينها حسب استشارة دكتورة

سوي لج دفتر واكتبي فيه التاريخ اللي خذتي فيه كلوميد،، كم مرة، ،، ومتى وقفتي،، وكم يوم،،، عشان يكون لج مرجع

لان كلوميد المفروض في حياتج كلها ما تاخذينها اكثر عن 9 مرات اعتقد او 7،، مب متاكدة ناسية،، لان اكثر عن جي لا سمح يسبب سرطان المبيض

والمفروض بعد ان بعد شهرين او 3 شهور توقفينه لمدة 3 شهور عشان جسمج يرتاح منه ودمج ينظف

،،، واخر شي ابا اقول لج الكلوميد ينفخ الجسم ويفتح الشهية وبيزيد وزنج بصورة كبيرة،، حطي بالج،، مارسي رياضة هالفترة احسن عشان جسمج يستفيد اكثر ويصير حمل يا رب،،، الله يرزقج ياختي

**السنقباســـية** · 2015-11-15, 00:22

وييييه خوفتيني من استخدامه!!!!!!!!!!! صدق يسبب كل هذا !؟

**ترآنيم القصيد** · 2015-11-15, 00:58

كان ستشرتي دكتورة أفضل وتابع معاج بس آثاره ماعرفها والي اعرفه وحده ماتستخدمه كل شهر لأن يسبب تكيسات انا خذته مره متابعة دكتورة وماحملت وسبحان الله بكم شهر حملت من دونه وربي يرزقج بالحمل السليم يارب

**الأمل هنا** · 2015-12-08, 13:21

خطيرة المعلومات
الله يكفينا شره

انا استخدمته قبل ممممم قرن من الزمان هههه
بس بنات عمي استخدموه وحملن

الله يرزقنا جميع

**Moonydxb** · 2015-12-14, 13:06

انا استخدمته 3 شهور و زاد وزني 3 كيلو مع اني وايد محافظه و ما حملت وعقب بديت اقرا عنه وايد .. ووايدات كتبن عنه ان له آثار سلبية عشان جي وقفته ولا رديت له مرة ثانية .. بس مستمرة على الفوليك اسيد وان شاء الله ربي يرزقني هالشهر واحمل يارب يارب يارب .. قولوا آمين

**NWEW** · 2015-12-16, 12:13

استخدمته مرة وماصار حمل وطنشت اصلا ماكنت مقتنعه فيه ووكلت امري على الله وحملت طبيعي
اسنخدمي منشطات طبيعيه مثل العسل والميراميه وخذي فولك اسيد واشربي ماي وايد وامشي وخليج قريبه من رب العالمين بايده كل شي

**ام لامية** · 2015-12-16, 12:46

المشاركة الأصلية كتبت بواسطة ums3ood22

السلام عليكم ورحمه الله وبركاته

خواتي انا بديت استخدم الكلوميد هذا الشهر اول مره استخدمه

ممكن تفيدوني بتجاربكم اللي استخدموا العلاج

حبيبتي تواصلي مع هالدكتورة
بحسابها على الانستغرام راح تفيدك احسن
والاستشارة مجانية وانا جربتها بترد عليك مباشرة ونصايحها اضمن لك
هاذ انستغرامها
×××
الاكاونت حطته وحدة بالمنتدى اتصلت وكان مفيد جدا

**سماريه دلـع** · 2016-01-03, 16:45

ترا اللي يحملون بعد كلوميد السبب ان المبايض اتم نشطة وحجمها كبير

اي وحده خذت منشط او تحفيز حبوب او ابر تقعد مدة 3 شهور او وكثر مبايض عندها نشطة ويعتمد طبعا على الاباضة ودورة اذا متظمة او لا

**عيووووون** · 2016-01-11, 23:30

المشاركة الأصلية كتبت بواسطة ums3ood22

السلام عليكم ورحمه الله وبركاته

خواتي انا بديت استخدم الكلوميد هذا الشهر اول مره استخدمه

ممكن تفيدوني بتجاربكم اللي استخدموا العلاج

ما انصحج فيه اشربي مرمريه تنشط المبايض

**أم أحمد نور** · 2016-06-16, 03:09

انا استخدمته شهرين لانه عندي تكيس وحملت في الشهر ثاني من استخدامه
ومش عملي اي اعراض او اضرار الحمد لله
بس كان بمتابعة دكتورة طبعا

**الرمضا** · 2016-06-17, 01:30

مادري ليش أحس الكلوميد من الأدوية البدائية !!
صح إنه نفع واااايد حريم ،. لكن دعمه لتنشيط
التبويض ضعيف ! ومب مثل الأبر التنشيطية
أنا أذكر إني خذته في بدايات بحثي الطويل
عن علاج تاخر الحمل الذي لا زال يلازمني
واللحمدلله على حكمته ،،، لكن أغلب الطبيبات
تستخدمه مع المتزوجات حديثاً كون إنه يساعد
بشكل مبدئي في علاج التأخر البسيط في الحمل
لكن ما يحل المشكلة الأساسية ،.
عليج بالمشي أختي ،. تنزيل الوزن
حتى لو بشكل بسيط ينشط المبايض
النقطة الثانية البابونج المرمية مفيدة
للاباضة والتنشيط ،. النقطة المهمه
قبل لا كل شي وقبل أن تخوضين
سلسلة طويلة من العلاجات ،.
إمتسحي ،، ( التمريخ ) عند
حرمه فاهمه وشاطره
يمكن يكون عندج ميلان
وفي وايد حريم عقب
مراكض سنين ،. في
المستشفيات ومافادهن العلاج
سبحان الله من أول شهر يمتسحون
يحملون ،،. كله بفضل الله والتوكل عليه
في كل خطواتنا ،. واخيراً الحجامة
في حريم يخافون من الحجامة
مع إنها سبحان الله مفيدة
جداً ،.

الله يرزقج ويرزق كل محرومة بالذرية الصالحة

**وجدان الفجر** · 2016-06-17, 01:46

خذت الكلوميد بعد 6 شهور من زواجي وبديت خذت خمس حبات مثل ما قالت لي الدكتورة والحمدالله الله كتب لي حمل وبتوأم في نفس الشهر . طبعاً الحمل بتوأم ماأظن بسبب الكلوميد , لأنه في عيلتي وفي عيلة زوجي حالات الحمل بالتوائم طبيعي . بس المهم انه يكون عندج يقين بأن اللي كاتبه الله هو الخير وتتفائلي ويكون عندج ثقة برب العالمين . ربي يرزقج الذرية الصالحة ويرزق كل محروم , اللهم آمين

**ummaitha2008** · 2016-06-17, 15:32

في حبوب يديده فيمارا ما شاء الله تنشط البويضات بس لزم الدكتورة توصفها لج وعلى فكره سعرها اغلى بوايد عن الكلوميد

الموضوع: الكلوميد والحمل

أدوات الموضوع

عرض