ممكن مساعدة

**خخخخخخخخخ** · 2015-10-17, 12:23

زوجي يريد يزوج علي والحين يلس يجهز عش الزوجية الجديد طبعاً مستحيل اظل على ذمته فكرت وايد وتوصلت اني اطلب الطلاق بس ابغي اعرف حقوقي الحين انا عايشه مع العيال في البيت الشعبي وعيالي اكبار اصغر واحد عمره 16سنه ابغي اعرف حقوقي كامطلقه

المزيد من آخر المواضيع من نفس القسم:

**ام سلطانو** · 2015-10-17, 16:05

السلام عليكم حبيبتي الله يهدي بالج ويريح بالج اختي لاتفكرين بالطلاق صدقيني مش حل الطلاق احسه اصعب الحلول والعيال مهما كبرت بحاجة والدهم يكون بقربهم يرعاهم يشوف طالباتهم بالعكس فترة المواهقه اصعب من وقت يكون العيال صغاريه واذا ريلج مش مقصر عليج بشي ليش تدخلين محاكم اللي بابها باب وماتخلصين بعد منها طول عمرك دامك في بيتج معززة مكرمة استهدي بالله وكم من زواجات طلبن الطلاق وبعدها ندمو استعيني بالصبر

**أم محمد1988** · 2015-10-17, 16:59

المشاركة الأصلية كتبت بواسطة ام سلطانو

السلام عليكم حبيبتي الله يهدي بالج ويريح بالج اختي لاتفكرين بالطلاق صدقيني مش حل الطلاق احسه اصعب الحلول والعيال مهما كبرت بحاجة والدهم يكون بقربهم يرعاهم يشوف طالباتهم بالعكس فترة المواهقه اصعب من وقت يكون العيال صغاريه واذا ريلج مش مقصر عليج بشي ليش تدخلين محاكم اللي بابها باب وماتخلصين بعد منها طول عمرك دامك في بيتج معززة مكرمة استهدي بالله وكم من زواجات طلبن الطلاق وبعدها ندمو استعيني بالصبر

رايي من راي أختي ام سلطانو ..

**جدران ملتهبة** · 2015-10-19, 08:54

رأي ان اتمين على ظمته لسنوات واذا حسيتي انه ما عدل ابينكم او قصر بحقج اطلبي حقوقج في المحكمة ولكن بدون طلاق

**Ward-uae** · 2015-10-19, 17:42

استهدي وتعوذي من ابليس
بس تبين الصراحه من قريت نكج قعدت اضحك كيف خطر في بالج هالنك؟ ولما تكتبيه كيف تعدين خخخخخ؟
عيني خير واذا قصر في حقج تعالي كتبي هنيه

**خخخخخخخخخ** · 2015-10-19, 21:26

شكرا لكم خواتي بس انا من النوع الحساس يعني راح احترق من الداخل وانا اشوفهم يطلعون ويضحكون وانا من الداخل اشتعل يوم يطلقني راح اكون غريبة عليه يعني عادي ماراح اهتم

**خخخخخخخخخ** · 2015-10-19, 21:33

وايد تميت ادور اسم ما حصلت اخر شئ كتبت حرف الخاء تسع مرات اسهل لي رد على الاخت ward_uae

**ام طحنوون** · 2015-10-20, 11:10

يلسي ع جبده ليش تطلعين؟

بيصفاله الجو ياحبيبتي لو رحتي هههه

خلج عظم فالبلعوم مثل مايقولون

لاتكونين حرمة سهلة وتنسحب

**Ward-uae** · 2015-10-20, 12:10

المشاركة الأصلية كتبت بواسطة خخخخخخخخخ

شكرا لكم خواتي بس انا من النوع الحساس يعني راح احترق من الداخل وانا اشوفهم يطلعون ويضحكون وانا من الداخل اشتعل يوم يطلقني راح اكون غريبة عليه يعني عادي ماراح اهتم

ليش هو بيسكنها عندج؟
حبيبتي هذا بيتج انتي وعيالج اتصلي لاستشاريه في المحكمه او دار الافتاء
لا تطلقين وحاولي ما تعرفين أخبارها عليج ببيتج وعيالج اذا خلاص كان مقصر وانتي مب قادرة تعيشين معاه ردي كتبي

**طيبة*قلب** · 2015-10-20, 18:45

ماشاءالله عجبني رد البنات وانا نفس رايهم

الله يريح قلبك ويرده لك بدون حرمه ثانيه ويسخر لنا ازواجنا

اللهم اجعلنا قره عين لهم واجعلهم قره عين لنا

**ريم العسووله** · 2015-10-23, 10:25

الله يهون عليج و ييسر امورج غاليتي ♡

**ام مصطفى..** · 2015-11-01, 14:39

الشرع حلل 4

**روح_الإمارات** · 2015-11-04, 09:49

حبيبتي خليج في بيتج لا إنتي أول ولا آخر وحدة ادري صعب عليج بس ضغطي ع عمرج و عاطفتج ولاتطلقين

**حور الشارجة** · 2015-11-05, 11:13

تعوذي من ابليس اختي ترا ابليس مهمته التفريق واتمنى تنظرين لأمورج بمنظور شرعي حتى ترتاحين في حياتج وحاولي تكسبين زوجج ترا بينكم عشرة وأولاد ولج مكان في قلبة ولو تزوج 3 لانج الاولى وقدرج عالي

**ماما قصايد** · 2015-11-05, 13:16

وانا ويا الخوات ..انتي الحرمة الاولى وانتي الاساس ..باجر يوم بيروح لها مرده لج ..لانه الراحة وياج ..وهذه فترة تعدي على الريال حالها حال المراهقة ..خلج في بيتج معززة مكرمة بين عيالج ..
شو ذنب العيال ..

ولو اطلقتي ياهي مشاكل وعوار راس ومسؤولية البيت كلها فوق راسج انتي بتيبي وانتي بتحطي والعيال عدهم التزامات ...تقعدي معاه وتاخذي اجر احسن .. والله يهديه ويصلح باله

الموضوع: ممكن مساعدة

أدوات الموضوع

عرض