نعمه و نحن مب حاسين فيها

[الطواشة]

اول شي السلام عليكم و رحمة الله و بركاته ♡`~

صباح/مساء الخير و الورد والياسمين 🌼🌹

اشحالكم بعد ..^^😂

جي دخلت هالقسم حسيت بإكتئاب من بعض المواضيع قسم الحياة الزوجية كلها شكاوي 💑

و في موضوع رديت عليه و النت قطع ..

كانت وحدة تشتكي انها تقريبا بتنفصل عن زوجها .. و الكل يرد بنصيحححه طبعاا اغلب المواضيع جذي

و دخلت موضوع ثاني تشتكي من خيانات زوجها و عطوها بعض الحلول ..

خاطري مرة ادخل و احصل حد يكتب موضوع نتيجه الحل معاها 😢😍


خلوني اسرد لكم قصتي ♡♡

في يوم ريلي طفر مني بسبب اني اتصل فيه عشرين مرة تعال البيت و اشتكى علي و طبعا قال ردي بيت ابوج اتسنعي ..

مر شهر لا انا اتصل و هو يتصل .. و الكل حاول يصلح من بينا و اخته و اخوي كانوا بينفصلووون ..♡`~

وندموو انهم زوجونا ..😂😢

انا هالشهر اطلع مع اخواني و من مطعم لمطعم و من مةل لمول و ما معورة راسي بالتفكير .. يبي يرجع يرجع ..


في منه مليوون و دائما كنت اقول لاهلي .. ( ترا ما وقفت الدنيا عليه ) ..


مررر شهر و اسمع اخباره من خواته .. و يقولون لي حالته صعبه .. لان انا لابستنه ..

و كنت اقول لنفسي ياخوفي يخوني فاقد كلام الحلو .. و عقب اطنش اقول لا لا الا كرامتي ..


وبعد شهر بدا هو يتصل فالاسبوع مرة الو 😶 سلام هلا اشحالج شخبار بنتي و انا بس اجاوب و مع السلامة . .

شهر و نص ما اتحملت نظرة االناس .. 😢

اتصلتله ؟ لا ..

قمت كل يوم اصلي قيام الليل و ربي ان اللي يمر يوم ما انش اكون تعبانه اقوم استغفر و ارد انام ..

واقوم بدون منبه مر اسبوع يمكن صلر يتصل كل يوم ..

طبعااا بعده هو اللي يتصل 😂😂


اخر مكالمه قال ابوي مريض محتاج كلية .. صحت قلت فداه كليتي قالي اشتقتلج ارجعي 😂😢

وانا بعدني اتكبر ..

و طبعا ما رضيت ان اخوي يردني خليته هو بنفسسسه ييي ل عندي و يشلني ..


.. #انتهى ..

اللي حابه اقولكم ..

كثرو من المواضيع اللي تفتح النفس لشوي ❤ ..ولك ملينا خخخخخ ..


و الشي الثاني انصحكم بقيام الليل و كثرة الاستغفار

و اخيرا لا تلحقين ورا الريال مارده لج .. ودام عندج منه عيال بيرد بيرد


و اللي ريلها يخون انصحههها تعطيه كمييييى من الثقة ما بيخون ..

و اللي ريلها يضرب شرات ريلي ادعي عليه الله يكسر ايدده ههههه😂 لا لا بالهداية

و اخيرااا .. دايمااا لازم انجوف الايجابيات في الرجل .. نحن الحريم بس نركز في السلبيات و هذا مشكلتنا ..👪💑




و اذا في اخطاء ترا اكتب من الفون ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[om_sager]

اختي صدقتي اغلب الواضيع القسم عن المشاكل الزوجية و بعضها متكرره
لو كل وحده صاره عندها مشكله انتهت بشي ايجابي او سلبي تكتبه كان احسن الان بكون فيها حل للمشكله الخوات الباقيات بستفيدن من الحل او بتجنبن يطيحن بنفس المشكلة صاحبه الموضوع و بتعم الفايده
سامحوني مسبقا علي الاطاله
بنسبه لي
بعد ما عدينا مشاكل الخيانات قدرت اسيطر عليها
قامت تستوي مشاكل شخيفه اصلا ما يحتاج تصير عليها مشكله
بس ريلي يحب المشاكل هههه هههههه صدق ما يرتاح الا ما ويسوي اكشن في حياتنا عكسي تماما احب الهدوء الاستقرار فالحياه الزوجية
صار فتره يخلق اي موضوع و سوي فيه مشكله ووصلها عند ابوي مره بنك ما تسمع كلامي مره بنتك تراددني مره بنتك ما تبغي تلبس نقاب مره اقولها قولي لامي شي ما تقولها من هالكلام
دايما ابوي كلمني وقول هالامور عادية المفروض متفاهمة مع ريلج فيها ما يحتاج الدخلو حد فيها ع شان ما تكبر وردني له
بس شو اسوي ريلي يبغي يدخل ابوي الان ابوي دايما يوقف معاه وحط الخطأ علي
لآخر مشكله وكانت من ست شهور
كنت اتجهز بسير بيت اهلي ع غذا قالي فلانه خبري امي ان بتغدا
عندهم علي شان يحسبو حسابه فالغدا قلت ان شاء الله مع ان اعرف إجابة عمتي بتقول ما بزيد لان الغدا يستوي بزياده يسد للكل البيت و زيد دايما
انا تصلت لعمتي مرتين و ما ردت فطرشت خدامتي ع شان تخبرها
وروحت انا وعيالي وخدامتي بيت اهلي
العصر طرشت له مسج ان بتاخر ساعه ما رد علي قعدت شوي و شليت وروحت و في طريقة اتصل بيني يتنازع محتشر تاخرتي قلت ما تأخرت انا طالعه فطريج
وبعدين قال ليش ما خبرتي امي ان بتغدا عندهم قلت له خبرتها اتصلت وما ردت فطرشت الخدامه انا تأكد من الخدامه ان و.صلت الكلام لعمتي
قالي انتي دومج مهمله و تيبي الكلام لي تمي بيت اهلج و بتوصلج ورقت طلاقج وسكر الخط
رجعت بيت اهلي مب عارفه شو اقول احس الموضوع عادي ما يحتاج كل هذا
و بعدين مب وقته ابغي ارجع البيت اذاكر لعيالي بالاحد عندهم امتحان هني عصبت قلت هالمره ما بعديها
طرش لي مسج ان جهزي لعيال و الخدامه بي اشلهم و بشل السياره
رديت عليه سيارتك شلها الله يغني عنها ام لعيال و خدامه مستحيل لين تيب ورقة من المحكمه بحق بالعيال و خدامه
يا فليل يشتكي لابوي كل عاده بس هالمره تفاجئ بردت فعل ابوي لان ما وقف وياه
و تم ابوي يلومه الان كل مره تستوي مشكله كل وحده اسخف عن الثانية كل مرة يحط ابوي الغلط علي وردني له قاله اذا لك خاطر بنتي قول
انا كنت موجوده تناقشنا و ما وصلنا لحل و روح انا تميت بيت اهلي
طبعا ابوي قالي لا تقرري و انتي معصبه و خلي من اولوياتج عيالج ان يتربو مع امهم و ابوهم
فكره ان صارت مشاكل كبيره صبرت الحين مشاكلنا عادية استغليت فرصة مسج ما اذكره بالحرف بس كان يقصد ان ارجعي لعيالج يلي فهمته ارجعي لعيالج مالج عندي غير اكلج ولبسج
سوت خطه ان اعلمه درس
رديت البيت ورتبت اموري ان انام في غرفة لعيال اذا كان هو نازل من الدوام اذا هو مداوم انا في غرفتي نزل بالخميس طبعا انا طاف بس اتأكد ان كل شي مرتب و في مكانة و ما اقعد و ياه بروحنا هو اذا بغا شي يطرش لي حد من لعيال
والله يا بنات هالوضع حلو الان يخلي ريلج متحرقص يبا يوصل لج و مب قادر عاد انا ما مقصره البس ذاك البس يلي يبين نص صدر و فاله شعر. وعطر من كيلو وشمه فيني
صايره مثل الحلاه يلي خاطره ياكلها مب قادر يوصل لها
هو كل ما خطف جدامي تام بقق عيونه ههههه ههههههه
يوم اي اليل اخلي عمري نايمه ولا ادريبه هم يتم داخل طالع يوايج علي في غرفت لعيال هني ما يقدر يقاوم هالبراءه يلي فيني لين يا اليوم يلي ياني صيح والدموع تسيل من الندم و عتذر علي الموقف .طبعا ما قسيت علي اكثر وحضنته
الحين الحمدلله مرت ست شهور بلا مشاكل بعد ما كانت اسبوعية صار يتفهم كل المواقف يستوي علي شان ما تصير مشكله يفقد زوجته وعياله
اسموحه اذا في اغلاط الان فوني وايد يشكل

[ميانه بوظبي]

الله يهديكم ويخليكم لبعض



انا عندي قاعده ف حياتي واتبعها بطبيعه الريال هي :

الريال مايحب الحرمة اللي لاصقه فيه 24 ساعه عطيه ثقتج وعطيه راحته يطلع ويدخل بس تكونين على علم وين رايح وووين ياي
الريال مايحب الحرمه اللي 24 ساعه تتصل فيه خليه شوي ياخذ راحته مع ربعه يتنفس
الريال مايحب الحرمة النكدية اللي سوالفها معاه كله عن مشاكلها سواء ف البيت ولا الخدامة ولا برع البيت
الريال مايحب الحرمة الشكاية اللي 24 ساعه يا ايدي ولا ريولي ولا راسي يعورني
الريال مايحب الحرمة الضعيفة اللي ماعندها شخصية ولاتقدر تدير بيتها وعيالها
الريال مايحب الحرمة اللي تخليه محور حياتها وماتطلع ولا تروح ولا يكون لها ربيعات وحياتها الخاصه بعيد عن الزوج
الريال مايحب الحرمة اللعاية ( اللي تسولف وايد وتبربر ) خير الكلام ما قل ودل
الريال لاتحسسينه انج بتموتين عليه واذا غاب عنج بتتخبلين هالشي وايد غلط خلج غامضه في مشاعرج شوي لانه بيعرف نقطه ضعفج وبيستغلها لصالحه

الريال يحب الحرمة اللي تعرف توازن بين امور حياتها تخليه جزء من حياتها بس مب حياتها كلها ..

[almal3ka1]

الله يصلح اموركم

[احلى بعفويتي]

جوفي خنث ومنكر الرياييل وايد و الحرمه ضعيفه لازم بتشتكي وتبا حد يوقف معاه تعرفين الامهات ماعندهم غير كلمه قضبي بيتج لين توصلين القبر طبعا هالكلمه سمعناها مليووون مره واذا يت تشتكي قالولها بيتج ثم بيتج ثم بيتج

لازم بتي اهني بطلع مشاكلها وهاي حريه طبعا من الحرمه والحمدالله نقدر نكتب عن هالموضيع لان ما نقدر نفتح سر بيتنا لناس نعرفهم لان شي ينخاف منه

المهم بس الي ما يعجبني ضعف الحريم الزايد ..
لازم يكون عندج خيارات غير الزوج عشان ما تتعبين نفسيا


انا قاعدتي الي هي نامي وريحي مخج ولا تخربين مزاج لان الريال دقيقه ما يفكر بمشاكله ويا حرمته كل شي يفر ورا ضهره

[Ward-uae]

تدرين ليش تكتب مشكلتها تكون في حالة زعل وعصبية وتستشير يمكن وحده تساعدها بحل لكن في حلول اذا الحرمه خذتها يمكن تدمر بيتها وهي صح انه عندها عقل لكن في ذيج الساع تقعد تفكر بعاطفة فالمشكلة مب في الحل في الردود وايد تأثر
واذا انحلت مشكلتها ما بترد تكتب بتخاف من العين والحسد ما صدقت تنحل
لكل مشكله لها حل لكن تتوكل على الله واذا احتارت تستخير رب العالمين بيسر لها وشو ما كان تتوكل اكيد كله خير

[الطواشة]

اختي صدقتي اغلب الواضيع القسم عن المشاكل الزوجية و بعضها متكرره
لو كل وحده صاره عندها مشكله انتهت بشي ايجابي او سلبي تكتبه كان احسن الان بكون فيها حل للمشكله الخوات الباقيات بستفيدن من الحل او بتجنبن يطيحن بنفس المشكلة صاحبه الموضوع و بتعم الفايده
سامحوني مسبقا علي الاطاله
بنسبه لي
بعد ما عدينا مشاكل الخيانات قدرت اسيطر عليها
قامت تستوي مشاكل شخيفه اصلا ما يحتاج تصير عليها مشكله
بس ريلي يحب المشاكل هههه هههههه صدق ما يرتاح الا ما ويسوي اكشن في حياتنا عكسي تماما احب الهدوء الاستقرار فالحياه الزوجية
صار فتره يخلق اي موضوع و سوي فيه مشكله ووصلها عند ابوي مره بنك ما تسمع كلامي مره بنتك تراددني مره بنتك ما تبغي تلبس نقاب مره اقولها قولي لامي شي ما تقولها من هالكلام
دايما ابوي كلمني وقول هالامور عادية المفروض متفاهمة مع ريلج فيها ما يحتاج الدخلو حد فيها ع شان ما تكبر وردني له
بس شو اسوي ريلي يبغي يدخل ابوي الان ابوي دايما يوقف معاه وحط الخطأ علي
لآخر مشكله وكانت من ست شهور
كنت اتجهز بسير بيت اهلي ع غذا قالي فلانه خبري امي ان بتغدا
عندهم علي شان يحسبو حسابه فالغدا قلت ان شاء الله مع ان اعرف إجابة عمتي بتقول ما بزيد لان الغدا يستوي بزياده يسد للكل البيت و زيد دايما
انا تصلت لعمتي مرتين و ما ردت فطرشت خدامتي ع شان تخبرها
وروحت انا وعيالي وخدامتي بيت اهلي
العصر طرشت له مسج ان بتاخر ساعه ما رد علي قعدت شوي و شليت وروحت و في طريقة اتصل بيني يتنازع محتشر تاخرتي قلت ما تأخرت انا طالعه فطريج
وبعدين قال ليش ما خبرتي امي ان بتغدا عندهم قلت له خبرتها اتصلت وما ردت فطرشت الخدامه انا تأكد من الخدامه ان و.صلت الكلام لعمتي
قالي انتي دومج مهمله و تيبي الكلام لي تمي بيت اهلج و بتوصلج ورقت طلاقج وسكر الخط
رجعت بيت اهلي مب عارفه شو اقول احس الموضوع عادي ما يحتاج كل هذا
و بعدين مب وقته ابغي ارجع البيت اذاكر لعيالي بالاحد عندهم امتحان هني عصبت قلت هالمره ما بعديها
طرش لي مسج ان جهزي لعيال و الخدامه بي اشلهم و بشل السياره
رديت عليه سيارتك شلها الله يغني عنها ام لعيال و خدامه مستحيل لين تيب ورقة من المحكمه بحق بالعيال و خدامه
يا فليل يشتكي لابوي كل عاده بس هالمره تفاجئ بردت فعل ابوي لان ما وقف وياه
و تم ابوي يلومه الان كل مره تستوي مشكله كل وحده اسخف عن الثانية كل مرة يحط ابوي الغلط علي وردني له قاله اذا لك خاطر بنتي قول
انا كنت موجوده تناقشنا و ما وصلنا لحل و روح انا تميت بيت اهلي
طبعا ابوي قالي لا تقرري و انتي معصبه و خلي من اولوياتج عيالج ان يتربو مع امهم و ابوهم
فكره ان صارت مشاكل كبيره صبرت الحين مشاكلنا عادية استغليت فرصة مسج ما اذكره بالحرف بس كان يقصد ان ارجعي لعيالج يلي فهمته ارجعي لعيالج مالج عندي غير اكلج ولبسج
سوت خطه ان اعلمه درس
رديت البيت ورتبت اموري ان انام في غرفة لعيال اذا كان هو نازل من الدوام اذا هو مداوم انا في غرفتي نزل بالخميس طبعا انا طاف بس اتأكد ان كل شي مرتب و في مكانة و ما اقعد و ياه بروحنا هو اذا بغا شي يطرش لي حد من لعيال
والله يا بنات هالوضع حلو الان يخلي ريلج متحرقص يبا يوصل لج و مب قادر عاد انا ما مقصره البس ذاك البس يلي يبين نص صدر و فاله شعر. وعطر من كيلو وشمه فيني
صايره مثل الحلاه يلي خاطره ياكلها مب قادر يوصل لها
هو كل ما خطف جدامي تام بقق عيونه ههههه ههههههه
يوم اي اليل اخلي عمري نايمه ولا ادريبه هم يتم داخل طالع يوايج علي في غرفت لعيال هني ما يقدر يقاوم هالبراءه يلي فيني لين يا اليوم يلي ياني صيح والدموع تسيل من الندم و عتذر علي الموقف .طبعا ما قسيت علي اكثر وحضنته
الحين الحمدلله مرت ست شهور بلا مشاكل بعد ما كانت اسبوعية صار يتفهم كل المواقف يستوي علي شان ما تصير مشكله يفقد زوجته وعياله
اسموحه اذا في اغلاط الان فوني وايد يشكل

الله يخليكم لبعض و يبعد عنكم المشاكل و موقف ابوج اللي سواه صح ..

[الطواشة]

تدرين ليش تكتب مشكلتها تكون في حالة زعل وعصبية وتستشير يمكن وحده تساعدها بحل لكن في حلول اذا الحرمه خذتها يمكن تدمر بيتها وهي صح انه عندها عقل لكن في ذيج الساع تقعد تفكر بعاطفة فالمشكلة مب في الحل في الردود وايد تأثر
واذا انحلت مشكلتها ما بترد تكتب بتخاف من العين والحسد ما صدقت تنحل
لكل مشكله لها حل لكن تتوكل على الله واذا احتارت تستخير رب العالمين بيسر لها وشو ما كان تتوكل اكيد كله خير

هيه حبيبتي انا عن نفسي وايد كثرت مواضيعي فالقسم ..
انا اللي اقصده نبي حد يحط تجربته عسب نستفيد كيف اتصرفت .. و النتيجه .. !♡`~

و دام الانسان محصن نفسه ما بينصك بعين ..

[غلآ نفسي]

كل شي نعمه في حياتنا

حتى المرض اتصدقون انها نعمه

كله خير من رب العالمين .. سواء مشاكل او مرض او سعادة او حزن او فرح او أي شي كل شي نعمه

واكبر مصيبه تعرفون شو اذا الانسان حرم من الثواب هذي المصيبه الحقيقه للإنسان

اما باقي مصايبه كلهم اجر وثواب باذن الله

اما مشاكلي مع ريلي .. أي مشكله تييني ع طول اواجهه

ما عندي كاني ماني

اذا شفت شي ع طول افتح حلجي أقول .. او اذا انصدمت اطالعه واتم ساكته هو يفهم اني اكتشف شي مب زين عشان جي ساكته ومنصدمه .. بس فالنهايه اواجهه واصيح واطلع كل اللي في خاطري

بالتوفيق

[غلآ نفسي]

اختي صدقتي اغلب الواضيع القسم عن المشاكل الزوجية و بعضها متكرره
لو كل وحده صاره عندها مشكله انتهت بشي ايجابي او سلبي تكتبه كان احسن الان بكون فيها حل للمشكله الخوات الباقيات بستفيدن من الحل او بتجنبن يطيحن بنفس المشكلة صاحبه الموضوع و بتعم الفايده
سامحوني مسبقا علي الاطاله
بنسبه لي
بعد ما عدينا مشاكل الخيانات قدرت اسيطر عليها
قامت تستوي مشاكل شخيفه اصلا ما يحتاج تصير عليها مشكله
بس ريلي يحب المشاكل هههه هههههه صدق ما يرتاح الا ما ويسوي اكشن في حياتنا عكسي تماما احب الهدوء الاستقرار فالحياه الزوجية
صار فتره يخلق اي موضوع و سوي فيه مشكله ووصلها عند ابوي مره بنك ما تسمع كلامي مره بنتك تراددني مره بنتك ما تبغي تلبس نقاب مره اقولها قولي لامي شي ما تقولها من هالكلام
دايما ابوي كلمني وقول هالامور عادية المفروض متفاهمة مع ريلج فيها ما يحتاج الدخلو حد فيها ع شان ما تكبر وردني له
بس شو اسوي ريلي يبغي يدخل ابوي الان ابوي دايما يوقف معاه وحط الخطأ علي
لآخر مشكله وكانت من ست شهور
كنت اتجهز بسير بيت اهلي ع غذا قالي فلانه خبري امي ان بتغدا
عندهم علي شان يحسبو حسابه فالغدا قلت ان شاء الله مع ان اعرف إجابة عمتي بتقول ما بزيد لان الغدا يستوي بزياده يسد للكل البيت و زيد دايما
انا تصلت لعمتي مرتين و ما ردت فطرشت خدامتي ع شان تخبرها
وروحت انا وعيالي وخدامتي بيت اهلي
العصر طرشت له مسج ان بتاخر ساعه ما رد علي قعدت شوي و شليت وروحت و في طريقة اتصل بيني يتنازع محتشر تاخرتي قلت ما تأخرت انا طالعه فطريج
وبعدين قال ليش ما خبرتي امي ان بتغدا عندهم قلت له خبرتها اتصلت وما ردت فطرشت الخدامه انا تأكد من الخدامه ان و.صلت الكلام لعمتي
قالي انتي دومج مهمله و تيبي الكلام لي تمي بيت اهلج و بتوصلج ورقت طلاقج وسكر الخط
رجعت بيت اهلي مب عارفه شو اقول احس الموضوع عادي ما يحتاج كل هذا
و بعدين مب وقته ابغي ارجع البيت اذاكر لعيالي بالاحد عندهم امتحان هني عصبت قلت هالمره ما بعديها
طرش لي مسج ان جهزي لعيال و الخدامه بي اشلهم و بشل السياره
رديت عليه سيارتك شلها الله يغني عنها ام لعيال و خدامه مستحيل لين تيب ورقة من المحكمه بحق بالعيال و خدامه
يا فليل يشتكي لابوي كل عاده بس هالمره تفاجئ بردت فعل ابوي لان ما وقف وياه
و تم ابوي يلومه الان كل مره تستوي مشكله كل وحده اسخف عن الثانية كل مرة يحط ابوي الغلط علي وردني له قاله اذا لك خاطر بنتي قول
انا كنت موجوده تناقشنا و ما وصلنا لحل و روح انا تميت بيت اهلي
طبعا ابوي قالي لا تقرري و انتي معصبه و خلي من اولوياتج عيالج ان يتربو مع امهم و ابوهم
فكره ان صارت مشاكل كبيره صبرت الحين مشاكلنا عادية استغليت فرصة مسج ما اذكره بالحرف بس كان يقصد ان ارجعي لعيالج يلي فهمته ارجعي لعيالج مالج عندي غير اكلج ولبسج
سوت خطه ان اعلمه درس
رديت البيت ورتبت اموري ان انام في غرفة لعيال اذا كان هو نازل من الدوام اذا هو مداوم انا في غرفتي نزل بالخميس طبعا انا طاف بس اتأكد ان كل شي مرتب و في مكانة و ما اقعد و ياه بروحنا هو اذا بغا شي يطرش لي حد من لعيال
والله يا بنات هالوضع حلو الان يخلي ريلج متحرقص يبا يوصل لج و مب قادر عاد انا ما مقصره البس ذاك البس يلي يبين نص صدر و فاله شعر. وعطر من كيلو وشمه فيني
صايره مثل الحلاه يلي خاطره ياكلها مب قادر يوصل لها
هو كل ما خطف جدامي تام بقق عيونه ههههه ههههههه
يوم اي اليل اخلي عمري نايمه ولا ادريبه هم يتم داخل طالع يوايج علي في غرفت لعيال هني ما يقدر يقاوم هالبراءه يلي فيني لين يا اليوم يلي ياني صيح والدموع تسيل من الندم و عتذر علي الموقف .طبعا ما قسيت علي اكثر وحضنته
الحين الحمدلله مرت ست شهور بلا مشاكل بعد ما كانت اسبوعية صار يتفهم كل المواقف يستوي علي شان ما تصير مشكله يفقد زوجته وعياله
اسموحه اذا في اغلاط الان فوني وايد يشكل

ماشالله ع بالج الطويل

انا ماروم عنه

[om_sager]

اهم شي طولت البال ع شان تحافظي ع بيتج

[غلآ نفسي]

اهم شي طولت البال ع شان تحافظي ع بيتج

كنت اقصد بالج طويل انكم اذا زعلانين ما تروحين له تتكشخين وتحرقين اعصابه

وقصدي اني ماروم عنه يعني ماقدر أطول الزعلة الصراحه واللي ما تطول الزعله معناته تبا تحافظ ع ريلها وبيتها

[ياقوتةخضرا]

الله يهديكم ويخليكم لبعض



انا عندي قاعده ف حياتي واتبعها بطبيعه الريال هي :

الريال مايحب الحرمة اللي لاصقه فيه 24 ساعه عطيه ثقتج وعطيه راحته يطلع ويدخل بس تكونين على علم وين رايح وووين ياي
الريال مايحب الحرمه اللي 24 ساعه تتصل فيه خليه شوي ياخذ راحته مع ربعه يتنفس
الريال مايحب الحرمة النكدية اللي سوالفها معاه كله عن مشاكلها سواء ف البيت ولا الخدامة ولا برع البيت
الريال مايحب الحرمة الشكاية اللي 24 ساعه يا ايدي ولا ريولي ولا راسي يعورني
الريال مايحب الحرمة الضعيفة اللي ماعندها شخصية ولاتقدر تدير بيتها وعيالها
الريال مايحب الحرمة اللي تخليه محور حياتها وماتطلع ولا تروح ولا يكون لها ربيعات وحياتها الخاصه بعيد عن الزوج
الريال مايحب الحرمة اللعاية ( اللي تسولف وايد وتبربر ) خير الكلام ما قل ودل
الريال لاتحسسينه انج بتموتين عليه واذا غاب عنج بتتخبلين هالشي وايد غلط خلج غامضه في مشاعرج شوي لانه بيعرف نقطه ضعفج وبيستغلها لصالحه

الريال يحب الحرمة اللي تعرف توازن بين امور حياتها تخليه جزء من حياتها بس مب حياتها كلها ..

[ضناني .]

انا جد حطيت عن موضوعي ويا زوجي تقريبا
من ست شهور
وحزتها كنت صدق مضايجه وحزينه من حالي
وكنت ابغي انفصل عنه
فهالفتره وايد اتغيرت اشيا الحمدلله ونفسياتنا اتعدلت
ماقام يعصب ولا يرفع صوته طبعا ما اقول اتغير 100%
لا اقدر اقول 65% وهالنسبه جيده بالنسبه لي ومرضيتني الحمدلله واتمنى انه هالتغير الايجابي يتم عطول
ااي تعلمته انه مب عاي مشكله نحذ موضوع ونتشكى بس من باب الفضفضه مراتالوحده تكون فلحظة غضب ومستعده تتخذ اي قرار ممكن انه يهدم ويدمر بيتها
بس بكلمه وحده او نصيحه من اي وحده من البنات ممكن تغير تفكيرها كلياً
مثل حالتي
والحمدلله الحين حامل فالشهر الثالث مع انه رريلي موظف وطالب فالجامعه الا انه وايد فرح بهالشي وحسيت حسن من نفسيته قام يداريني ويخاف علي
علئ الرغم انه ابدا ماكنا نفكر بالعيال لين يخلص زوجي من الجامعه
بس الحمدلله ع عطايا الرحمن
والحمدلله عكل امر فحياتنا
والحمدلله ع كل نعمه
الحمدلله الحمدلله الحمدلله حتى يبلغ الحمدمنتهاه

[~شوق~]

الله يهديكم ويخليكم لبعض



انا عندي قاعده ف حياتي واتبعها بطبيعه الريال هي :

الريال مايحب الحرمة اللي لاصقه فيه 24 ساعه عطيه ثقتج وعطيه راحته يطلع ويدخل بس تكونين على علم وين رايح وووين ياي
الريال مايحب الحرمه اللي 24 ساعه تتصل فيه خليه شوي ياخذ راحته مع ربعه يتنفس
الريال مايحب الحرمة النكدية اللي سوالفها معاه كله عن مشاكلها سواء ف البيت ولا الخدامة ولا برع البيت
الريال مايحب الحرمة الشكاية اللي 24 ساعه يا ايدي ولا ريولي ولا راسي يعورني
الريال مايحب الحرمة الضعيفة اللي ماعندها شخصية ولاتقدر تدير بيتها وعيالها
الريال مايحب الحرمة اللي تخليه محور حياتها وماتطلع ولا تروح ولا يكون لها ربيعات وحياتها الخاصه بعيد عن الزوج
الريال مايحب الحرمة اللعاية ( اللي تسولف وايد وتبربر ) خير الكلام ما قل ودل
الريال لاتحسسينه انج بتموتين عليه واذا غاب عنج بتتخبلين هالشي وايد غلط خلج غامضه في مشاعرج شوي لانه بيعرف نقطه ضعفج وبيستغلها لصالحه

الريال يحب الحرمة اللي تعرف توازن بين امور حياتها تخليه جزء من حياتها بس مب حياتها كلها ..