تعالي خبريني موقف القلب انه يخاف عليج 😀

[كلي حب وحنان]

سلام علكم اشخالكم يبنات اخباركم
يب لكم موضوع حلو بتشقققو حلوقكم من ضحك ههههخهههخخ فرحه ماتوسع سماء الله يجعل البسمه والفرحه علي ويوهكم 😢قالوا امين انزين 😥

(شنو أكثر موقف😙 حسيتي حبيب القلب💜فعلاً يحبك ويخاف عليك 😗

مثلاً وحده تقولي حست ريلها 😫يحبها ويخااف عليها يوم دخلت غرفة الولاده قعد يبكي ويدعي لها

يالله متزوجاات ارجعوا بالذاكره للورى 😉

اللهُم صل ِ وسلم على نبينا مُحمد
😗💗💜💞💝💘💚💛حركات بعد هاه حبتين الي استحت

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قلب بنتها]

نفس الشي فالولاده ويوم امرض الا يبا يوديني المشفى ويهتم فالدواء ههه

[عساك تبقى لي]

موضوع حلو .. ومب يديد عليج. .مواضيعج مميزه أختي..

أكثر موقف حسيت في زوجي منهار وخايف لما صار لي حمل خارج الرحم. .وقرروا يسوا لي عمليه فجأه لأن حالتي كانت خطيره. .ويمكن يصيرلي اذا تأخرت تسمم. .
كان يركض رايح راد فالمستشفى انه لا ..لا تسوولها عمليه لين ما صرخت عليه وقلت له خلها يسوا لأني جد أتألم فقعد يبكي. .بس الحمدلله شي بسيط وعدا ع خير..
من غير مواقف الولاده طبعا. .

[غلآ نفسي]

كل ريال يخاف ع حرمته

حتى لو ما يحبها ( يعني خذها زواج تقليدي او خذها عقب قصه حب فاشله )

بس شي رياييل يبين عليهم الخوف وشي رياييل لا

الشاطره تعرف النوع الثاني من الرياييل اللي ما يبينون خوفهم ع حريمهم

اذا مريضه يخاف عليها .. اذا ولاده يخاف عليها .. اذا سهرها رضيعها يحس فيها .. اذا طول اليوم مكروفه يحس فيها .. اذا دوووم تراعيه وتدور رضاه بعد يحس فيها .. واااايد أشياء

يمكن الحرمه مب منتبهه انها اتسوي كل هذا حق ريلها .. بس الريال منتبه وحاااس


بس مثل ما قلت لج شي رياييل يبينون هالخوف والاحساس وشي رياييل لا

بس كل ريال يخاف ع حرمته ويحس فيها لو شو ما كانت

بالتوفيق

[ثريا 2014]

صل الله عليه وسلم

حلو الموضوع حبيت
دوم مبدعة في اختيار مواضيعج حبيبتي

اتذكر يوم سويت حادث بسيارة واجهضت كنت برع بسويسرا وهو هني بلبلاد
كان وياي بالفون وقتها يالله ياني في اول طيارة واول ما فتحت عيوني شفته قدامي ودموعه تنزل وخايف وماسك ايدي بالقو يقولي لا تحاتي شي حبيبتي اهم شي سلامتج
الله لا يحرمني منه
دوم يخاف علي فديته

[فوحة الفل]

مره كنت طالعين و تونا معارريس سايرين دبي يحليلنا المهم و طحنا ف زحمة الشارع و فجأه اللي جدامنا وقف و ريلي ضرب بريك قووي فجاه و اطير و يدق راسي على الزجاج اللي جدام انا من الفشله ما صديت صوبه مابا اشوف رده فعله و هو ساكت خاف انه استوى فيني شي هههههههه و عقبها انفجر من الضحك و كل ما يتذكر يضحك هههههه اونه شكلج نفس بات مان

[عساك تبقى لي]

ثريا حبيبتي أهم شي سلامتج والله يرزقج الذريه الصالحه. .ويحفظ لج غاليج ويديم المحبه. .

فوحة الفل..
وايد حلو الموقف صدق ضحكتيني. ...الله يديمكم لبعض..

[الطواشة]

يوم يالي الطلق و خايف و تم يسسسرع و ربيت فالسيارة و اغمى علي و يوم قمت جفته يصييح خايف علي يناديني و ماسك ولدي ..

[قلوب حلا]

الله يهنيكم جميعا

[mrs.abk]

يوم ياني هبوط في القلب .. حسيت قلبه هو اللي وقف وايد توتر خاصة انه هو اللي كان السبب .. تم شالني مثل الياهل في حضنه واحس بدموعه ..

مع اني عقب كم سنة دخلت العمليات ووايد خاف تم طول الوقت يدعي يارب تخليها لي .. أمي تقول له وعيالها يارب .. وهو يقول لي .. بصيح أحس ..

[عساك تبقى لي]

أختي الطواشه. .Mrs. .abk..
مواقف جدا حلوه ربي يهنيكم ويديمكم لبعض. .يالله بنات فضفضوا محتاجين نذكر هالمواقف الطيبه ف حياتنا..

[احلى بعفويتي]

ولا مره تصدقين حسيته خايف علي

ماعندي موقف اتذكره
لان هو احسه ما يزيغ على شي عفانا الله
كل شي عنده قضاء وقدر

ماعرف بس شكله ما يحبني خخخخ لو يحبني جان خاف علي ..

بس دوم احط فيديوهات في الانستقرام عن مواقف الازواج الي الباك جراوند فيها ميوزيك وازعل على عمري شويه وعقب خلاص

الصراحه ولا مره زاغ علي لا ولاده و لا اجهاض و لا حادث ولا في المستشفى ولا تاخرت في الييه ولا شياته

الحمدالله و الشكر

بس ايتانست على المواقف الجيرزات حلو الله يهنيكم

[Ward-uae]

لما الدكاتره خبروه انه احتمال اني أعيش ضئيل كنت ابتسم وأقول الحمدالله اني عرست وشفت عيالي ورزقني بزوج شراتك
وعمتي بين فترة والثانية توصيه علي وتخبره اني كيف تعبت لما كنت صغيره وما خلو ا دكاتره هي ويدتي الله يرحمها ومطاوعة ما ودوني عندهم وهو يدمع ويبوس امه ويشكرها انه ما قصرت فيني واختارتني له

[ثريا 2014]

ثريا حبيبتي أهم شي سلامتج والله يرزقج الذريه الصالحه. .ويحفظ لج غاليج ويديم المحبه. .

فوحة الفل..
وايد حلو الموقف صدق ضحكتيني. ...الله يديمكم لبعض..

فديتج حبيبتي انتي ام احمد
آمين يارب
الله لا يحرمني منج ومن دعواتج الحلوة ربي يسعدج ويحفظ لج عيالج وريلج
والحمد لله على كل
الله يسعدج ويا زوجج ويسعد كل زوجين يااااارب

تذكرت موقف هههههههههههههههه
اول ما سكنا بهالبيت من سنة والبيت ماشاء الله ثلاث طوابق ريلي سار يطالع مباراة ويا اخوه
ويوم رد كان جي الوقت مأخر وانا لبست وتزينت وكنت بشعل شموع فجأة جلتني فكرة جهنمية
قررت استخبا واستخبيت بالدولاب هو فتح الباب استغرب بالعادة دوووم انا الي افتح له الباب
طلع للغرفة ماحد سار للحمام الغرفة الثانية جا في باله الدولاب فتحه انا هني طلعت من دولاب الغرفة الي كنت فيها قلت اكيد بيرد يدور هههههههههه دخلت الحمام لانه هو فتشه قبل
وتم حليله يدور بالبيت ويتصل تلفون ويوم طلعت انا اضحك اشوفه ويهه مليان خوف ههههههه حتى من الخوف ما طاع يضحك هههههه صرخ علي خوفتيني عليج كنت بتصل بالشرطة
ويالله يالله لين ضحك

ومن كم يوم سويت نفس الحركة ولا همه انسدح في السرير وانا كنت فوق والمكيف مو شغال لين عرقت ونزلت قلت له ما اتصلت ولا فتشت ههههههه قالي ادري انج مسوية فيني حركة هههههههه

[مالتيزرس]

اذكر مرة من المرات اول ايام عرسنا كنت انشر الغسيل الظهر ع الحديد مال الملابس برع ونزلت راسي اشل الملابس من السلة وأرفعه شوي ولا احس خشمي يندق فالحديدة مال الملابس وانا خلاص هنيه بموت حسيت بدوخة والدم ينزل من خشمي وانتفخ لي خشمي كاني ياهله طايحة ورايحة تشتكي لأبوها ومسكين يوم جافني حسيت الدمعة فعينه قامت عينه تغرغر ويحضني وخاف علي قال قومي بسرعة بوديج المستشفى أنا ماطعت عاد ع ايامي كان ورايي خط العين الجامعة الظهر وطنشت الموضوع وقمت أتويع من خشمي فالباص وهو مسكين متروع علي ..

ومرة من المرات فشهر العسل ونحن مسافرين فليل وانا راقدة احلم فحلم اعوذ بالله حد يركض ورايه وانا فامنام ازاعج وازقر ع ريلي فلان فلان وهو مسكين سمع الصريخ وقام زيغان وقال بلاها هاي تزاعج وقام مسكين وهدداني وقام يقرا علي ويشربني ماي ..عاد اختكم اول مرة تسافر وتفارج بلادها وكنت متخوفة شوي عن أضيع عنه ويرد البلاد بدوني شوفو كيف تفكيري والووسواس خخخ .

ربي لايحرمني منه ..

ثانكس خيتو ع الموضوع الحلو