اذا بنت خالكم سوت طاف حق عايلة ابوها بكبرها في الملجه بتروحون العرس

[احلى بعفويتي]

هلا بنات اخباركم

صار موقف بنت خالي ملجت وسو حفله
بس طبعا انصدم الكل انها بتملج خبرو عماتها الي هم ماما و خالاتي ان الملجه في المحكمه بس مافي حفله ولا توزيعات بس العرس بيكون جريب ماما قالت بالبركه بس محاكم ما نروم نسير لو في عزيمه بني قالو ماشي وهالموضوع كان في 2/10/2015
و يوم الخميس 8/10/2015 مطرشين سنابات عن حفله و بوفيه و كيكه و هي لابسه فستان و ورد وغيره والمعرس موجود

خالاتي فولوا وطبعا دخلونا في حزب المتامرين وقالو محد يشبر عرسها ولا وحده من البنات مادام مافيهم مذهب

طبعا خالي توفا من 4 سنين الله يرحمه وهم كانوا ساكنين بيت يدي لين ما طلعلهم بيت وراحوا من سنه
بس ما عبرو ماما عمتهم العوده و لا عبرو عمامهم ولا قالو تفضلو تعالوا تعرفوا على المعرس وجي

حتى الحلوى ميمعينها بجيس واحد واحطينها عند بابا بيت يدي عشان خالتي هي ساكنه هناكي طرش حق كل حد من العمام و العمات حتى ما راحوا كل بيت يوزعونه مثل ما يسون بالباقين


المهم عقب هالحركه الجميله بتروحون ولا لاء ..
انا شاركت في المؤامره بس فيني فضول ابا اروح العرس
؟؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mrs.abk]

لا

طبعا لا .. هذا اذا عزمت أصلا بالعرس

[ام بدور1]

حبيبتي وايد اتصير هالسوالف ان تكون حفلة الملجه بسيطه يتواجد فيها خوات المعرس وحريم اخوانه وامه واخوانه وخوات العروس وامها واخوانها
وبسوون بوفيه بسيط على قدهم والعروس شي طبيعي بتلبس وبتكشخ
وبالعرس يعزمون الكل

[ام بدور1]

صدقيني شي ناس بعد مايملجون يخبرون اهاليهم انتوا زين خبروكم انها بتملج باليوم الفلاني
وان شاء الله بيعزمونكم

[لحنْ #]

والله هالحركه معناه ان مايبونكم تحضرون خخ
ف عن نفسي لا كرامتي فوق كل شي .. دام حسيت ان شي تلميحات ان لا تيين ف مابروح اكيد !
اختي ام بدور ، ترا اهلهن مب ربيعاتهن يعني هالحفله البسيطه البوفيه اللي ع قدهن " لازم يكونون بعد حاضرين الاهل "
يعني مثلا بملجتي تيي امي وابوي واخوي بس ؟
وبالعرس اعزم الشعب كله ؟ اللي اعرفهم مع اللي ماعرفهم ؟
لا طبعآ الاهل القريب والبعيد لازم يكونون حاضرين بجميع طقوس الزواج ! من اولها لاخرها .
واكبر دليل ان يبونكم تفهون ان لا تيون ، ان طرشو صور وسنابات ووو ..
يعني عشان تفهون ان ترا سوينا حفله لكن ماعزمناكم ، ف مانباكم ><

[ام طحنوون]

يعني لو هم قالو ترا مابنعزم حد وحفلة بسيييييطة
الا خوات المعرس وخوات العروس يعني المقربييين واايد بيحضرون
فاسمحولنا ان شاءالله فالعرس نشوفكم ..

هني الوضع يختلف وبتقولين مب مشكلة

لكن بعد الحركة اللي سووها / مابروح .. اللي مايحشم اهلي ولا يقدرهم مايستاهل الحشمة والقدر

[جنان الفجيره]

لا طبعا يعني المفروض يعزمون ما بروح بدون داعي يعني

[قلبي بزي]

مستحيل أروح هالحركة مو حلوة

[غلآ نفسي]

عاده الملجه ما يعزمون الا الاخوان والخوات وطبعا اهل المعرس

انا احسه عادي اذا عزموكم بشكل رسمي فالعرس روحو

[almal3ka1]

عادي بالنسبالي


وبسير العرس عسنقه 10

- - - Updated - - -

عادي بالنسبالي


وبسير العرس عسنقه 10

[مجروحة وأكابر]

عادي ما يهمني بروح وبكشخ وبستانس و برقص بعد

[غزالة AD]

خالتي جي سوت فينا..ماعندها غير اخت وحدة الله يحفظها اللي هي امي وما عزمتها على ملجة ولدها. وخلوها مقتصرة على بيتهم وبيت العروس لانه يقولون بيت العروس وايد صغير. نحن وايد زعلنا وانا وخواتي ما سرنا العرس بس امي سارت طبعا لانها اختها وما تبا تكبر الموظوع. سالفة بتعدي والكل بينساها. حقروهم حقروهم واذا مب مرتاحة لا تروحين واذا فخاطرج روحي لو عزموكم بشكل رسمي طبعا.

[قلوب حلا]

الله يهدي النفوس

[Jasmin44]

عادي اختي ، لو منج بروح العرس و بفرح لها

حلو انه الواحد يأدي الواجب اللي عليه

المشاكل مالها داعي و كل حد له ظروفه

[Jasmin44]

و ماشيء عزايم بين الاهل ، يعني سيرو بدون عزيمه بعد