ال 40

[مغليك]

خواتي انا جريب بخلص الاربعين بس بعدني ماطهرت المشكلة ..سؤالي هل اسوي النيو لوك لما اخلص كامل اطهر وللا كيف ..

لاننا عندنا اهل ريلي ماشاءالله لازم ازورهم عقب ما اخلص ال 40 واشل لهم البيبي فمابا اكون جلحة ملحا يجوفوني .. وهناكي كل وحدة تطلع من الاربعين تكشخ ع آخر سنقة ع قولتهم من حنا وصبغ شعر وهالسوالف ..

فمب عارفة محتارة متى اسوي النيولوك .
نوروني الله يرضى عليكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم محمد1988]

أنا بصراحه قبل الأربعين ب كمن يوم أسوي كل شي من حنا وصبغ شعر وحمام مغربي ووووو ..

وطبعا يوم الأربعين بس أغتسل وأكون جاهزه تماما

شوفي اللي يريحج وسويه

[احلى بعفويتي]

هلا انا الصراحه اطلع من الاربعين او اغتسل من النفاس عادي
ال صبغ و ال شياته

بس طول الاربعين اعتني بشرتي وشعري و حمام مغربي واسكربزس وجي
يعني عادي ما اتعب عمري عشان يوم
ونوه شعرج يباله عنايه فائقه اتسيرين تحرقينه عشان وله طله الاربعين
انتي اكيد مهتمه بنفسج طول هالفتره ..
فماعليج غير تلبسين وتكشخين كشخه حلوه ومناسبه للزواره
بتتحنين تحني .. بس لا تصبغين حرام شعرج بيتنتف يبالج تغذينه موب تحرقينه عن تجربه ربعاتي الي يصبغون عقب الاربعين شعرهم متنتف
خاصه بترضعين يعني شعرج يباله عنايه وفتمينات

انا عن نفسي ما اتحنى و لا اطلع بلوك جديد من صبغ وغيره
بس اكون نظيفه و مستمره على الماسكات و الزيوت و اللوشنات و السكربات و الحمامات المغربيه و السوانا

[Ward-uae]

انتي سيري سوي تنظيف بشرة وحف وحنا اهم شي تكونين نظيفه ومرتبه وويهج منور ولبسي ملابس يديده وانتي في الاربعين اكيد كنتي تسوين ماسكات وتاخذين حبوب فيتامينات من الدكتوره
اما سوالف البوتكس والصبغ وتقشير لين ست شهور جسمج وايد بيختبص وخاصه لو كنتي ترضعين فاتجنبيهم

[mrs.abk]

عفوا كيف تزورين أهل ريلج من تخلص 40 .؟؟؟

حبيبتي ما يصير البيبي صغير وتغير الجو عليه من بيت لبيت يضره .. أصلا لين شهرين لازم طلعاته محدوده لأنه في عمر شهرين بياخذ أول جرعة تطعيم الروتا

عزيزتي .. الحل انج تسوين حفلة استقبال في بيتج للجميع .. وتييبين لج حرمتين يساعدونج أو خدامات الاهل

وطبعا اكشخي .. آخر اسبوع ف الاربعين ابدي بالشغل ..

عن نفسي في ولادتي الاولى ولدت طبيعي ومن كملت 3 أسابيع بديت بالحمام المغربي .. وكل اسبوع اسوي شيء وطلعت كاشخة بس ما تحنيت لأني طهرت نص رمضان

في الثانية ما سويت وايد اشياء لأني ربيت قيصري ..

[مغليك]

يزاكم الله خواتي ماقصرتو .
مافهمتن علي خواتي يعني قصدي بطلع من الاربعين وبعدني ماطهرت ..
اختي مستر يعطيج العافية قصدي بس ازور اهل ريلي فبيت اهله بس.. مابحاوط البيوت ..شاكرة مرورج

[ام طحنوون]

اذا انتي تبين تتحنين اتحني ..واذا تحسين عمرج بعده نفاسج مطول .. لاتحنين الا اذا طهرتي عشان تجابلين ريلج كانج عروس بحناج ^.^

وروحيلهم واتكشخي اخر كشخة وسيري الصاالون اتعدلي مافيها اي مشكلة

[love rak]

حف وفيشل وبديكير ومنكير وسشوار يبي وحدة اتسويلج ماله داعي صوالين تعب ... وميكب خفيف واكشخي بلبس حلو دانتيل.. وعباه يديدة .. ها كله لج عشان تتغير نفسيتج وعشان ريلج.. حبيبتي خلاص مال اول الحين الحرمة تجلس بلا حف وبلا تعديل .. كل ما أي ريلج كوني كشخه ونظافه مب لازم صوالين ..
روحج حفي جسمج وعدلي حوايبج وسكراب لجسمج ويهج وكريماتج الي متعودة تستخدمينهم ودايما وميكب خفيف من جلوس وكحل وسن بلوك وبلشر خفيف وعطور وسشوار ..
بتخلين ريلج صدق يشتاق لج .. ما ينفع الحرمة تجلس حالتها حاله الزمن اتغير .. يعني من اول يوم بعد الربا كشخه ..
والبيبي كشخيه ولا تنسين السليبنج باق والشنطة طقم مال البيبي ..

[بنت رااكـ]

انا عن نفسي اخر اسبوع من الاربعين حفيت وسويت تنظيف البشرة وبديكيد ومنكير وصبغت شعري وتحنيت ويوم خلصت من الاربعين طهرت وياني ريلي فليل وشلني
طول فترة الاربعين اسوي حمام مغربي وخلطات وهالسوالف فالبيت

[sa7el]

اختي تاكدي انتي بتخلصين ال40 بعدج ما تطهرتي

شكلج خلصتي من وقت ويت لج الدورة وانتي ما تعرفين حبيبتي

عادي لا تسيرين اول ما تخصلين ال40

قوليلهم بعدني والله مطولة عطي عمرج اسبوعين زيادة سوي فيهم حمام مغربي وجي اللي تحتايين
ام الشعر ماله خص المفروض تكونين بديتي العناية في شعرج من ربيتي عادي

الله يوفقج وتطلعين قمر 14