يومياتي ~ استخدام جهاز Philips Lumea لإزالة الشعر

[Jasmin44]

انا من النوع المشعر ، لأني كنت اشل بالموس فالشعره كانت سميكه و لونها اسود غامق

استخدمته الجهاز الاصدار الاخير ، الي هو الثالث ، الي فيه 140 ألف طلقه ،

استخدمته لويهي و لريلي

من اول استخدام عقب ما طلع لي الشعر مره ثانيه في ريلي ، صبرت عليه ثلاث اسابيع قبل لا اسوي الجلسه الثانيه

شي اماكن ما طلع فيها ، و اماكن طلع فيها شعر لكن في الاسبوع الثاني بدا الشعر يطيح بروحه بالبصيله مالته ،
الجهاز فظييييع رائع

بس ابا الجل الي يستخدمونه لليزر ، عشان ما يحرق ، شو اسمه و منين ناخذه
لانه الجهاز لا يحتمل ابدا في المنطقه الحساسه

و انا بعد نفس الجهاز اللي عندج ، و حاليا موقفه استخدامه لاني استخدم الروكوتان

صحيح انا بينت النتيجه عندي من المره الاولى لكن بنسبة 20 بالميه تقريبا

عن المنطقه الحساسه ، تحملي عزيزتي و بس من فوق لا تتعمقين وايد

أشكر مرورج و مشاركتج لتجربتج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Jasmin44]

انا استخدمت هالجهاز و الحمدلله شفت نتايج جدا مرضيه

و للحين سويت نص ايدي و نص ريلي و الباط و الشنب

و شفت النتايج من ثاني جلسة الحمدلله

و من اخلص رابع جلسه ببدا بباقي جسمي لاني من النوع اللي بسرعه يمل ><

و الجهاز اللي عندي ايدد واحد اللي فيه ثلاث رؤوس و طلبته من امازون لان ارخص بوايد من بوتس

و هالجهاز يشتغل بالضوئ مش بالليزر عشان تسالوا اذا يبيض او لا

و ابد ما يناسب البشرة السمرا لان بيعطي نتيجه عكسية و بيحرق البشرة

و ما يناسب اللي عندهم مشاكل فالبشرة مثل الاكزيما او اللي ( بعيد الشر عنكم ) فيهم سرطان او كان فالسابق فيهم ><

و اللي بتسوي منطقة الباط ما تحط مزيل عرق او كريمات لمدة 24 ساعه و باقي الجسم ما تحط اي كريم او لوشن

و الشعر لازم ينشال بالشفرة ما تنفع الحلاوة

و سلامتكم

مشكووره عزيزتي على هالنصايح الحلوه ، نحن كمبتدئين محتاجين نشوف تجاربكم انتو اللي مجربين

و انا معاج ، عقب استخدام الجهاز ممنوع العطور و الكريمات على المنطقه لفتره من الزمان يعني كم ساعه تقريبا

[Jasmin44]

سوري بس بشطح برا الموضوع شوي ،،

تعرفون فالعيادات بكم يسوون الليزر ؟
عطوني سعر تقريبي

مره سالت في عياده ، الجسم كامل ب 20 الف درهم و ساعات يسوون خصومات و يقل السعر

اهم شيء تختارين العياده الصح اللي شغلها نظيف

[Jasmin44]

انا حابه اشتري الجهاز وكنت متخوفه بس الحين بعد تجاربكم انشاءالله بشتري ليوم

توكلي على الله أختي

[Jasmin44]

بنات بخصوص الجهاز Philips Lumea هل يمنع نمو الشعر نهائيا ؟
و اللي استخدموا الجهاز بعد كم جلسة منع نمو الشعر؟
و هل هو ما يناسب الناس اللي بشرتهم سمراء و ليش؟ مع أنه أنا اللي شفته أنه اللي بشرتهم سوداء
و ليش ما ينصح باستعماله فوق الحواجبEyebrow؟
هالفيديوهات اللي شفت فيهن نبذة عن الجهاز و فيه درجة ألوان البشرة اللي ما يستعملون فيها الجهاز هي درجة وحدة بس أما البقية عادي




هاي درجات البشرة المناسبة حقه ما عدا الأخيرة مب زين حقهم الجهاز:

مشكووووره على المعلومات القيمه ، الكل بيستفيد منها ان شاء الله