ساعدوني

[احلى بعفويتي]

شو تبين فيه خله يولي بعدج ع البر
والبخل تراه طبع خاااااااااااااايس ما يوز عنه صاحبه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام احلى بنات]

صح كلام البنات،، اعرف وحدة ريلها واااايد بخيل،، بس هو يسمي عمره اقتصادي ،، بخيل لدرجة تلوع الجبد ويفشل بعد
يسير المطاعم وياكل ووقت الدفع يختفي
اذا مناسبة ولا شي عمره ما ياب هدايا ولا يساعد بالفلوس
يرقد عياله كلهم معاه في نفس غرفته مع حرمته عشام يوفر المكيفات
ما ييب خدامة لحرمته وهي اللي يالله يالله تلحق شغل البيت

يعني بخيل ويلوع الجبد الصراحة

انتي دامج عالبر،، سولفي معاه، حاولي تطلبين منه اشيا غير التليفون،،،
مثلا،، قولي له امي فديتها سوت لي شي وابا اخذ لها ذهب،، تقدر تشتري؟
اسمعي رده

او قوله له اختي ربت مثلا وابا اخذ لها باتشي وتوزيعات وذهب،،، شوفي شو بيقول

يعني لازم تختبرينه،،

عقب على هالاساس تقدرين تتفاهمين معاه،، قولي له ناس تموت وما تهنت بفلوسها مكودات في البنك وبالاخر العيال ورثوا ولعبوا لعب في الورث وطيروا الفلوس
الواحد يتهنا براتبه بحلاله بمشاعره باللي في قلبه
يعني،، كلمي انتي تعرفين له اكثر،، اذا حسيتي ما منه فايدة استخيري وابتعدي احسن من الحين

باجر اليهال يبالهم مصاريف الدنيا ملابس وقماطات بامبرز حليب مراضع ملابسهم بسرعة تصغر لازم كل فترة ملابس يديدة و و و
غير عن بيتج وراشن البيت وخدامتج ومصاريفج والفواتير بعد لو ماخذ السيارة او عليه ديون العرس ومدارس اليهال وسفراتكم وجي شو بيسوي بج،، هههههههه بيضربج

فكري وتفاهمي بهدوء والقرار لج،،،

الاخت ساحل كفت و وفت،،،

[Mo0ly19]

حاااولت و سويت كل شيء ماشيء فايده

[Mo0ly19]

كرهت كل النقاش و المحاولات معااه

[طيبة*قلب]

زوج خالتي ماشاءالله حيل مبسوط بس طبعه بخيل وكنا نسميه عبد الدينار

صراحه كنت احزن عليهم عيال ملياردير ويسافرون داخل المملكه و غيره وغيره لكن للامانه لبيته مو مقصر وللمطبخ يقول يزيد ولاينقص

مات الاب وشوفي عياله صاروا مساكين يلعبون وفي من عياله ترك وظيفته الحكوميه

البخل مرض وبيمرضك معاه

حريم اول يستحملونه الحين لا

[غلآ نفسي]

كرهت كل النقاش و المحاولات معااه

شوفي اختي نحن ما نبا علاقتكم تخترب

بس دامج فالبدايه فكري عدل

البخل صعب الصراحه

خصوصا ف هالزمن

الحرمه وايد تحط آمال ع الريال

السالفه مب سالفه فلوس

من هالصرف الحرمه تحس ان ريلها وياها يحبها مهتم في بيته وعياله

فكري عدل واستخيري وقوليله تبخل ع حرمتك ؟؟ الغالي للغالي .. ومن هالكلام شوفي كيف يرد عليج

وطبعا اكيييد راعي امكانيته الماديه بعد

وعقب اتخذي قرار

بالتوفيق

[Ward-uae]

انتي يعني تأكدتي من بخله؟
استخيري وتوكلي على الله واي شي مكتوب لج ارضي به

[(جواهر)]

الله يعينج اختي