رايكم بالخادمة الي شفتها

[miss crystal]

السلام عليكم
اريد آخد رايكم بموضوع الخدامة الي شفتها بما ان ما عندي خبرة عن الخدم و هاي اول مرة لي
جنسيتها اثيوبية من مكتب بعجمان
خبرتها 4 سنوات بالامارات
عمرها 34 متزوجة و عندها طفلين
الراتب 1000 درهم و استقدامها 6 الاف و نص درهم
تعرف للاطفال و شغل البيت
أخاف اجيبها و تشرد
شو رايكم بنات أتوكل ع الله ؟

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

صلي استخاره
انتي شفتيها؟ شكلها ابا تشتغل وتتعلم؟

[Yazi.90]

مول ماتقدرين تحكمين بالشكل عزيزتي ..

عندج ضمان ٣ شهور شليها جربيها وبعد صلي استخاره

[miss crystal]

انا شفتها بس بالصورة ما شفتها ع الطبيعة
و المكتب قال بس شهرين ضمان

أنا تخوفت قالي شهرين بس ؟!! مفروض 3 و في مكتب ثاني يضمن الخادمة 5 شهور

[الــــدبـــــه]

الغاليه كل مكتب مختلف عن الثاني المهم عندج شهرين تجربينها
جربيها شهر اذا شفتيها ماتنفع رجعيها للمكتب وخذي فلوسج كامله مكمله
او يبدلونها لج بوحده غير

[miss crystal]

ان شاء الله
بصلي استخارة و الله كريم

[طيبة*قلب]

الله يكتبلك اللي فيه خير

[ام بدور1]

نصيحة ابعدي عن البشاكير اللي مشتغلات بالامارات خاصة اللي مشتغلة اكثر عن سنتين
اناجربت كم وحدة مشتغله بالامارات كل يوم قصة انا اعرف فلانه ابا اكلمها واعرف خدامة فلانه واربابتي القبليه جذا ابا اسلم عليها والبشكاره اللي كانت عندهم ربيعتي ابا اشوفها
وانا اعرف المكان الفلاني والمكان الفلاني
وخاصة اذاكانت مشتغله عند ناس فري بتخبلج وبتتواصل وياهم ولاحد من خدمهم والدريوليه ويلا بعدها تشرد

[seemaa2022]

طالما شاغلة بالأمارات يعني عندها معارف و نصيحتي لا تجيبيها شوفي واحدة مو مشتغلة بالأمارات

[فتنة الكون@]

ام بدور كل كلمه قلتيها صح من واقع تجربه لا تيبين مشتغله في الامارات

[miss crystal]

نصيحة ابعدي عن البشاكير اللي مشتغلات بالامارات خاصة اللي مشتغلة اكثر عن سنتين
اناجربت كم وحدة مشتغله بالامارات كل يوم قصة انا اعرف فلانه ابا اكلمها واعرف خدامة فلانه واربابتي القبليه جذا ابا اسلم عليها والبشكاره اللي كانت عندهم ربيعتي ابا اشوفها
وانا اعرف المكان الفلاني والمكان الفلاني
وخاصة اذاكانت مشتغله عند ناس فري بتخبلج وبتتواصل وياهم ولاحد من خدمهم والدريوليه ويلا بعدها تشرد

راحت عن بالي هالنقطة
الباقيات مشتغلات في السعودية ولا لبنان
كنت اعتقد الي مشتغلات بالدولة ميزة للي بطلبها

[miss crystal]

طالما شاغلة بالأمارات يعني عندها معارف و نصيحتي لا تجيبيها شوفي واحدة مو مشتغلة بالأمارات

تسلمين ع النصيحة

ام بدور كل كلمه قلتيها صح من واقع تجربه لا تيبين مشتغله في الامارات

باخذ كلامكم في عين الاعتبار
شكرا

[حياتي توأمي]

والله انا مثلج قالولي عن وحدة بمكاتب عيمان بس مشتغله في لبنان 4 سنوات

وخايفه

وربي يعينا خصوصاً الموظفة فينا الله يعطينا خيرهم ويكفينا شرهم

[حـلـ واقعي ـم]

لاااا ابتعدي عن اللي مشتغلات هنا . انا اللي هندي ما كملت شهرين تقول لي عطيني جهاز التليفون (انا باخذ لها اصلا بس عمدا اماطل) واونه تقول هي بتدبر البطاقة .. نعم يختي؟ من وين ومن عند منو؟ لا يخوفون

[طيبة*قلب]

عندنا بالسعوديه مانجيب مشتغلات بالسعوديه نجيبها لو كانت مشتغله بالصومال بس بالسعوديه لا

اكيد عندها خبره لكل شي