تفسير رؤيا الباندا

**حلمي** · 2015-10-05, 02:07

انا حلمت انى كنت انا وماما ف بيت واحده قريبتنا
وان كان فى كلاب وقطط انا اصلا بطبعى بخاف من القطط جدا بس كل ما قطه تيجى جنبى كانت تبعد تانى ومحدش اذانى لغايه ماطلع من جوه الاوضه دب باندا كبير لونه ابيض ف موف غامق او اسود مش فاكره بس كبيييييير اوى اوووووى وضخم والفروة بتاعته كثيفه اوى

وكان جاى عليا وانا طبعا اترعبت من شكله اووووووووووى
وفضلت اجرى منه واهرب منه ف بيت قريبتنا دى وهو راح قعد جنب مامتى وفضل يطبطب عليها وهى كانت مش خايفه نهائى وانا كنت مستغربه اوى ومش قابله ابصله من رعبى منه
وبعدين ماما بتقولى تعالى دة عادى ومش بيعمل حاجه فضلت اقولها لا لا لا مستحيل انا مش حابه ابصله اصلا وفضلت اجرى وهو يمشى ورايا ودخلت جوة اوضه وحاولت اقفل الباب حط ايده بين الباب وفتحه وايده خبطت فيا انا اترعبت منه اكتر
فضلت اجرى لغايه ما وصلت لباب الشقه ونزلت حافيه ادور على مواصله مش لاقيه نهائى لا تاكسى ولا ميكروباص ولا اى حاجه خالص حتى نازله منغير حجابى
فضلت اجرى وانا حافيه كنت طول الحلم خايفه رجلى تتأذى بأى ازاز ف الارض
بس الحمد لله مافيش حاجه حصلتلى ورجعت بتنا جرى وطلعت البيت بس قدام البيت فيه زى صندوووق كبير زى الكونتينر بتاع الجمارك لازم احركه علشان احط المفتاح ف الباب وافتح وانا كنت مستغربه من شكل الصندوق لانه كبير اوى مستحيل اعرف احركه لوحدى
متعلق ف السقف قدام الباب بتاع الشقه من بره وبعدين بحزق الصندوق كدة بايد واحده استغربت اوووى انه اتحرك وعرفت احط المفتاح ف الباب وكنت بحط ايدى ع مفتاح النور علشان انور السلم لنفسى
وفتحت نور السلم وجارنا اللى فوق كان نازل بصلى اوى باستغراب من منظرى المتبهدل وانا بفتح الباب

انا 26 سنه الحمد لله منتظمه ف الصلاه والحمد لله بحاول اقرب لربنا كتير
ربه منزل ولا اعمل
حالتى النفسيه كويسه الحمد لله او يعنى شويه فوق وشويه تحت

الموضوع: تفسير رؤيا الباندا

أدوات الموضوع

عرض

تفسير رؤيا الباندا

المزيد من آخر المواضيع من نفس القسم:

رد: حلمت بالباندا بتجرى ورايا

المواضيع المتشابهه

تفسير رؤيا الفأر

تفسير رؤيا كلب

تفسير رؤيا المساج

تفسير رؤيا الجماع

تفسير رؤيا الافعى