خادمة اندونيسية جديدة

[foshy1200]

بنات لحقوني ابي حل سريع وفوري مع خدامتي
الله يسلمكم قبل العيد بيوم وصلت خدامتي وطبعا"عشاني اخاف ربي ما خليتها تسوي اي شي بس تغسل الصحون وتتسبح وتتعشى وترفد من وقت المهم ثاني يوم نفس الشي كنا صيام وكنت مالي خلق اعلمها شي وثالث يوم كان العيد ورابع يوم سرت عند اهلي فما مداني اعلمها الا خامس يوم علمتها كل شي من تنظيف الغرف والمطبخ والحمام عزكم الله والملابس بس طبعا"كان كل يوم شي محدد تنظفه والحين صار لها اسبوعين وانا كل يوم اعيد لها نفس الكلام وكل يوم اقولها نظفي المطبخ زين ماريد وساخة وانظف عدالها عشان ما تتعذر وكل مرة تغلط نفس الغلطة والمكتب يقول صبري عليها بتتعدل وانا ماريد ارجعها المكتب وانتظر شهر ثاني ولا 40 يوم لين ما اتيي الخدامة الثانية والله اعلم يمكن تطلع اخس عنها في الغباء وبالنسبة للنظافة صفر ولا تعرف كوعها من بوعها وهذي عاد مشتغلة بالسعودية 4سنوات وماليزيا 3سنوات شوفولي حل دخيلكم احس اني يايبه عاهه على قلبي ويا ما خليتها تعيد الشغل ما فيه فايده 😭😭😭💆💆

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فتنة الكون@]

نفس معاناتي لا تتعبين عمرج قدمي ع غيرها هاي في الضمان وتسوي هالحركات كيف بعد الضمان خليها عندج لين توصل اليديده وعقب رديها

[foshy1200]

طيب كيف اقدم على يديده يعني اخسر مرة ثانية 17000 يقولون مايصير الا اذا بقدم على خدامة ثانية تساعدها وادفع فلوس يعني خسارة في خسارة

[فتنة الكون@]

منو قال لا مابتخسرين شي دامها ع الضمان مابتخسرين ولا فلس والمكتب مجبور يبدلها لج او يرد لج بيزاتج

[ليندااااا]

بدليها اختي
هذا ومعاها خبرة
شكلها تستهبل او ما تبي تشتغل

[ميميه88]

هذي ماتبا تشتغل
لو يديده بنقول
رجعيها وتحملي

[[..دانــة..]]

خدامتج تستعبط عليج وماتبا تشتغل
كل هالخبرة وبعدها ما فهمت شي!

رديها ع المكتب وهي بعدها ع الضمان غصبن عنه المكتب يردلج فلوسج أو يبدلج بوحده ثانيه وما تدفعين فلس واحد
ما في خدامة تبدأ بهالطريقة من الغباء وتعتدل
ريحي عمرج من الصدعه عن اطيح في جبدج وما تقدرين تتخلصين منها
هذي يبالها وحده تراويها العين الحمره وبتتأدب

[الــــدبـــــه]

كلامي نفس كلام اخواتي
دامها عالضمان المكتب لازم يبدلها لج او يرجع لج فلوسج كامله مكمله

[طيبة*قلب]

الله يعينك بدليها

باين تستهبل

[Yazi.90]

حبيبتي دامها عالضمان رديها وخذي فلوسج
ولا خبريهم انج تبين غيرها ..

[امراه]

فعلا يبالها عين حمراء وبتتادب وفيها مكر بدليها وماتتدفعين ولا فلس يرد المكتب فلوسج كلها

[كركر]

يا اختي انا مجربة للحين 4 اندونيسيات كلهن مشتغلات كلهن علمتهم من الصفر ولا كأنهن مشتغلات وتعبت عليهن وفالاخر شهر ورجعينا المكتب
والله الحين عندي وحدة مشتغله 11 سنه استغفر الله الحين بتكمل شهر تستهبل كله ما تعرفه ًلا وقالت ما تعرف تطبخ بعد وقاعدة اعلم وافهم بهدلتني وكملت أسبوعين رجعوني انا تقطعت أيدي وتعبانة هلكانه شقة صغيرة ويهال 2 شغلهم علي والطبخ علي شو تبا احسن من شي تبغي تنظف وتغسل اي كلام بعد بس انا أراقبها وبشوفها والله خلااااااااص هلكت شو نسوي لو الحاجة ما يبناهن الحين الخدامات كلهن هالشكل متبطرات ويستهبلن ويستفزن الواحد

[حـلـ واقعي ـم]

عزيزتي المكتب لو تبين غصباً عنه يرد لج فلوسج دامها في فترة الضمان

بس اسأليها كم مشتغله ترا فالمكاتب يجذبون الاندونيسية اللي عندي مكتوب (٢السعودية/٢عمان/٢السعودية) وشرطت ان ما عندها خبرة فالبلاد .. يوم سألتها قالت سنتين فالسعودية وسنتين فالشارجة! وحتى اللي قبلها وتمت عندي وايد مكتوب ٤ سنوات خبرة ويوم يت طلعت ٢سنتين ومن ٤ سنوات (يعني قعدت فبلادها ٤ سنوات)