مرتاحه له

[almal3ka1]

ان شا الله شكلي برمسه عشان ننهي الموضوع

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Yazi.90]

الله يستر عليج وعلى بنات المسلمين اجمعين ،

[لحنْ #]

الله يستر عليج وعلى بنات المسلمين اجمعين ،

[almal3ka1]

امييييييييييييييين

[امال ق]

الفتاة مثل الثوب الأبيض، والبياض قليل الحمل للدنس.
هاذي سمعتك حبيبتي وسمعة اهلك
اساس العلاقة من وجهة نظري غلط كيف تتواصلين مع شباب انت بنفسك معترفة انو شيئ غلط فليش تستمرين فيه
هاذ العالم الافتراضي حتى اسمه يدل عليه عالم افتراضي مو واقعي
يسمح لنا بقول أو فعل ما لا تسمحه الأوساط التقليدية،دون خوف او حياء
واقامة علاقات قد تتوج بالزواج وهذا نادر بمجتمعاتنا ، وقد تتوج بعواقب وخيمة لا تحمد عقباها.
زي مافيه شباب فيه ذئاب لا يعرف فيه حقيقة الاشخاص والنوايا
ومثل هذه العلاقات فيها مخاطرة و مجازفة كبيرة
من كلامك قلتي انه عفوي وانجذبتي له وانه غير خبيث
طبعا راح ايكون بهاشكل حتى يجذبك بالكلام المعسول والتودد والكذب
احنا نعيش مع ناس ما نكشف خبثهم الا بعد سنين
ونت من غير ما تشوفيه ولا تعرفيه حكمتي انو مو خبيث
لانك بكل بساطة تحت تأثير مخدر التخيّلات والأوهام اللتي لا تمت الى الواقع والحقيقة بصلة
الرجل عندنا ليس كالغرب صعب وكثير الشكوك لا يحبّذ التعرّف على شريكة عمره، عبر مواقع التواصل الإجتماعي ولو اعلن ذلك جهاراً. لان العلاقة الزوجية سوف تشوبها حتماً الريبة والشك بإخلاص الشريكة، إذ انه سيخشى
ان تكون لها نفس العلاقات مع رجال اخرين قبله كما سيكون غير مطمئن لها و من
تكرّارها لهذه التجربة مع رجلٍ آخر،
حبيبتي هذا الحب رقمي ورقم من الارقام كما ظهرت ستزول
مهما قيل عن هذا الزواج وان حصل فأنا شخصيا لا اؤمن به

كحل وسط حتى تختبري نوايا هالشب
اطلبي منه انو يأتي البيوت من ابوبها ييجي يخطبك بلاول مدام انكم متفاهمين ومقتنعين ببعض صار الشكل ما يهم
وبعدين الاهل يسالوا عليه وبعدها النظرة الشرعية فانتو كل المراجل اجتزتوها
وهون راح تكتشفي صدق نواياه لما اطلعي العلاقة للنور شغل الظلام والخش مريب وايخوف
وراح تضربي عصفورين بحجر واحد تثبتي انك مو لعوبة وتقابلي اي حد المهم تتزوجي وخلاص
وتكتشفي مدى صدق الشاب وتمسكه بك
الشرف مو لعبة تخيلي ان اللي طلعلك واحد من عيلتك او معارفك كيف بيكون موقفك
ولا تستبعدي هالشيئ فالصدف تصدم احيانا والعالم صغير على كبره
فكل شيء ممكن
مش لانك مطلقة معناها ادوري على الزواج باي طريقة واسمحيلي على هلكلمة

والمؤمن لا يلدغ من الجحر مرتين
والله يرزقك الزوج الصالح
كلمة حق اقولها وهي راح تزعل الكثير
بالنسبة لي اللي تدخل هالمواقع

للتواصل مع الشباب كمن دخلت بيت دعارة
مع كل احترامي للجميع

بالنسبة لي اللي تدخل هالمواقع
للتواصل مع الشباب كمن دخلت بيت دعارة\

[ام قلبين انا]

انسيه حبيبتي
كلهم جي
حتى انتي اكيد يوم كلمتيه ماكنتي ع طبيعتج
اكيد غيرتي فيه شوي كذلك هو
لا تمين تحطين امل انج تلقين عريس من التلفونات
تبين عريس ومو اي عريس يكون رجل بمعنى انه يغار عليج ويحبج ومايشوف غيرج
الله
ادعي الله وثقي فيه ان راح يعطيج احسن الازواج انتي بس قول يالله توكلت عليك

[.Dream]

يعني حتى انه ماقالج مثلا بتقدملج او شي من هالقبيل يعني انج متعلقه بس بكلامه يوم قال باخذ وحده من اختياري! حتى ولو قالج كلهم يقولون جيه اخرتها ماتشوفين غير غبرته

عزيزتي انتي لج تجربه زواج يعني المفروض ماتنجرفين ورا هالسوالف وتكونين اكثر حذر والطلاق مب عذر انج تتعرفين بغرض الزواج

الشباب مب خسرانين شي يتعرفون ويتسلون لين يشبعون ويدورون وحده ثانيه وهلم جرى اتركيه عنج وادعي ربج يرزقج ويعوضج

[كشكوشة منفوشة]

انتي صدقتيييه كل الرياييل خرط ف خرط

[قلوب حلا]

قريت قصص وشفت كثير من الاهل والغرب دائما العلاقات المحرمه بدايتها جميله ونهايتها حزن استغفري وتركي هالدرب واقطعي عنه بدون نقاش قلبج عشان مايحن

[الجمال المسمى]

اختي لا تصدقي اي حد
بقولج قصة اختي ومب اي حد بعد اختي
للاسف تعرفت على واحد مثل حالتج
وعشمها بالحب نصحتها وايد
ضاعت من حياتها ست سنين وهي تركض وراه
للامانه هو يا وخطبها بس فجأه تغير
وطلع ريال اخر شي متزوج
للاسف اختي منهاره
الله يعينها هالعلاقات حرام
يا اختي لا تمشي بعواطفج حكمي عقلج
الله يهديج وان كان صادق الله يوفقج وياه ويسر اموركم

[مثل العسل انا]

الله يهديج تحريتج مراهقه طلعتي عندج تجربه و متزوجه و منفصله اثقلي حتى الريال الاوبن مايند مايحب بنت خفيفه وكيف اتصدقينه وانتي ماتعرفينه اللي يباج بيدق الباب

[almal3ka1]

صح كلامكم


استوت سالفه اليوم و نهى العلاقه روحه

[ميميه88]

بغلق لاكتفاء العضوه بالردود