مرتاحه له

[almal3ka1]

صباح الخير ..


شحالكم ؟


بكل صراحه تعرفت عواحد عالسناب جات و انجذبت له لاني احسه غير ما فيه خبث

تخيلو باول مكالمه خبرني عن حياته و اسلوبه كان عفوي جدا


طلب نتشاوف بالوقت اللي يناسبني

شو رايكم ؟

و هو قالي اياها بصريح العباره , انا يوم بعرس باخذ و حده انا اعرفها


انا عارفه اللي سويته غلط , بس مرتاحتله

انا مطلقه و عنا المطلقه ما تاخذ وحده من عايلتها لانهم يشوفونها نظره دونيه

شورو علي , احس اني متلخبطه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلآ نفسي]

لا تعليق الصراحه

[almal3ka1]

لا تعليق الصراحه

اشكرج

[ميانه بوظبي]

اعتبرج شرات اختي ..

الحرمة تنجذب او بالمعنى الصحيح ينقص عليها بسرعه .. لاتخلين الشيطان يلعب براسج وودري عنج هالسوالف اللي يباج بييج من الباب

وليش يشوفج بالاساس ؟؟ حلوة هاي انا باخذ وحدة اعرفها

99% من اللي كانو بعلاقه قبل الزواج ينتج منه انه الزواج يتم مع وجود الشك (لاتقولون لي لا مقارنة بالحالات اللي شفتها وصادفتها )

حبيبتي يبغيج يشرف من الباب غير جي اسمحيلي

[أم شهد86]

اعتبرج شرات اختي ..

الحرمة تنجذب او بالمعنى الصحيح ينقص عليها بسرعه .. لاتخلين الشيطان يلعب براسج وودري عنج هالسوالف اللي يباج بييج من الباب

وليش يشوفج بالاساس ؟؟ حلوة هاي انا باخذ وحدة اعرفها

99% من اللي كانو بعلاقه قبل الزواج ينتج منه انه الزواج يتم مع وجود الشك (لاتقولون لي لا مقارنة بالحالات اللي شفتها وصادفتها )

حبيبتي يبغيج يشرف من الباب غير جي اسمحيلي

انا مع اختي ميانه بوظبي

[أم محمد1988]

ياختي هذيل الشباب يتمسكنون لين ما يتمكنون ..

غلطتي لما كلمتيه ولا تعطينه فرصه انه يشوفج أبدا ..

واذا هو فعلا جاد خل يشرف من الباب .. عالأقل خطبه يتعرف فيها عليج أكثر واذا فيه نصيب بيستوي ان شاء الله

كيف يعني يبي يأخذ وحده يعرفها ؟!؟؟ يعني الحين هو بيشوفج وبيكلمج وبيتسلى وبعدين بيقرر اذا انتي المطلوبه أو لا !!!!!!!

نصيحه ياختي .. خلج قويه ولا تضعفين جدامه .. ولا ترخصين بعمرج .. اذا لج نصيييييب بييج لين البيت

والله يرزقج بالزوج الصالح

[ام لامية]

الفتاة مثل الثوب الأبيض، والبياض قليل الحمل للدنس.
هاذي سمعتك حبيبتي وسمعة اهلك
اساس العلاقة من وجهة نظري غلط كيف تتواصلين مع شباب انت بنفسك معترفة انو شيئ غلط فليش تستمرين فيه
هاذ العالم الافتراضي حتى اسمه يدل عليه عالم افتراضي مو واقعي
يسمح لنا بقول أو فعل ما لا تسمحه الأوساط التقليدية،دون خوف او حياء
واقامة علاقات قد تتوج بالزواج وهذا نادر بمجتمعاتنا ، وقد تتوج بعواقب وخيمة لا تحمد عقباها.
زي مافيه شباب فيه ذئاب لا يعرف فيه حقيقة الاشخاص والنوايا
ومثل هذه العلاقات فيها مخاطرة و مجازفة كبيرة
من كلامك قلتي انه عفوي وانجذبتي له وانه غير خبيث
طبعا راح ايكون بهاشكل حتى يجذبك بالكلام المعسول والتودد والكذب
احنا نعيش مع ناس ما نكشف خبثهم الا بعد سنين
ونت من غير ما تشوفيه ولا تعرفيه حكمتي انو مو خبيث
لانك بكل بساطة تحت تأثير مخدر التخيّلات والأوهام اللتي لا تمت الى الواقع والحقيقة بصلة
الرجل عندنا ليس كالغرب صعب وكثير الشكوك لا يحبّذ التعرّف على شريكة عمره، عبر مواقع التواصل الإجتماعي ولو اعلن ذلك جهاراً. لان العلاقة الزوجية سوف تشوبها حتماً الريبة والشك بإخلاص الشريكة، إذ انه سيخشى
ان تكون لها نفس العلاقات مع رجال اخرين قبله كما سيكون غير مطمئن لها و من
تكرّارها لهذه التجربة مع رجلٍ آخر،
حبيبتي هذا الحب رقمي ورقم من الارقام كما ظهرت ستزول
مهما قيل عن هذا الزواج وان حصل فأنا شخصيا لا اؤمن به

كحل وسط حتى تختبري نوايا هالشب
اطلبي منه انو يأتي البيوت من ابوبها ييجي يخطبك بلاول مدام انكم متفاهمين ومقتنعين ببعض صار الشكل ما يهم
وبعدين الاهل يسالوا عليه وبعدها النظرة الشرعية فانتو كل المراجل اجتزتوها
وهون راح تكتشفي صدق نواياه لما اطلعي العلاقة للنور شغل الظلام والخش مريب وايخوف
وراح تضربي عصفورين بحجر واحد تثبتي انك مو لعوبة وتقابلي اي حد المهم تتزوجي وخلاص
وتكتشفي مدى صدق الشاب وتمسكه بك
الشرف مو لعبة تخيلي ان اللي طلعلك واحد من عيلتك او معارفك كيف بيكون موقفك
ولا تستبعدي هالشيئ فالصدف تصدم احيانا والعالم صغير على كبره
فكل شيء ممكن
مش لانك مطلقة معناها ادوري على الزواج باي طريقة واسمحيلي على هلكلمة

والمؤمن لا يلدغ من الجحر مرتين
والله يرزقك الزوج الصالح
كلمة حق اقولها وهي راح تزعل الكثير
بالنسبة لي اللي تدخل هالمواقع

للتواصل مع الشباب كمن دخلت بيت دعارة
مع كل احترامي للجميع

[ام طحنوون]

السلام عليكم ورحمة الله وبركاته
وصباحج خيـــر


اوكي خلنا نقول طلعتي وياه......بتطلعين متغطيه متتنقبه وماتبين حد يشوفج؟؟ ولا عادي كاشفة ويهج ويالسة في كوفي عام؟

لاتخلين الرمسة تي عليج ....
ودايما اتبعي احساس قلبج
اذا خايفة ومترردة وحاسة في شي غلط .. يعني اللي تسوينه شي غلط

عادي ماشوف فيها مشكلة لو يا يتقدم لج رسمي .. تكون خطبة وكل شي رسمي وواضح .. بس لاتخبروون اي حد برع البيت بما انها مجرد خطبة ..
وتتفقون واييج البيت يشوفج و تتفاهمون ...ترمسون .. مارتحتيله .. مارتاح .. حسيت شكيتي ماقتنعتي فيه
او حسيتي بارتياح من ناحيته .. طبعا بوجود الاهل او امج مب روحكم..
ولاتنسون تسئلون عن الشخص بعد هالخطوة.. واحط تحت هالنصيحة مليووووون خط .. عالاقل مبدأيا تعرفين سمعة الريال بين الناس ..


اذا الله كتب نصيب اتفقوا على كتب الكتاب مع اعلان الخطبة رسميا للناس .. ^_^

بسطيها على نفسج ولا تدخلين في متاهاااات وحافظي على قلبج لين ياخذه اللي يستاهله ويصونه ..
خلج واضحة وصريحة في حياتج وفي علاقاتج لا تلفين واتدورين على قلبج وتقولين يمكن هو ويمكن هو

وكلنا مانظن سوء بهالشخص .. بس خليه يدق الباب ويشوفج بعلم اهلج .. اذا هو يخطط ويباج كـزوجة له..

والله يكتب لكم الخير كله

[ام طحنوون]

مرة سمعت ريلي يكلم ربيعه .. قال له قبل العرس شي .. ويوم بتي اتدور حرمــة و زوجة لك شي ثااااااني واختيارك مابيكون نفس البنات اللي تعرفهم احين .. وطبعا ربيعه يعرف بنات النت وتعرفون حركات الشباب العزابية

اترك التعليق والتفكير والتحليل لج

[دلع العاصمه]

انا بقولج شي وبكل صراحه لاااااااااااااا تقبلين انج تشوفينه ابدا ابدا ابدا و كل الريايل اللي بالعالم فالبدايه ما براويج خبثه! اي ريال سواء جدام حرمته خطيبته اي وحده و عقب بيطلع ع حقيقته اللي ما تعرفينها ! ابدا لا تنجذبين لعواطفج و الكلام اللي اقوله لج عن تجربه والله و النصيب بيج بيج لو مكتوب لج حتى لو كنتي فحجره و قافله ع عمرج الباب ..

[almal3ka1]

كلامكم صح


وحتى يوم ارمسه كاني مسمويه شي غلط مب مرتاحه حتى مودي متعكر

[قلبي بزي]

الفتاة مثل الثوب الأبيض، والبياض قليل الحمل للدنس.
هاذي سمعتك حبيبتي وسمعة اهلك
اساس العلاقة من وجهة نظري غلط كيف تتواصلين مع شباب انت بنفسك معترفة انو شيئ غلط فليش تستمرين فيه
هاذ العالم الافتراضي حتى اسمه يدل عليه عالم افتراضي مو واقعي
يسمح لنا بقول أو فعل ما لا تسمحه الأوساط التقليدية،دون خوف او حياء
واقامة علاقات قد تتوج بالزواج وهذا نادر بمجتمعاتنا ، وقد تتوج بعواقب وخيمة لا تحمد عقباها.
زي مافيه شباب فيه ذئاب لا يعرف فيه حقيقة الاشخاص والنوايا
ومثل هذه العلاقات فيها مخاطرة و مجازفة كبيرة
من كلامك قلتي انه عفوي وانجذبتي له وانه غير خبيث
طبعا راح ايكون بهاشكل حتى يجذبك بالكلام المعسول والتودد والكذب
احنا نعيش مع ناس ما نكشف خبثهم الا بعد سنين
ونت من غير ما تشوفيه ولا تعرفيه حكمتي انو مو خبيث
لانك بكل بساطة تحت تأثير مخدر التخيّلات والأوهام اللتي لا تمت الى الواقع والحقيقة بصلة
الرجل عندنا ليس كالغرب صعب وكثير الشكوك لا يحبّذ التعرّف على شريكة عمره، عبر مواقع التواصل الإجتماعي ولو اعلن ذلك جهاراً. لان العلاقة الزوجية سوف تشوبها حتماً الريبة والشك بإخلاص الشريكة، إذ انه سيخشى
ان تكون لها نفس العلاقات مع رجال اخرين قبله كما سيكون غير مطمئن لها و من
تكرّارها لهذه التجربة مع رجلٍ آخر،
حبيبتي هذا الحب رقمي ورقم من الارقام كما ظهرت ستزول
مهما قيل عن هذا الزواج وان حصل فأنا شخصيا لا اؤمن به

كحل وسط حتى تختبري نوايا هالشب
اطلبي منه انو يأتي البيوت من ابوبها ييجي يخطبك بلاول مدام انكم متفاهمين ومقتنعين ببعض صار الشكل ما يهم
وبعدين الاهل يسالوا عليه وبعدها النظرة الشرعية فانتو كل المراجل اجتزتوها
وهون راح تكتشفي صدق نواياه لما اطلعي العلاقة للنور شغل الظلام والخش مريب وايخوف
وراح تضربي عصفورين بحجر واحد تثبتي انك مو لعوبة وتقابلي اي حد المهم تتزوجي وخلاص
وتكتشفي مدى صدق الشاب وتمسكه بك
الشرف مو لعبة تخيلي ان اللي طلعلك واحد من عيلتك او معارفك كيف بيكون موقفك
ولا تستبعدي هالشيئ فالصدف تصدم احيانا والعالم صغير على كبره
فكل شيء ممكن
مش لانك مطلقة معناها ادوري على الزواج باي طريقة واسمحيلي على هلكلمة

والمؤمن لا يلدغ من الجحر مرتين
والله يرزقك الزوج الصالح
كلمة حق اقولها وهي راح تزعل الكثير
بالنسبة لي اللي تدخل هالمواقع

للتواصل مع الشباب كمن دخلت بيت دعارة
مع كل احترامي للجميع

[jumana]

شباب هاليومين كله على لسانهم يوم بناخذ بناخذ وحده نعرفها ....خييير لو يبا كان تقدم


ماقدر أقول غير الله يريح بالج ويرزقج ويعوضج بريال زين

[مالتيزرس]

غناتي لا تنجرفي ورا العاطفة ..انتي طلعتي من تجربة طلاق ..لاترخصين بعمرج بها السهولة ..فكري ألف مرة قبل لا تخطي هالخطوة


انتي عرفتي عنه متزوج وللا لا ؟؟
عنده عيال اولا ؟؟
عرف انج مطلقة؟؟
جاوبي بينج وبين نفسج هالأسئلة ..

وحبيبتي اللي يبا وحدة اييها من الباب مب نتقابل ونتشاوف وسوالف ..قوليله تباني عندك بيت اهلي ودق الباب ..هاي العوايد والتقاليد ..اما يجوفني ويسولف ومادري شو اجوفها مب حلوة فحقج ..وعادي لو حصل نصييب يعايرج بها الشي وتنعدم الثقة بينكم ويقعد معاير فيج صدقيني

وانتي شو ضمنج انه صادق معاج يوم تقولين خبرج عن كل حياته وعفوي؟؟ ترا نحن الحريم بسرعة ينقص علينا ومانصدق خبر ..شغلي عقلج شوي احسج بعدج صغير عمرج

ربي يوفقج ويكتب لج الخير..

[sa7el]

غلطانة أختي
مب شرط تاخذين من اهلج

اللي يباج صدق ،،صدقيني بيطلع بيتج وعنوانج وكل شي

واللي ما يباج بيتم يسولف

سكري الموضوع وابتعدي واستغفري،،، والله يرزقج الزوج الصالح بدون ما تضطرين تنزلين جيمتج لاي حد