من السمنة الى النحافة

**Machooy** · 2015-09-30, 15:32

السلام عليكم و رحمة الله وبركاته

اعرف ان وايد منكن كتبن عن موضوع السمنة و طرق التخلص من الوزن الزايد .. وفي منكن استفادن و نجحت معاهن الطرق التقليدية و غيرهن للاسف لا ..

موضوعي هب غير عن كل المواضيع المطروحة بس يمكن يكون بشكل ثااني ..

هني بحاول اجمع لكن عن المستشفيات و العيادات الي تقدم خدمات التنحيف من حيث النوع و مميزاتها و مضارها و اسعار الخدمات ..
باختصار كل التفاصيل .. و اتمنى منكن تتفاعلون معاي من حيث التجربة و و طرح الفائدة

و الله يوفقكن و يوفقني في تحقيق ما تتمنون

المزيد من آخر المواضيع من نفس القسم:

**عساك تبقى لي** · 2015-09-30, 16:49

فكره حلوه .. بالتوفيق. .
يزاج الله خير ع المجهود. .

**ليمار ماجد** · 2015-10-02, 01:23

فكره جديده
بالنسبه الي جربت ادويه كثيره من غير اي فائده بنزل 4 كيلو بزيد زيهم او اكثر

**reem.m** · 2015-10-03, 19:33

في جهاز يعمل بالتبريد موجود في مركز المدار حد جربه !!!

**Machooy** · 2015-10-03, 20:44

المشاركة الأصلية كتبت بواسطة عساك تبقى لي

فكره حلوه .. بالتوفيق. .
يزاج الله خير ع المجهود. .

مشكوره فديتج ..

العفو ^^

**Machooy** · 2015-10-03, 20:45

المشاركة الأصلية كتبت بواسطة ليمار ماجد

فكره جديده
بالنسبه الي جربت ادويه كثيره من غير اي فائده بنزل 4 كيلو بزيد زيهم او اكثر

العفو غلاي..

بس حبوبه لو تحطين اسماء الادوية الي خذتيهن عشان نستفيد يمكن تيب نتيجه مع غيرج ..

**Machooy** · 2015-10-03, 20:47

المشاركة الأصلية كتبت بواسطة reem.m

في جهاز يعمل بالتبريد موجود في مركز المدار حد جربه !!!

ثانكس عالمرور غلاي ..

الصراحه ما عندي خلفيه .. و نتريا تجااوب البنات ..

**Machooy** · 2015-10-04, 00:22

السلام عليكم

السموحه منكن بقله دخولي و التفاعل لاني سافرت ^^

اليوم ان شاء الله ببدا اكتب لكم قصتي مع سمنتي (خخخخخخخ) ..

طولي 165 ووزني 106 .. و الوزن المثالي 60 - 65

انا مشكلتي من النوع الي ما احب اتقيد و التزم في شي معين .. عشان جي ما فااد معاي النظام الغذائي .. و مشكلتي انا اعاني من السمنه الي بصعوبه افقدها و هذا الي عقد بي

بخصوص النظام الغذائي جربت نظام نيتروشن الي كان مدته 4 شهور ودفعت 7000 درهم و يسويلكم مسح شامل لجسمكم و يخبركم عن كتله جسكم من شو متكونه من ناحية السوائل + الدهون + العضلات..
وكم لازم المعدل الطبيعي يكون و كم معدلك حاليا ..

طبعا يوم اشتركت في نيتروشن كان وزني 90 و عطاني الدكتور جدول غذائي مدته اسبوع و بعدها اسير عندهم و يوزني و يشوف اذا شي تغير ولا لا و يغير لي الجدول .. الصراحه اول 3 اسابيع كنت ملتزمه و كنت انزل كل اسبوع 5KG و بعدين احسيت انهم يقصون علينا لاني ما حسيت بأي تغير الصراحه فوقفت .. وفي ناس نفع معاهم نظام نيتروشن وفي ناس لا ..

و بعدها ما خليت شي ما جربته من حبوب التخسيس : ناتشورال ماكس سليمنج و حبوب الصبار و بحاول احطلكم صورهم , و شراب التخسيس : شراب الزنجبيل و شراب القرفه و شراب ليمون + نعناع + برتقال و للاسف بلا نتيجه

و رحت عند اخصائية تغذيه في عيادة حكومية و خذت الطول و الوزن و كلمتني عن نوعيه الاكل الي اكله و معدل كم يوميا و عن معدل شربي للماي و عطتني جدول غدائي مع اني قلتلها اني ما احب اتقيد في شي معين ..
و سرت مركز VLCC و شرحولي عن برنااامج جلسة تنحيف الخصر والبطن بالثري دي الصراحه ما فهمت منه شي الي فهمته ان عندهم مساج تخسيس مناطق معينه و عندهم عده انواع من المساجات و هم سياستهم تشترك عندهم مده معينه و في هالمده لازم تنزل وزن معين عن طريق المساجات و الاشتراك كان 5KG لمدة 3 شهور ب 6700 , 15KG لمدة 5 شهور ب 15600 , 20KG لمدة 7 شهور اكيد فوق 15000 الصراحه ما سلئت عن السعر لاني غصيت من اسعارهم .. حسيت ان اسعارهم مبالغه وايد و يتم يقولك كل شي مضمون و اذا ما نزلتي الوزن المحدد بيعطونج شهر مادري شهرين فري الصراحه محد مدحهم ف طبيتهم ..

فقررت اني اسوي عملية ربط معدة او قص معدة ,,

فحجزت موعد في مركز BELLA ROMA MEDICAL CENTER في دبي مع الدكتور اندريه بخصوص شفط الدهون من اماكن معينه و حقنها بأماكن المراد تكبيرها بالدهون خبروني ان الاستشارة ب 450 و بعدها الدكتور بيحددلي جسميه شو يحتاج .. فقريت عن المركز و شفت اغلب مرضاه من الفنانات و البنات HIGH CLASS و تكلفة الشفط و الحقن من 15000 و طبعا على حسب جسمج .. و بعد الموعد بخبركم برأي
و خذت موعد من مركز ثاني عندهم نفس الموضوع بس للاسف ذاكرتيه خاينتني اليوم

بس اكيد بكتبلكم التفاصيل لاحقا ..

شكلي طولت عليكم

نلتقي لاحقا .. و بليز هلوا علي بمروركم اللطيف ولا تبخلون علينا بتجاربكم و قصصكم

**missuae3003** · 2015-10-04, 04:14

قص معده وانتو والخير رباعه 😅

**عساك تبقى لي** · 2015-10-04, 08:00

متابعه .. وبإنتظارج. .
مب اني اعاني من السمنه انا طولي 154.وزني 58. .وخاطري أوصل ال 50..بس ابدا مب قادره اتحكم فالأكل. .أما الرياضه الحمدالله أمارسها بشكل يومي من 30 لين 40 دقيقه..

**Machooy** · 2015-10-11, 20:58

السلام عليكم

شحاااالكن حبيباااتي ..

السموحه على قلت دخولي و مشاركااااتي .. بس كنت تعبانه بسبه عمليه جلع ضرس العقل و الحين الحمدلله

المهم انا اجلت موعدي مع الدكتور اندريه لاني في نفس اليوم سويت عمليه الضرس ف ما رحت .. المهم خذت موعد ع تاريخ 24/10 و حصلت مركز في ابوظبي اسمه DewDerm Aesthetics & Dermatology ربيعة اختيه جربت عندهم نفس النظام شفط+شد+حقن و مدحتهم ف قلت بجربهم و خذت موعد ع تاريخ 25/10 و بعد ما اخلص بخبركم بالنتااايج ..

اتريوووووووووني

**عساك تبقى لي** · 2015-10-12, 20:15

في انتظارج..

**دبوماسية** · 2015-10-16, 13:45

قصي معدة وارتاحي

انا قصيت معدتي وكان وزني 82 وطولي 158

والحين الحمدلله رب العالمين وصلت المثالي خلال 6 شهور

والا الدايت ما منه فايدة حرمان وما ينزل الا كيلو ومن اول عزيمة يزيد كيلوين

**reem.m** · 2015-10-16, 18:36

واللي وزنه زايد وأهله وزوجه ما يوافقون عالعمليه شو الحل ؟؟؟؟

حد جرب الكبسوله البالون ؟؟؟ أو البوتوكس للمعدة؟ ؟؟

**د.ساره الشرقاوى** · 2015-10-24, 09:19

عندي تفاصيل لحبوب الصبار ومنتجاتها

الموضوع: من السمنة الى النحافة

أدوات الموضوع

عرض

من السمنة الى النحافة

المزيد من آخر المواضيع من نفس القسم:

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

رد: من السمنة الى النحافة

المواضيع المتشابهه

مسابقة (وكُلُواْ وَاشْرَبُواْ وَلاَ تُسْرِفُواْ ) لعلاج السمنة و النحافة معاً

علاج السمنة - علاج النحافة فى يومان على الاكثر صور

أعاني من مشكلة النحافة وليس السمنة :(

الحوامل الدبدوبات سيرن منتدى علاج السمنة و النحافة الحين بسرعة

بنات صراحة انتو كله تعالجون السمنة ليش النحافة ما عندها رب