البنات اللي يلبسون العبي السادة دوم

[أم محمد1988]

مرحبا بنات ؟!؟! أشحالكم ؟!؟!

ودي نتكلم ونتناقش بخصوص البنات اللي يلبسون العبايات الساده بدون ديزاينات ولا ألوان ولا أي شي ..،.،

ليش البنات لما يشوفون هالنوع يحطون على البنت اللي لابسه العبايه الساده انها مش متطوره ؟؟! وأنها ما تعرف تلبس ؟!؟! وأنها معقده وووو ؟؟؟!

يعني التطور ما راح يبين الا اذا لبست وكشخت جدام الناس؟!؟!
بالعكس نحن دينا يحثنا على الاحتشام وعدم التزين عند الخروج من البيت .. يعني أكيد البنت وهي طالعه سواء رايحه أي مكان ممكن يشوفها رجل وهي داخله أو نازله أو حتى طالعه من المناسبه ..

أنا ابغي أعرف شو نظرتكم للبنات اللي يلبسون العبي الساده دووم و فكل المناسبات ؟!؟! هل تشوفون هالشي صح ولا غلط ؟؟! وشو انطباعكم عنهم ؟!؟!

وبخصوص لَبْس المخور هل تشوفون انه لَبْس المخور الحين فالعزايم استوى فضيحه الوحده تلبسه ؟!؟!
وشو نظرتكم للبنت اذا رحتوا عزيمه وشفتوها لابسه مخور ؟!؟!


الموضوع للنقاش حبايبي .. وأتحفونا بآرائكم

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

[سحر الغموض]

بالنسبة للاحتشام ماله علاقه بالتطور ابدا ،،يعني اطورنا قمنا نتفصخ !! بس في ناس فاهمين الفاشن غلط انها لازم تظهر زينتها للناس عشان والله يقولون شوفوها عالموضه ولا بعد اذا معدله شعرها تفر الشيلة وهالشي لاحظته فبنات الجامعة

بس فالعزايم وتجمعات الحريم مثلن ما اشوف في مانع انه الحرمة تظهر زينتها ،،سواء مخورة او غيره المهم شكلها يكون مرتب بس ما تبالغ فالبساطة يعني حلو بعد الوحدة تواكب العصر وتلبس شي انيق و محتشم ،،الحين في مصممات اماراتيات يسون جلابيات محتشمه وعالموضه وشغل راقي مب شرط تلبسين مخورة كل يوم وفي عبي عليهم شغل بسيط وتكون مفتوحه بعد حلوة للزيارات.

الزبدة انه لكل وقت ومكان لبسه ،،وحلو التجديد ومواكبة العصر مب عيب بس بدون ما تتخلين عن القيم والعادات الي تربيتي عليها

[احلى بعفويتي]

العباه السوده موب عيب احس العيب الي هي عبي الزوالي الي قاموا البنات يلبسونها في الاماكن العامه .. مره وحده تتفاجئين بجيش من البنات كلهم لابسين عبي بيضا ومطرزه ومفتوحه من فوق لين تحت وتحتا دريس استريج .. ها العيب و الانحدار موب العباه السوده الساتره الي تلبسها الحرمه الحشيمه صراحه
بس في العزايم و الجذرينج النسائي ما احب العبايه السوده و الخاليه لان تجمع نسائي و الزينه امام النساء محلله حتى لو بست عباه ملونه بس هي رايحه تجمع نسائي او تي بارتي او بابيبي شاور او عرس او تين بارتي موب شكله لان العنصر نسائي اكيد يعني ..

المخوره انا ما البسها موليه هههههههه لان بابا يوم كنت صغيرا كانت يتمصخر علي اونه يسميني سلمى امج تترياج عند البير ههههههههههه وانا كنت اصيح من هالشي وعلق بالي اني موب حلوه بالمخوره ولين اليوم ما ارتاح بالمخور مع ان خاطري اخور والبس خاصه في تجمعات الصغيره او يوم جمعه .. بس مال البس لان فيني عقده خخخخخخخخخخخ ..
بس في يلسات حلوه المخوره فيها ..
وفي مناسبات في سن معين بعد ماتنفعلهم الا المخورات مثل الامهات الكبار و اليداد وجي هايله لبسهم مخور دووم
بس انا اذا جفت وحده لابسه مخوره بعيد ميلاد اكيد بستغرب لان اليلسه ابدا موب بيتوتيه او تجمع نسائي عادي
بس اذا سرت تسيوره او رحت اقيل في بيت حد اكيد لو جفت المخوره بيكون شي عادي او محبذ يعني

[Shaima Ali]

هالحالات انتشرت اختي ام محمد في الاواني الاخيرة موب بس في العبايات بس في طريقة اللبس بشكل عام
فاصبحت الفتاه مستنسخة بسبب تقليدها الاعمى فاصبحن الفتيات متشابهات مستنسخات لا تستطيعين التمييز بينهن فجميعهن يلبسون نفس اللبس، نفس المكياج، نفس الاكسسوار، وايضا نفس طريقة الكلام وياكلون نفس الاكل ففقدت الفتاة هويتها الداخلية، انا لست ضد اتباع الموضة بالعكس بس في طريقة اختيار الموضة التي تناسب شخصيتي وهويتي الداخلية
لكن للاسف الاتباع الخاطئ من البعض يجعل الفتاة تصل بعدها الى مرحلة الضياع بسبب فقدانها لذاتها فتبتعد عن ربها وتنلهي بمغريات الحياة وتبتعد عن ذاتها فتنسى من هي ولماذا هي في هذه الدنيا و ماهو هدفها في الحياة

اسأل الله ان يهدي جميع بناتنا وبنات المسلمين

[Fa.R]

هالحالات انتشرت اختي ام محمد في الاواني الاخيرة موب بس في العبايات بس في طريقة اللبس بشكل عام
فاصبحت الفتاه مستنسخة بسبب تقليدها الاعمى فاصبحن الفتيات متشابهات مستنسخات لا تستطيعين التمييز بينهن فجميعهن يلبسون نفس اللبس، نفس المكياج، نفس الاكسسوار، وايضا نفس طريقة الكلام وياكلون نفس الاكل ففقدت الفتاة هويتها الداخلية، انا لست ضد اتباع الموضة بالعكس بس في طريقة اختيار الموضة التي تناسب شخصيتي وهويتي الداخلية
لكن للاسف الاتباع الخاطئ من البعض يجعل الفتاة تصل بعدها الى مرحلة الضياع بسبب فقدانها لذاتها فتبتعد عن ربها وتنلهي بمغريات الحياة وتبتعد عن ذاتها فتنسى من هي ولماذا هي في هذه الدنيا و ماهو هدفها في الحياة

اسأل الله ان يهدي جميع بناتنا وبنات المسلمين

عيبني ردج ، القناعة والاختيارات اللي تناسب شخصيتي أهم عن أني أقلد
وحدة بعباتها ولا ستايلها

[همي اخرتي]

السلام عليكم ورحمة الله وبركاته

انا البس عبي سادة اذا في شي بسيط على الاكمام بس, لان الهدف الحشمة والستر..
وما حصل لي مثل هالموقف
لكن اذا حصل ومرت وحدة وسخرت او طالعت بنظرة. انا ما احسسها اصلا انها موجودة او طالعتني
يعني اذا عباتي مب حلوة.. الستاير الي بدينا نشوفها هي الحلوة ؟!
التطور في العقول مب في اللبس ..اوامر ديننا ما نغيره لو عشان اي تطور.. و بيكون مش تطور اصلا .. لازم نسميه تخلف
اي شي يظهر الحين ويخالف ديننا .. هو التخلف بعينه
والله يهدي الجميع
ومشكورة ام محمد عالموضوع

[almal3ka1]

البس العبي الساده للدوام

بكل صراحه العبي الثانيه يبالها ميزانيه


فالبس العبي الملونه و اللي فيه حشره لو بضهر مع ربيعاتي او تجمعات نسائيه او عرس و جي


احس عادي الوحده تلبس اللي تباه بس اهم شي يناسبها

[ليندااااا]

اهم شي تكون العباية فيها حشمة
يعني مسكرة مب مفتوحة وما تفصل شكل الجسم ولا تكون شفافة مثل بعض الانواع من قماش العبايات وتغطي المعاصم والشيلة ما تكشف الراس👍🏻👍🏻👍🏻
اما بالنسبة للعبايات الي فيها الوان وديزاينات باشكال مختلفة احسها للمناسبات
مب لمكان العمل او الجامعة
لكن بعض البنات الصغار مثلا في سن المراهقة يحبون العبايات الي يدخلها الديزاينات الجديدة ما في مشكلة اذا كانت العباية فيها حشمة - من وجهة نظري - ممكن بالتدريج تخلي بنتج او اختج تغير للعباية السادة
وانا الحمد لله الحين كل عباياتي سادة لكن قبل كنت البس عبايات بالوان
ولكن في النهاية في شي اسمه حرية شخصية
والتزام ديني

[همس البحوور]

أساسا الألوان والبهرجة اللي نشوفها في العبي صارت أكثر جلبا للفتنة وقام الرجل يطالع الألوان الجذابة في العبي والوجوه والنعول أكرمكم الله فصرنا أقرب للفتن من الرجوع والعودة للدين فليش نلبس أسود حتى يكون شكلنا عادي وغير ملفت وبالتالي ماسببنا فتنة لرجلأما في مناسبات الحريم وعزايمهم عادي نلبس الملون والمطرز والجميل والمكياج الحلو طبعا لكن نكون فحدود الدين بدون كشف للعورات حتى مع النساء

[أم محمد1988]

صح كلامكم في تجمعات الحريم طبعا مافي مانع الوحده تكشخ وتظهر زينتها بس أنا حددت المخوره لأنه استوالي موقف كانت عندنا مناسبه عشا للأهل و ربيعتي سألتني شو بتلبسين قلت لها بلبس مخوره ... قالتلي اونه فضيحه ومحد الحين يلبس مخور ف العزايم ... عسب جذه طرحت هالسؤال عليكم ..!!

وبخصوص العبايه الساده أنا أشوفها أستر للحرمه وين ما راحت .. واذا قلنا فالعروس عادي الوحده تلبس العبايات المزركشه الملونه انزين وهي داخله وطالعه من القاعه كله رياييل عدال القاعه .. ف بتلفت الأنظار وماظن البنات اييبون معاهم عبايتين علشان يبدلونها قبل ما يركبون السياره ..

أحترم آرائكم كلكم .. وأنا أشوف انه العبايه الساده أفضل .. ومن المؤيدين وبشدة للعبايات الساده في كل مكان ..

مشكورين خواتي على مشاركتكم وتعليقاتكم .. ويعطيكم العافيه

[Ward-uae]

يمكن لانها غالية عليهم يمكن بالسعر او بالستر
حتى من افصل عباه سادة راعي المحل ينبه علي انها غاليه يمكن لانه محد يفصل او كواليتي العبي الساده وخاماتها نوعية ممتازة
اللي تبي الستر بتحصله والعكس بعد قبل فتره وصلني فيديو
العيب مب في المخور عيل وحده ما شاء الله مربربه ولابسه فوق الركبه في العرس والعياييز متلومات وكل وحده تطالع الثانيه لين يات ام الولد تبي ترقع طلعت حرمة ولدها

[Ward-uae]

هذا الفيديو اللي وصلني
http://safeshare.tv/w/LHEtFkqzOI

[لحنْ #]

عن نفسي البس الساده باغلب طلعاتي ، نادرآ مالبس شي عليه الوان او زخرفه او اي شي
مب لاني ضد ، سبق وتناقشت بهالشي وبينت ان ماشوفه شي غلط
لكن عباياتي الساده تعيبني اكثر ، احسها احلى فقط
لكن لو شي عبايه عليها جم لون جي او زخرفه بسيطه عايبتني وايد ف عادي بستخدمها بعد باغلب طلعاتي
للمناسبات بعد مالبس شي اوفر ، لان بالنهايه بشلها بالمناسبه ^^ .. ف اهتم اكثر ب لبسي اللي ورا العبايه مب العبايه
اما بخصوص نظرتي للبنت اللي تلبس ساده ،
ساده عن ساده تفرق ، ف شي ساده لكن تحسين ان حلو .. يعني مثلا عندي عبايه ساده " ساده تماما "
لكن يوم اتمشى ف السوق كله يطالعني ! ، لان قصتها حلوه " مب ضيقه مول " ، وقماشها يبته من برا
لكن ف عبايات ساده يوم اطالعها عالبنت احس باحراج شخصيآ ! لان تحسين قماشها جي قديم ومب مكوي وواسعه بزياده وو
ف هاي اللي ماتعيبني واحس انها ماتعرف تلبس ، لكن ساده بطريقه حلوه ماشوف فيها شي ^^

[غلآ نفسي]

عن نفسي البس الساده باغلب طلعاتي ، نادرآ مالبس شي عليه الوان او زخرفه او اي شي
مب لاني ضد ، سبق وتناقشت بهالشي وبينت ان ماشوفه شي غلط
لكن عباياتي الساده تعيبني اكثر ، احسها احلى فقط
لكن لو شي عبايه عليها جم لون جي او زخرفه بسيطه عايبتني وايد ف عادي بستخدمها بعد باغلب طلعاتي
للمناسبات بعد مالبس شي اوفر ، لان بالنهايه بشلها بالمناسبه ^^ .. ف اهتم اكثر ب لبسي اللي ورا العبايه مب العبايه
اما بخصوص نظرتي للبنت اللي تلبس ساده ،
ساده عن ساده تفرق ، ف شي ساده لكن تحسين ان حلو .. يعني مثلا عندي عبايه ساده " ساده تماما "
لكن يوم اتمشى ف السوق كله يطالعني ! ، لان قصتها حلوه " مب ضيقه مول " ، وقماشها يبته من برا
لكن ف عبايات ساده يوم اطالعها عالبنت احس باحراج شخصيآ ! لان تحسين قماشها جي قديم ومب مكوي وواسعه بزياده وو
ف هاي اللي ماتعيبني واحس انها ماتعرف تلبس ، لكن ساده بطريقه حلوه ماشوف فيها شي ^^

نحن هاللي ما نباه اختي

ما نبا حد فالمول يلتفت لنا

هالشي غلط اختي

ساده وملفته غلط اختي

الله يهدينا يا رب ويعينا نحن الحريم فتنه بالنسبه للريال

والريال ما عنده مشكله يفصفص ويطالع مب خسران شي

ترا لا انتي اخته ولا امه ولا حرمته ف مب خسران شي

بالتوفيق

[اشراقة أمل]

هههههههه انا عن نفسي ماحب ادخل الوان .. مره وحده بس دخلت .. فصلت عباية مسكره لها قبه مثل القميص ... دخلت قماش بني بربري على القبه والاكمام كانه مريول مدرسه خخخخخخخخخخخ بس متطور ومسكر ... حبيتها ... كنت وقتها كثير ضعيفه الحين لا...

حاولت البس ملون شوي مثل لون رمادي او بيج .. مب حلو علي!

اخر شي ... خلاص افضل عاباااااااه ساااااده بس الاكمام تكون مرات عليها زخرفه سوده! او قماش بس مب عريضه

كانه يبانيه! لا ........ بس


اللبس التقليدي حلو ..مااتصور موضته بتروح مخاور دقه صروال ... كل ماشي بس ممكن تدخلي لمسات عصريه ...

الحين البنات في الاعراس .. يفكرن عمارهن في حفلة الاميره سندريلا والامير هاري يبي يختار منهم ... لابسات فساتين قصير والظهر بره والصدر بره

حق من بيشوف!!!! ربيعاتك .......... اهاااااا


بس المراهقات يقلدن كثيييييييير ... الفنانات والوفدات في لبس ... فعادي يلبسن عبايه مزخرفه والشيله يحطنها شباصه!

عشان العقليه صغيره ... يقلدن الربيعات والموضوع ... والحين الاسواق والمولات في كل مكان ....

يفكرن لو لبسن مثل فئه معينه ... بيعيشن حياتهن وجي ........

بس مب الكل حسب المراهقه وهلها وعقليتها ...بس الصغير والمراهق مب عليه لووووووووووم وايد!

بس المشكله لو استمر ! هنا الداء الذي لا دواء له .... الا الصرامه من الاهل