سياره ولدي

[غلا كلباء]

مرحبا شحالكم ممكن حد يفيدني يوم أسوِّق ولدي يتم يصيح شو أسوي أحط له ايباد وطيور الجنه وألعاب الي عانت مثلي تقول شو سوت 😰

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم محمد1988]

ماظن فيه حل .. عندي بنت نفس الشي من اركب السياره تصيييييح وما تسكت لين أشلها ..

الحل لازم يكون فيه حد وياج وانت تسوقين علشان يمسك ولدج وما يصيح ..

[شيماء الهاجر]

الغالية كيف تسوقين والولد يصيح...ما يخليج تركز ين. .انا هلكت ويا عيالي في السواقة..كنت احط كرسي اطفال وأحطها الحزام..مرات بنتي كانت تصيح لين ما تسكت بروحها..لا تجازفين.شوفي حد يمسكه عنج...الله يكون بعونج

[غلآ نفسي]

اتصدقون هاليومين افكر ف هالموضوع

كيف الحرمه تسوق وولدها ع الكرسي الخلفي يصيح

انا ماروم اركز جي

لازم حد وياج فالسياره اختي

احس صعبه اذا يصيح وما يسكت

[ليندااااا]

الله يكون بعونج اختي
بس احسها صعبة تركزين بالسواقه والولد يصيحمن غير شر يصير شي من قلة التركيز

بس احس بعض اليهال ينامون وقت السواقة خاصة الصغارية

[آآآه]

انا عندي عيالي يضاربون
واصارخ عليهم ومرات ابركن
واضربهم ههههههههه


الله يهديهم

[مس.مريوم]

حبيبتي انتي قبل لا تركبين السياره شبعيه و بدلي الحفاظه و يلسيه عالكرسي حقه و ثبتي الحزام و لاتعبربنه يوم بيصيح وخلج مركزه فالسوافه ولاتنرفزين من صياحه لانه البيبي يحب يلفت الام بالصياح وينفذ الي يبيه و مع الايام بيتعود انه الصياح مابيفيده فشي شو ما كان عمره

[mrs.abk]

مرة وحدة سوتها بنتي وزعجت عليها زعجة تمت تتنشق ع الكرسي ..

أنا بشكارتي تقبضهم أو حد من خواتي أو أمي .. المتوفر ذيج الساعة

[Ward-uae]

كم عمر ولدج ؟
عندي ولد عمره اربع شهور هذا ارضعه واغير له قبل لا اركب السيارة ومن احطه يرقد واذا قام اخبر اخته تعطيه لعبه او عضاضه
ولدي بعمر السنة وشوي خلاص تعود على اليلسه أعطيه ايباد واذا مل او قعد يصارخ اسولف واياهم شوف جمل شوف عصفور يسكت واذا بعد تم يبكي ببركن على طرف السيارة بفتح له شيبس بس من النوع الناعم عن يغص واحط له دبة ايفيان اللي شرات المرضعه يفتحها ويشرب
وولدي اللي عمره قريب بيكمل ثلاث سنين الله يحفظه هادي يلعب بالايباد او يطالع
بنتي اربع سنين بعد الله يحفظها
فإذا هو صغير تقدرين تعوديه لكن اذا كبير صعب شوي لكن تقدرين اهم شي انه راح الحمام وخلاص شبعان فإذا بكى او تم يصارخ طنشيه لكن اذا انتي من النوع اللي يتوتر فيبالج احد يساعدج