وبعدين ويااه

**ريم العسووله** · 2015-10-01, 08:06

الله يعينج اختي العزيزة و ييسر امورج ...

بصراحة اللوم علی خواته ... حتی لو كانوا صغار المفروض يحترمون خصوصيتج و يعطونج مساحتج مع ريلج ... يعني صج مافي احساس بعض الخوات الله يهداهم ... المفروض هم الي يرفضون يطلعون معاكم في كل طلعة ... هم الي يشجعون اخوج علی احترام خصوصيتج ... هم الي يعطونكم مساحتكم ... حتی لو كانت اعمارهم 15 و 16 مب صغار و يفهمون ... او حد كبير من اهل ريلج يفهمهم ...

كلامي لكل اخت لاصقة 24 ساعة في اخوها المتزوج ... تتخيل نفسها في بيت زوجها و خواته لاصقات فيه 24 ساعة !!!
شو راح يكون شعورج !؟
حب لاخيك ما تحبه لنفسك ... حسوا يا ناس في غيركم شوي !!
الله يهدينا و يهديكم ...

المزيد من آخر المواضيع من نفس القسم:

**mrs.abk** · 2015-10-01, 14:02

انزين شو رايج اللي موب بس خواته .. لا فديتج ربيعات خواته !!! وبنات خواته .!!!

بنت اخته عمرها 16 ومعاها بنت عم من نفس العمر .. من صغرهم مع بعض ,. شو رايج يشلهم في الطلعات معانا !! وأنا أرمس وينرد علي حرام محد يطلعهم!

ومافيه اجازة ولا اجازة تخيلي طلعنا مع بعض .. لازم احنا والكتيبة .. اي حد عادي لو عيال الجيران لو اخواني اي حد

مع الوقت عرفت انه طبعه يحس بالوحدة لو معاي انا بس ,. تمر شهوووور ما اركب سيارته ويوم اركبها معاي اعضاء الحزب الوطني

اروح وارد بسيارتي واقزر الدنيا

ما بضارب على شيء ما يأثر على حياتي الزوجية .. أقول بيي يوم وبتنتهي هالامور .. الصغير بيكبر والأعزب بيعرس والجاهل بيعقل

اختي .. السعادة تتسع للجميع .. خذي حصتج منها وخليه يعطي اللي يبا .. باجر االدنيا بتعلمه وبيرجع بروحه .. انتو توكم سنتين مع الوقت بتتغير الامور

**um.khulood** · 2015-10-01, 17:12

الصبر ثم الصبر ثم الصبر
ثم
الفرج

اصبري يالغاليه واحسني له
بااسلوبج والمعامله الزينه بيتغير شوي شوي .
ادري انه مب حلوة يطلعون وياكم بس هو يمكن يستحي لاطلعج بروحج وهدهم

سوي حركه اونه انتي اعزميه وطلعو بروحكم وشوي شوي بيتعود بس أبد لاتحسسينه إنج تضايقين من وجودهم معاكم . ينقلب هالشيء ضد

**Ward-uae** · 2015-10-01, 17:26

سالفة فلوسه ومصاريفه وطلعاتهم خليه لا تناشبيه
لكن اذا مقصر وياج في الفلوس والطلعات تقدرين ترمسيه بهدوء
مثلا تبين تطلعين طلعه رومانسية قوليله مب حلوه في حقهم جيه تخليهم يفكرون بالريل راعى مشاعرهم
تبين شي معين اطلبيه لكن مب لدرجه العناد واذا اشترى لاهله ما فيها شي باجر ان شاء الله بيكون عندج بيت بتفرشينه بنفسج هذي فترة والخوات يكبرون وبيشتغلون وبيعرسون وبيذكرون أخوهم واذا احتجتيهم في يوم بيفزعوج
لو اخبرج حميتي الله يحفظها هي اللي تسهر علي في المستشفى وتحاتيني ومرة قالتلي غلاج من غلا بنتي

الموضوع: وبعدين ويااه

أدوات الموضوع

عرض

العرض المتطور

رد: وبعدين ويااه

المزيد من آخر المواضيع من نفس القسم:

رد: وبعدين ويااه

رد: وبعدين ويااه

رد: وبعدين ويااه

المواضيع المتشابهه

نقص الكرويستروول والحل ويااه!!!!

الواااتس اب ~> شو الحل ويااه =[

شو لين العظاام .. وشو الحل ويااه ؟..

تكمل حياتها ويااه

بقولكم شو صار لي عقب ما طلعت ويااه ..