تحريض الولاده

[جوووري89]

السلام عليكم جميعاا ..
انا الحين فالشهر التاسع الحمد الله ....بس الله لا يراويكم كيف نفسيتي تعبااانه ..خلاص حاسه بثجل مب طبيعي مب قادره امشي ولا ايلس ولا ارقد ..
ومن دخلت شهري وانا امشي كل يوم مره عالبحر ومره صوب الفريج .. واشرب زعتر واكل رطب اعرف يوم الله بيريد بربي بس اللي عندها خبره بشي يحرض الولاده لا تبخل علينا .. لاني صدق تعبانه والله
وشو رايكم بزيت الخروووع انا فيني الم خفيف ويروح ويختفي فجأه ..

اتريا ردودكم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام عبييد]

لالا زيت الخروع لاتفكرين اناناس ورطب والمشي اذا ف بيتكم درج تمي صعدي ونزلي يقولج الحوض يتحرك وينزل الراس فالحوض ويسهل الولاده

[الــــدبـــــه]

لاتفكرين تشربين شي يسهل بطنج
زيت الخروع اذا شربتيه ابشري انج بتباتين عند باب الحمام الله يعزج هههههههه
بس هو احسن عن الحلول بمليون مره في حال حبيتي اجربينه
لانه مايسوي عقصه فالبطن ولا يقرحج في هذاك المكان ( اتكلم بكل شفافيه سامحوني ههههه )

عليج بالرطب الغاليه والمشي وتشربين اشياء دافيه مثل الزعتر والزنجبيل والقرفه وجي يعني
مانصح بالدري لأنه يكسر الركب ويتعبهن عن تجربه

[ام عبييد]

المفروض يوم تتعبين توقفين انا فالمستشفى قالولي حتى فحملي الاول الدكتوره قالتلي فالمستشفى امشي ع الدرج قبل الولاده وتسهلت ولادتي الحمدالله اهم شي من اتعب اوقف المسهلات بعد تسرع الولاده الكيوي والبطيخ وشي تمارين القرفصاء والبالونه بس ماجربتها هه

[المعآني]

تحملي التحريض الغلا الرحم بعده مب متهيء دام ما كملتي شهرج صبرتي 8 شهور يت ع آخر شهر .. انا سرت ع آخر يوم في التاسع وحرضتلي الدكتورة وياني الويع بالليل فلا تسوين شي دون استشارة الدكتورة ..
التحريض بالخروع بيبب لج الويع والرحم مابيستجيب لأنه مب وقته وممكن بعيد الشر ينزلج الماي بدون ويع .. انتي كل اللى عليج تاكلين تمر عجوة يوميا ب يقويج انتي والجنين للولادة واقري اية الكرسي ع بطنج واستودعيه الله واسمعي القرآن زين لج وللجنين .. انا واصلت 3 أيام دون رقاد نهائيا وما فكرت بهالسوالف خفت على اللى ببطني كله بأجره فديتج صبري روحج وربي يرزقج العافية وضنى كامل الخلق والخلقة ويكون جميل يارب ♡♡

[غلآ نفسي]

لو شو ماسويتي الجنين يطلع ف وقته

تمشين .. تركضين .. قاعده 24 ساعه .. واقفه

لو شو

بيطلع ف وقته سبحان الله


لا تفكرين وايد وقولي ( لا اله الا انت سبحانك اني كنت من الظالمين )

بتتيسر امورج

بالتوفيق والله يسهل عليج

[ام عبييد]

المفروض من اول يوم فالتاسع نسوي جدول تمارين ونظام اكل اشيا تسهل الولاده مب تحريض للطلق نحن مشكلتنا بس نفكر كيف نسرع المفروض يكون كيف تتسهل الولاده يعني سورة مريم يوميا المشي الرطب الماي يعني لو تروحين المستشفيات وقت الولاده معظم الحريم يصارخون مايسون شي لانهم ماهتمون ب هالاشيا يعني مواقف وايد شفت الصراحه نصعب الموضوع الاجانب عندهم لازم يروحون حصص تمارين ويتثقفون عن الولاده نحن تتريا وقت الولاده وبس انا يعني مقرره ان شاءالله من اول يوم فالتاسع ببدى مشي لو عشر دقايق والتمر والتمارين كل يوم ازيد عددها عسب تتسهل ولادتي يعني شفت فيديوهات يقولون عنق الرحم يكون متصلب بالتمارين والمشي والتمر يرتخي وتتسهل الولاده يعني ع تعب الحمل الولاده هم

[جوووري89]

ثاانكس لكل اللي رد علي
والله كلامكم يريح شووووي .. حبايبي والله بتوكل على الله وانا اصلا امشي كل يوم واشرب زعتر واكل رطب بتم على هالحال لين الله يكتب لي اولد >> دعواتكم

[مالتيزرس]

مالج حاية أبد فالخروع ..بتميين تتحيسين من بطنج ع الفاضي ولا بيسوي لج شي غير اسهال وويع ..تمي اذكري اذكار تسهيل الولادة دبر كل صلاة ..ويوم ربج بيكتب ينزل ترا راح ينزل لاتستعيلين ع عمرج ..الله يسهل عليج ..
بخبرج تجربتي من اسبوع ولدت ..حسيت فألم قبل الولادة من اول التاسع وافرازات وكل يوم أقول بربي وبربي ..تميت ع هالحال ..وقبل الولادة بيومين ما ارقد يمكن برقد ساعتين وبقوم واسهال عزج الله طول الليل ..وباليوم اللي بولد فيه نزل لي السداة فشكيت بعمري ..وركبت السيارة وخليت ريليي يفر فيني كمن فرة ..وعقب العصر انجب الماي وتميت فالبيت ساعتين مع ويع وعقب سرت المستشفى قالوا لي بس 2 سم متبطل والله بغيت اصيح وعقب طلعت وتميت امشي عشر دقايق وماقدرت اكمل وانسدحت ع السرير ويزيد الماي ويزيد الويع وعقب النيرس يت وحرضت الرحم بصبعها والحمدلله شوي شوي تبطل وولدت باحلى بنوته..

[شيطونة]

الله يسهل على كل حامل ولادتها ويقومها مع طفلها بالسلامة
معروف أن من أحسن محفزات الولادة هي المعاشرة الزوجية

[فطامه]

ستغفرالله العظيم
بتكون الولادة في يوم وساعة ربج كتبنها ماشي بيقدمها ولا بيأخرها شو ماسويتي

هذاك اليوم تقولي الدكتورة ممكن شرب اي شي عشان تحريض الولادة انتي مافيج ولادة يتعب قلب الياهل وانتي ماتدرين وتنتهي القصه ياولادة قيصريه يا عوذبالله الياهل بصير فيه شي

الله يسهل عليج وعلى كل وحده ولادتها قريب ان شاءالله

[احلى بعفويتي]

صدق لازم من زمان تمشين موب من اول التاسع
احينا خلج على المشي و الشرب الجرفه و الزعتر و الزنجبيل
ممكن تسوين دله فيها هالخليط يمكن المركز ينفع

[أم جود و لين]

وقت الي الله يشاء يطلع البيبي بيطلع لا تلعبين بنفسج
أنا بولادتي كنت أهتم بتغذيتي من أول الشهور و بديت تمارين بأستشارة
الطبيبة و على اخر شهر صرت يوميآ أمشي بمقدار الي أقدر عليه
مرة 10 دقايق و مرة ربع ماشربت لا خروع ولا غيرها كنت أخاف من
هذي السوالف بس كنت أعتمدمشي و تمر و مي زمزم و سورة مريم
و بعض الأدعية و الحمدلله رحت المستشفى بعد ألام 6 أيام و كان مفتوح 5
و جبت بنوتتي الله يخليها لي ويرزقني برها
فقط عليج بسورة مريم و اضافة لمشي خفيف لا تجهدين عمرج
و تمر بس أنتبهي تكثرين و يرتفع السكر و ماي زمزم