يهمني رايكم كلكم

[arwaruru]

السلام عليكم اخواتي
ابا اخبرك سالفتي انا بنيه عمري 20 وعندي حساب انستقرام وانزل صوري فيه وعادي يعني وطرشلي ريال بالدايركت انه معجب يبا يتعرف وانا مول مالي بهالسوالف يعني ماعمري حبيت ولا حتى افكر بالموضوع بس انا احب استهبل عليهم يعني مااصدق ولا كلمه واعرف كلهم جذابين انزين تكلمنا شات مره مرتين وعقب عطيته رقمي وانا ببالي كله استهبال ومب جد حتى انا اخبره انه مااحب ومالي بالهسوالف المهم شي يوم ويا ربيعتي بمطعم طرشلي الريال انا يبا يشوفني وانا كنت وايد اسويله طاف المهم هاليوم ربيعتي اقنعتني انه بس شوفي خلنا نضيع وقت وجي وصدق يا وشفته 10 دقايق كان الوضع عادي وماشي مشكله .... ثالث يوم بعد اصر وجي انزين وقال انه اركبي وياي وخلي ربيعتك ورانا قلت اوكي ونزلت وركبت ويا والريال كان محترم ماسوا شي حتى ماقال انه مب زين بس اخر شي بركن وانه يلا باي جان يودني ويبا يبوسني وانا لفيت ويهي قلت له لاء بس انا غبيه ماعرفتت اتصرف ماعرف ليش سويت شي وباسني وانا سكت ااقوله يعع وماعرف ليش ابتسم غبيه خبله ورد مره ثاني واقوله ربيعتي تشووف يقول لا تخافين وعقب فتحت الباب ونزلت بسسس مادري لييييش سويت جي ليييييش ماعرف ... وعقبها كلمته قلتله ماحبيت اللي استوى اليوم حرام قال بلاك ماسوينا شي بوسه صغيره وايد مكبره الموضوع وعقبها فتح موضوع انه يبا ايفون يديد تشتريلي ! انا استهبل افا عليك من عيونك وعقبه بالتلفون قلتله تستهبل شو اييبلك انت يبلي وعقب زعل وانا مااحب اللي يجذبون وتم يسويلي طاف لين ماشتفه اخر مره وتكلمنا عادي بعد شفته مره وصور فيديو وانا هني بعد ماعرفت اقوله احذفف ماادري بلاي جي وبعد مره قلتله شو الفيديو ماشفته مابا احسسه اني خايفه او شي قال حذفته بس انا ماصدقته ورد صور فيديو المشكله انه اشرد عنه كل مايبا يصور وها اخر مره اشوفه وعقب طرشتله مايرد وقلتله طرشلي الفيديو بعد مارد وعقب سوالي انفولو عالانستقرام انا بس ابا افهم انا اعرف شو رايكم بالقصه انا ماادري شو يقصد بالطاف وليش صور فيديو دام انه عقبها سوالي اساسا ليش يصور فيديو هااللي قاهرني ساعدوني شو اسوي ابا بس اشوف الفيديو اذا حذفه ولا شو سوى فيه بس ابا ارتاح والا هو مايهمني يجلب ويه .. بس انه مادري ابا افهم ليش جي !!! ساعدووني

المزيد من آخر المواضيع من نفس القسم:

• اهم الاخطاء التي تقع فيها الفتيات المراهقات
• اهم نصائح للبنات عند دخول مرحلة المراهقة
• نصائح مهمة للبنات وقت الدورة الشهرية
• نصائح حياتية هامة لكل بنت
• اهم نصائح للبنات في أول سنة جامعة
• اهم نصائح للفتيات المراهقات في جميع المجالات
• اهم نصائح للفتيات خلال فترة الخطوبة
• لكل فتاة تعلمي اتيكيت الكلام
• اهم نصائح لأناقة الفتاة قصيرة القامة
• هل هاذه الشي طبيعي ولا!!

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام عبييد]

الله يهداج يعني انتي ارخصتي بعمرج تحطين صورج وتكلمين وتطلعين معاه هو يبا يتسلى وانتي مشبتي وياه يمكن يحاول يستغلج عن طريق الفيديو لو من البدايه ماسويتي له سالفه ماتعرفين شو يخطط

[غلآ نفسي]

ما خفتي تحطين صورج فالانستقرام

ما خفتي من الله يوم كلمتيه

ما خفتي يوم تشاوفتو

ما خفتي يوم باسج

ما خفتي ولا انقهرتي يوم طلعتي وياه ع عذر انج بس تتسلين ومب مصدقه حركات الشباب

انقهرتي من الفيديووو ؟؟


يختي دامج بنت وتتسلين عيل الرياييل اكيد يتسلون وشافج ياهل وما تفتهمين شي عشان جي سوالج طاف وانفلووو

لو بستيه وطولتي معاه جان ما خلاج

وبالنسبه ان الحين شو بتسوين لان هو مصورج فيديو .. عطيه اكبر طاااف ما يروم يسوي شي أصلا

زماان اول يهددون بالصور والفيديوات الحين الشباب ما يرومون يسوون شي

الله يهديج ويهدينا

بالتوفيق

[ملاآك قلبكـ،،]

الله يهديج
اللي سويتيه غلط كبير
واكبر من سالفة الفيديو بعد

الله يستر عليج وعلى المسلمين اجمع

[أم محمد1988]

لا تعليق

[ام لامية]

احب استهبل عليهم يعني مااصدق ولا كلمه واعرف كلهم جذابين
وبالأخير استهبلك الريال وطلعت انت الخسرانة
خسرتي دينك ودنيتك
ما راح اقلك كيف وليش لانك تعرفين الغلط واستمريتي فيه
يوم البنت تكون ساذجه يا بنتي تاكلها الذئاب
خير الشمائل للفتاة حياءها
وكذا الفتى بحيــــــــــــائه يزدان
يعيش المرء ما استحيا بخير
ويبقى العود ما يبقى الحياء
فلا والله ما في العيش خير
ولا الدنيا اذا ذهب الحيــاء
*******
اهل الحياء يحبهم مولاهم
رب حيي لا يرد دعـــــــــاءا
اهل الحياء قد ارتقوا بعلاهم
وكذا النبي ارقى الانام حياءا



اسئل الله لك الهداية وان تبتعدي عن مثل هذه الممارسات
مو كل مرة تسلم الجرة
وان تبتعدي على هذه الصديقة
وان تبتعدي تماما عن الاتصال بالشاب عله ينساك

والله يستر عليك وعلى كل بنات المسلمين

[Yazi.90]

عليكم السلام ورحمة الله و بركاته

مادري شقولج صراحه احس كلامج طلعني عن طوري !!
اختي كيف جي تسوين ماخفتي من ربج ماخفتي من اهلج
ولا خفتي على نفسج يوم سويتي هالمنكر ؟
حبيبتي يوم ان اهلج سمحولج بكل شي تخونين ثقتهم فيج ليش ؟
يعني لازم الاهل يتعاملون مع البنت بأسلوب الجهل عشان تصطلب ..
تقولين انا استهبل وماعرف شو انزين لاحظتي استهبالج لوين وصلج ؟

بقولج ليش الريال سحب عليج لانج ماعطيتيه اللي يباه
هو يوم طلع معاج كان فباله شي بداها ببوسه صغيره ويوم شافج صديتي
قال هاي مامنها فايده اكيد بتشقيني وياها خل ادور على صيده اسهل منها ..
و الله اسمحي لي بس اللي سويتيه انج رخصتي بعمرج وايد وايد
تقولين له اللي استوى مب زين وحرام ومن هالكلام اللي مامنه فايده
عيل تحطين صورج والرياييل يشوفونها مب حرام ؟ تكلمينه عالفون مب حرام
تظهرين وياه ويبوسج والى آخره انزين وبعدين شو تترييين يصير ؟؟

تخيلي معايه ان ربيعتج طلعت وحده مب زينه واتفقت معاه
و سرتي معاهم مكان ماتعرفين هي اي بقعه وصار اللي صار
خبريني بالله عليج حزتها شو بتسوين بعمرج ؟؟
تعرفين شو والله انتي صار الشي معاج وربي لطف فيج ..
احمدي ربج والله يمكن هذا درس عشان تعتبرين منه وتنبيه لج من ربج
لا تتمادين لين مايطيح الفاس فالراس بعدين تندمين اشد الندم ..

وبخصوص الفيديو حبيبتي يقدر ينزله عاليوتيوب ويفضحج
مب شرط انه يهددج فيه ! ولا مثلا يخلي ربعه يشوفونه !!
انا اقول ادعي ربج مايصير شي من هالكلام وتوبي توبه نصوحه ..

[لحنْ #]

والله وانا بعد موضوعج طلعني عن طوري >< مالقيت شي اقوله
حتى اسلوبج ف سرد مشكلتج عادي وكان الموضوع عادي ،
والله ي اختي من اول سطر كتبتيه كله غلط ف غلط ..
كله غلط فوق غلط فوق غلط ><
ماف شي ممكن تسوينه بخصوص الفيديو برايي
بس عمومآ فعلا ابعدي عنه يمكن ينسيج ، لكن لو ظليتي وراه او كلمتيه بتذكرينه بالفيديو والله اعلم شو يسوي فيه بعدين
بس السوال ، ليش خايفه ؟ انتي تحطين صورج بالانستقرام صح ؟ يعني اوريدي صورج بعالم الانترنت
ف شو مخوفج من الفيديو ؟ فيه تجاوزات واشياء مب اوك ؟
الله يستر عليج ويهديج ويهدينا

[almal3ka1]

احينه مب وقت العتب دامج عرفتي الصح و الغلط و كلنا نغلط

اول شي اتصلي بخدمه الامين و عطيهم المعلومات اللي عندج و كل شي بترمسين فيه بيكون سر و محد بيعرفه


اهم شي انتبهي عشان ما تكررينها


الله غفور رحيم


ما عليج من رمسه و الردود الجارحه


و طمنينا عليج

[almal3ka1]

و عفكره في قانون بدوله الامارات ان محد له حق ان يهدد حد بالصور و ينشرها و فيها غرامه ماليه ممكن توصل 500,000

[Yazi.90]

احينه مب وقت العتب دامج عرفتي الصح و الغلط و كلنا نغلط

اول شي اتصلي بخدمه الامين و عطيهم المعلومات اللي عندج و كل شي بترمسين فيه بيكون سر و محد بيعرفه


اهم شي انتبهي عشان ما تكررينها


الله غفور رحيم


ما عليج من رمسه و الردود الجارحه


و طمنينا عليج

اسمحيلي عزيزتي اكبر غلط بأنج تتعاملين مع المشكله بكل برود ..
شو يعني مب وقت العتب ؟ وايد عادي اللي سوته بنظرج ؟
الله غفور رحيم بس نسيتي ان الله شديد العقاب ؟
كل وحده قامت تغلط وتتمادى وتقول الله غفور رحيم ؟ عفوا شهالمنطق
هذي معانا فالمنتدى يعني اختنا وواجب علينا ننصحها
و لاتقولون صار اللي صار وخلاص لاتزيدون همومها وماعرف شو
هي ماذكرت فكلامها انها تبا حل كل همها كان الفيديو وليش سوا هالحركه ؟
انزين وين الندم فالسطور ؟ انا ماقريته صراحه

ماضيع بعض البنات الا هالتهاون اللي مادري بشو اوصفه ؟
هذي يسمونها سذاجه اللي تجاوزت حد الغباء بكثييير !!

[Yazi.90]

و عفكره في قانون بدوله الامارات ان محد له حق ان يهدد حد بالصور و ينشرها و فيها غرامه ماليه ممكن توصل 500,000

حبيبتي لا تنسي بعد ان القانون لا يحمي المغفلين !

[A+k]

اشك انه صاحبة الموضوع شاب ؟؟؟

[almal3ka1]

اسمحيلي عزيزتي اكبر غلط بأنج تتعاملين مع المشكله بكل برود ..
شو يعني مب وقت العتب ؟ وايد عادي اللي سوته بنظرج ؟
الله غفور رحيم بس نسيتي ان الله شديد العقاب ؟
كل وحده قامت تغلط وتتمادى وتقول الله غفور رحيم ؟ عفوا شهالمنطق
هذي معانا فالمنتدى يعني اختنا وواجب علينا ننصحها
و لاتقولون صار اللي صار وخلاص لاتزيدون همومها وماعرف شو
هي ماذكرت فكلامها انها تبا حل كل همها كان الفيديو وليش سوا هالحركه ؟
انزين وين الندم فالسطور ؟ انا ماقريته صراحه

ماضيع بعض البنات الا هالتهاون اللي مادري بشو اوصفه ؟
هذي يسمونها سذاجه اللي تجاوزت حد الغباء بكثييير !!

مسموحه الغاليه

كلن و طبيعته و شخصيته


هدي هدي لا ينطلج عرج

كلن حر يدلو بدلوه و رايه


وهاي وجه نظرج و احترمها

[almal3ka1]

حبيبتي لا تنسي بعد ان القانون لا يحمي المغفلين !

الغاليه مب عيب ان الشخص يعترف بغلطه و يرد للدرب الصحيح


و ليش ما نقول في ناس طيبه و عويها و تتحسب الناس نفسها