التوربان الي طايحين فيه هالايام ..

[ملكة الاحاسيس]

ماحبيته مش محتشم
ولا رضيت على اي حد يليسه ابدا مافيه اي احتشام
واصلا مايستر الرقبة والنحر واذا هم بس فالحين يغطون الشعر ويكطلعون القذلة اذا نتفق على ان هذه الموضة الافريقية لاتمت للحشمه بصله وليست موضة كويتية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم زمرده]

أختي الفاضله (( أحلى بعفويتي )) جزاكي الله الجنه يا أختاه على هالموضوع القيم والمهم جدا،، وكل كلمة ذكرتيها أهم من الثانية ،، وحبيت أشكرج على هذا الطرح الرائع،،،، واتمنى المزيد من تلك المواضيع القيمه،،،،،

يا أخواتي الفاضلات التوربان حسب ما أعلمه هو حجاب سيخي أو أفريقي، وإذا ضربنا أمثله ان التوربان من أفريقيا أو أثيوبيا مب معناة إننا نستهين فيهم أو نعايرهم لا إنما نضع أمثله فقط لا غير ،، والله يهدي الأمهات والبنات أي شيء يشوفونه جديد يركضون يشترونه وحب التقليد الأعمى للأسف ،، يا تلبسون الحجاب بإحترام يا ما تلبسونه؟ ،، ما في أحلى من السترة،
الحجاب هو لسترنا والحفاظ علينا يا أخواتي الأمهات والفتيات الفاضلات إهتمو بالحجاب فهو عزكم ودينكم وشرفكم،،،وأتمنى من الله تعالى لي ولكم الهدايه والتوفيق ،،

[ام لامية]

ايش الفرق




قال تعالى : ولن ترضى عنك اليهود ولا النصارى حتى تتبع ملتهم قل إن هدى الله هو الهدى ولئن اتبعت أهواءهم بعد الذي جاءك من العلم ما لك من الله من ولي ولا نصير





ديور 2016 لحقي الكمية محدودة
خخخخخخ

[جنان الفجيره]

للاسف يتبعون الموضه وينسون وراهم حساب وعقاب ليتهم يتبعون الدين شرات ما يتبعون الموضه

لو سوا موضه خياش يلبسون بيركضون وراهه اتبعوا الحجاب الساتر و اللعبايه الساتره ابرك لكم من موضه هذه الاشياء فكروا قبل لا تركضون مع الموضه اللي تدخلكم النار و العياذ بالله

[l6afy]

انا استغرب ان هالخبال يطلع عندنا !!

نحن اقليم اسلامي و عقيدتنا التوحيد المفروض امور مثل هذي ما نقبل المساومة عليها ونحن مغمضين بعد !! ما يبيلها نقاش واخذ و رد

الله يهدينا اجمعين يارب ويفتح عيون البنات للصلاح .. ما يصير هالشي وانتو شايفين موت الفجاة. زاد بطريقة مهولة والوحدة ماتضمن كم عمرها ليش تجازف ان روحها تنقبض وهي على عصيان !!!

من كنا فالمدارس علمونا شو هو الحجاب وشو الستر .. ليش تبتدعين الحين وتالفين فالدين على كيفج !!

[BENT LEMRAR]

الله يهدينا ويهدي بنات المسلمين ويستر عليهن

شكله يقهر هالتوربان بصراحه شرا عمامة السيكي

[احلى بعفويتي]

يمكن في البلاد ما ينلبس وايد بس في السفر الاقيه وااااايد
وغير ان الام تلاقينه حاطه هالتوربان وبناتها لابسين شيل شي غريب ..
والافضل للامهات تلبس بناتها شيل وقت البلوغ لان والله لو ما علمناهم ع الحجاب الصح ما بتتقبله وعادي من وراج بتعقه ولا بتلبسه ..
الحجاب ستر يا جماعه الخير حتى لو خارج الدوله .. ترى الشعر في البلاد و خارج البلاد حرام ..
مادام الله موسع عليج وشاريه ثياب وسيعه وساتره للسفر ليش توربان .. كمليها بشيله ..
و الهتوربان تراه غالي .. لان مطلوب دشيت على انستقرام وجده تبيع الحبه ع 150 درهم اونه حرير وعليه شغل .. امبيه .. وعليه طلب ما شالله

[ورقة ناعمة]

صح مايصير برع البيت الرقبه عوره ووالمعرف انه مال الاثيوبيات صدق يوم ينظفون يلبسونه والحين صار موضه هاي فوضه مب موضه

مال الاثيوبيات غير يمكن اللي تأخذ نفس النوعية هذا شي راجع لها ,,,, بالعكس الشكل الكويتي راقي وروعه ويعطي جمال بالويه وينلبس بالعزايم

واللي تبا تلبسه برع لها رب يحاسبها اختيه اذا بنقول حرام وحلال يبي ورقة وشوفي الحرام اللي طاغي عالحلال ,,,


والله غفور رحيم وشديد العقاب كل وحده تعرف الحرام من الحلال وتعرف وين تلبسه بس انتو لاتطفلون بالناس وكلن يشوف نفسه وكل وحده وكيفها ,,,

[أم محمد1988]

الحين لما الواحد ينصح ويقول هالشي مب زين وليس من عاداتنا وتقاليدنا استوى متطفل ع الناس !؟!؟

رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

أختي ناعمة شو تفسيرج لهالحديث ؟!؟!!

وأيضا يقول تعالى :
وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ [الذاريات : 55]

[احلى بعفويتي]

مال الاثيوبيات غير يمكن اللي تأخذ نفس النوعية هذا شي راجع لها ,,,, بالعكس الشكل الكويتي راقي وروعه ويعطي جمال بالويه وينلبس بالعزايم

واللي تبا تلبسه برع لها رب يحاسبها اختيه اذا بنقول حرام وحلال يبي ورقة وشوفي الحرام اللي طاغي عالحلال ,,,


والله غفور رحيم وشديد العقاب كل وحده تعرف الحرام من الحلال وتعرف وين تلبسه بس انتو لاتطفلون بالناس وكلن يشوف نفسه وكل وحده وكيفها ,,,

نا ما تكلمت عليه من ناحيه انه لبس في العزايم ولا المناسبات و لا الخطوبه وله يلسه محارم .. ترانا كلنا نتزين ونتعطر ونلبس عاري وساعات قصير في المناسبات النسائيه ومايبنا طاريها
بس تكلمنا عن موضوع انه صار موضه وبديل للحجاب الرسمي .. سواء كويتي ولا مال السكستيز اصلا كان وايد منتشر في هيج الفتره ..
المهم انه غلط ولازم ما نشجع البنات الصغار يلبسونه بدال الحجاب لان نبا نربي اجيال محافظه على لبسها وسترها

والحلال بين و الحرام بين بس الواحد لازم ينتقد بعض السلوكيات او التريندات الغلط
ما يجوز يمر علينا كل شي ونحنا نطمش اوكي انا ما بلبسه .. بس غيري يلبسه وممكن يغير وجهه نظره من النقاشات الي يقراها
و بالاخير القبر ضيج و ماله غير الاعمال الصالحه اذا انا اطير حسناتي كل يوم ع لبس التوربان ع اساس ان حجاب سهل ..
انا بكل صراحه ما اجوفه لا راقي ولا سنع حتى ع الكويتيات .. راسها من فوق كله احجار تبررررق ورقبتها طالعه..
وحره يا اختي بلبسج .. بس بعد ما تتطور المجتمعات الا بالانتقاد والمحافظه على الاصاله و الستر
حلاته الوحده مستوره بشيله انا ما تكلمت عن لون او ديزاين الشيله .. انا تكلمت عن ضروره ان الواحد يلبس احجاب صح ..

[همي اخرتي]

الحين لما الواحد ينصح ويقول هالشي مب زين وليس من عاداتنا وتقاليدنا استوى متطفل ع الناس !؟!؟

رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

أختي ناعمة شو تفسيرج لهالحديث ؟!؟!!

وأيضا يقول تعالى :
وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ [الذاريات : 55]

جزاكِ الله خير

[احلى بعفويتي]

,,,, بالعكس الشكل الكويتي راقي وروعه ويعطي جمال بالويه وينلبس بالعزايم

,,,

سؤال من متى في توربان كويتي الي اعرفه بنات الكويت يلبسون ملافع طويله وساتره ..

[ام زايدالغالي]

للأسف فئه من مجتمعنا يموتون لو ما يقلدون
الله يهديهن ويصلحهن

[ام اثنين]

[QUOTE=احلى بعفويتي;43836278]السلام عليكم ورحمة الله وبركاتة

التوربان القطعه الي يحطونها على الشعر
لاهي حجاب و لاهي ساتره
نص الاذون و الرقبه من ورا وجدام مبين
خاصه الامهات يبلسون البنات الصغار الي توهم بالغين
انزين ها موب حجاب و لا حتى شكله حضاري سوري بس يذكرني
بالخدامات الاثيوبيات يوم ينضفون الزوالي خخخخ
لان ها موب حجاب والام يوم بتعلم بنتها لبس حجاب
في شيل حلوه وكيوت و اسكارفات وفي الحجابات الكويتيه هاي املافع اشكال والالوان وبنت تستر فيها شعرها و رقبتها




يا العفويه ترى حتى الكذب حرام واللي مب صريح بعد يتحاسب

[Yazi.90]

مال الاثيوبيات غير يمكن اللي تأخذ نفس النوعية هذا شي راجع لها ,,,, بالعكس الشكل الكويتي راقي وروعه ويعطي جمال بالويه وينلبس بالعزايم

واللي تبا تلبسه برع لها رب يحاسبها اختيه اذا بنقول حرام وحلال يبي ورقة وشوفي الحرام اللي طاغي عالحلال ,,,


والله غفور رحيم وشديد العقاب كل وحده تعرف الحرام من الحلال وتعرف وين تلبسه بس انتو لاتطفلون بالناس وكلن يشوف نفسه وكل وحده وكيفها ,,,

دوم احب اشوف ردودج و تعجبني صراحتج ..
بس اسمحي لي يعني هذا منكر ومن رأى منكم منكراً فليغيره الى نهاية الحديث
التطفل شي والنصح شي ثاني شتان مابين الاثنان

وبعدين شسالفه انا لاحظت كل ما الاخت احلى بعفويتي نزلت شي اشتطيتو
حليلها البنت شو مسويه ؟؟ ثرها الا تنصح وتناقش ماصار شي ..
سبحان الله فكل موضوع تحطه احصل ردود استغرب منها
مع ان الموضوع جداً عادي وما يحتاج هالاشتطاط كله