بشرتي 😭

**ملآس يدوه** · 2015-09-15, 20:51

السلام عليكم بنات

بشرتي وايد اختربت بعد السفر
فيها تصبغات والحين بين فتره وثانيه يظهر لي حب
ما كانت جذا

شو افضل مرهم طبي؟
وكيف البنات ما شاء الله تكون بشرتهم صافية
وحتى ما فيها مسامات تعبت من كثر ما اهتم ولا أجوف شي
شو أسوي ؟؟

ساعدوني بدعي لكم بكل خيررر بليز

المزيد من آخر المواضيع من نفس القسم:

**بنت منصوري** · 2015-09-15, 21:33

راجعي دكتوره جلديه

**Yazi.90** · 2015-09-15, 22:14

المشاركة الأصلية كتبت بواسطة بنت منصوري

راجعي دكتوره جلديه

**مراسيل الوفاآ** · 2015-09-15, 23:50

راجعي دكتوره جلديه ، لا تستخدمين اي شي عشان ما تزيد المشكله

**Jasmin44** · 2015-09-16, 00:09

الغاليه خذيها مني ، أنا جربت كل شيء

و لا فادني شيء أبد

احتمال يناسبج اللي ما يناسبني ، ف أفضل شيء تروحين عند الدكتور عشان يوصف لج كريم أو مرهم تحطينه و أهم شيء تواظبين و يكون صبرج طويل

بالتوفيق

**delights** · 2015-09-16, 00:21

لازم تروحي لدكتورة وبعدها نعرف الاسباب وندور حلول

**dr.da3ia** · 2015-09-16, 02:40

مووووووووووووفقة

**sa7el** · 2015-09-16, 09:20

بقول لج شي بتضحكين او تستغربين،ن كيفج بس ترى صح كلامي

لا تسيرين عيادة خاصة او مستشفى خاص ،، قصدي دكتورة جلدية من هالاماكن

ادويتهم وكريماتهم كلهههم تجارية،، تخفف بس ما تعالج عشان تستمرين معاهم فترة طويلة
هم شو بيستفيدون لو انتي تعافيتي روبشرتج نظفت!!! بالعكس بيخسرونج انتي وتامينج وفلوسج

سيري متستشفى حكومي عند دكتورة جلدية،، وشوفي الفرق،، ح تعب وانتظار ومواعيدهم بعيدة بس ترى من يي دورج انتي المستفيدة وكل شي فري

وعقب العلاج لو انتي حابة ابدي كلاسات ديرما رولر للبشرة في المستشفى في عيادة خاصة تكون جلسة مثل الفيشل بس يمررون لج هالرولر على بشرتج وبيحطون لج فيتامينات وخلاص

من هني استفدي صح ووفرتي فلوسج بعد
مب سالفة فلوس في النهاية ،، الفلوس تروح وتي،، بس قصدي ما تضيعين فلوسج على شي انتي ما استفدتي منه

ويا رب يرزقج بشرة حلوة نظيفة

**احلى بعفويتي** · 2015-09-16, 09:34

ساعات تغير الجو يسبب مشاكل
فروحي جيكي عند دكتوره ثقه موب تجاريه تطلعين محمله فتمينات وغسولات وكريمات اسم بس من غير فايده
ساعات غسول واحد صح يغني عن كل هالكريمات التجاريه

**ظبيانيه 2014** · 2015-09-17, 07:19

ما قلتي ايش تستخدمين لها من كريمات وغسولات وصنفرات وماسكات وتونكات ونوع بشرتش الخ

**هنايف35** · 2015-09-17, 09:10

عليج بماي الارز وعليج بالاشياء الطبيعية وعندج روب مع شوفان وعندج قشر البرتقال يبسيه بالشمس واطحني وعقب اخلطيه مع ماي ورد وحطي بويهج واضبي على هالاشياء والله بتفيدج حبيبتي وبتعطيج نضارة ببشرتج وعليج بالديرما رولر او الديرما بن من الحين سويه لانه نتيجته تتطلع بعد اسبوع يعني لو تبدين من اليوم الاسبوع الياي بتشوفين كيف بشرتج بتلق من النضارة وبعدين من فترة لفتره سوي لبشرتج تقشير بالليزر والله بشرتج حلوه بتتطلع اربيعتي ما شاء الله بشرته كانت نمش وكلف عقب سألتها قالت لي تسوي تقشير لبشرتها من فتره لفتره والله روووعه تبارك الرحمن بشرته صافيه ما عنها حنطيه

الموضوع: بشرتي 😭

أدوات الموضوع

عرض

بشرتي 😭

المزيد من آخر المواضيع من نفس القسم:

رد: بشرتي 😭

رد: بشرتي 😭

رد: بشرتي 😭

رد: بشرتي 😭

رد: بشرتي 😭

رد: بشرتي 😭

رد: بشرتي 😭

رد: بشرتي 😭

رد: بشرتي 😭

رد: بشرتي 😭

المواضيع المتشابهه

مطلوب فلبينه للتنازل/بهدلني مكتب فلوريدا😭😭

اقروا القصه لان ما حصلت لها عنوان مناسب 😭😭

لافستان ولا خبيرة تجميل😭😭

بشرتي دهنيه متوهقه ..ف نص الدوام بشرتي اتزيت شو اسوي..!؟؟ بصيييييح

تعبت من بشرتي الدهنيه شو احسن بودره تغطيتها عاليه وماتخلي بشرتي مزيته