خدامتي تبا نت

[طيبة*قلب]

الحمدلله ع سلامتك

حبيبتي الخدامه ان نفدتي كلامها ع دلع وبتبط كبدك

قليلها كل يوم بخليك تكلمين اهلك بالنت بس من ايبادي وخليها تكلمهم

هو صح حرام انه متغربات وكذا ،، بس هذيلا مايستأمنون ممكن تجيب لبيتك بنقالي او هندي وتلبس من ملابسك لهم ^_^

وفونها خلي عندك ابو كشاف الرخيص والجالكسي قليلها برفعه لك عندي الين ماتسافرين او خليه عندها بس بدون sim كذا اهلي مسوين مع خدامتهم جايه متعلمه بس ماخلوها تسوي اللي تبيه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ضــ،،،،ــى]

لاتعطيها واي فاي بتندمين .خليها تشترك ويوم يخلص رصيدها بتحاسب ومابتدخل كل يوم واتس اب .كلنا نسوي وياهم هالنظام وحتي لو ماعطيتيها بتشترك من وراج .ممنوع انترنت مفتوح 24 للخدامه
هو للاطفال ممنوع والخدامه أخطر وبتبهدلج .عطيها اشتراك فقط ومحدود بعد للتواصل الاجتماعي فقط مو تصفح وخرابيط بتدخل مواقع ودنيا

[hnmydsm70]

اختي دام مأديه شغلها ومب مقصره خليهاتشبك نت ترا هذه انسانه تبا تتواصل مع هلها وصديقاتها ٠بس مثل ماقالت اخت غزاله شيكي على فونها من فتره لفتره والله يعينج

[BENT LEMRAR]

خل تدفع اشتراك النت من راتبها وبراحتها تتواصل ويا اهلها

استغرب من الخدم كيف مهووسين بالموبايل والنت مب شرا الاوليات لي يحولن الراتب بلادهن ويكلمن اهلهن من تيلفون البيت - انا خدامتي ما تطلب تحوله بلادها وحاطة تيلفونين ونت كله من بيزاتها ماعطيتها فلس

[[..دانــة..]]

اذا تسوي شغلها صح ومب جايفه شي ع شغلها
خليها تشبك واشرطي عليها بس تشبك عقب ما تخلص شغلها
بس اذا تشوفينها مب جادة وبتسويلج مشاكل لا تفتحين لها هالباب
ورصيد تلفونها تشتريه من راتبها ومب ملزومه فيها تاخذيلها تلفون
لازم في حدود بين المدير والموظف مثل الخدامة وراعية البيت!

[سيدة في حضوري]

ليش لازم النت حق الخدم تراها تكلمهم كل يوم انا ارحمها وقلت اكسبها واعبي لهارصيد مافيني ارجع وايب لانهن يتاخرن ياخذن اكثر من شهر وضمانها مخلص من فتره بس الحين بعدها مب طايعه وتشترط انا اللي قاهرني كله اتقول انتو عدكم فلوس واتقدرين تعبين لي رصيد وانتو عدكم نت فاتوره ليش مااتفتحولي كنا ملزومين فيها وومااتبا خصم من راتبها كله بلاش

صدقيني هالاشكال بالوقت بتتعبج دام مافيها خير من البداية وتتشرط وفاتحها لسانها ذراعين .. كل يوم ويوم بتطلعلك شغلة يديدة انا منزلة موضوع على مفس هالكلام بعنوان خدامتي الكينية .. اقريه بتعرفي المعاناة .. الحين خدامتي كل شوية تسويلي قصة ودلع وبكى وتمثيليات كله بسبب اني فتحت لها النت ع الاخر .. انصح اي وحدة تيج يديدة لا تعطينها نت ابد وان كان ولا بد تييج بالغرفة تستعمله قدامج ساعة بالكثير .. انا شفت العجب منها واللع يوم زين ويوم شين ..تلعب وياي لين اودرها المكتب .. ادري هالسوالف مالة الخدامات .. بالذات الكينيات نصبحتي لحد ييب هالجنسية ابد .. كلهن دلع وحرية وحساسات وكرامة ومدري شو ومايطولن اكثر من 3 اشهر ..

[ام الغزلان]

امممم حسب الشغاله في منهم يستاهلون تتعاملين وياهم بالحسنى وفي منهم الحذر واجب اذا تحسينها مصره على التلفون اليديد اخذيلها من راتبها التلفون ولا تعطينها بطايق والنت مثلا بعد الساعه 9 في الليل سكريه انا اسكر النت لان عندي شبكتين اسكر اللي تحت لان خاشتنه في صندوق الكهربا اسكره بالمفتاح والحمد لله شغالتي تشبك نت واراسلها على الواتس اب بعد يوم اكون برا البيت واطرش لها فيديو هات اسلاميه تستانس واتم تسمعهم واترد اطرشهم انا ماعندي شغل وايد فتخلص شغلها وماتعرف شو تسوي مايمنع انها تكلم صديقاتها

[غزالة AD]

انا بعد بشاكيري يشبكون وايفاي بس ما يسهرون لاني اشوف اخر ظهور الهم ماجوفهم يسهرون.
صح كلامج يعتمد على الخدامة.

[Mina_Rose]

نحن عادي نخليهم يشبكون عالواي فاي بس البطاقات من رصيدهم مال فون ويرمسون اهلهم وربعهم سكايب ما ياثر عالشغل عادي كل بشاكير اهلنا انتي راقبيها لو شفتيها ماتشتغل قولي بقطع النت

[ام زايدالغالي]

أنا ضد أعطي الخادمه تلفون كيف لو صار إنترنت بعد !!
الله يعينج

[omaya]

ترا مب شرط انتي اتعبين لها رصيد انتي مب ملزومة في مكالمتها مع منو ما تكون ها شي راجعلها الاهم بس اتقوم بواجبها وانا اشوف انه مافيها شي في انه تشبكين لها الواي فاي عسب اترمس ربيعاتها واهلها انتي بس ملزومة باكلها وشرابها بس تبي تغير فون تبي تعبي رصيد قوليلها اوكي يوم عطيني بيزاتج وانا بييب لج اللي تبينه

[mrs.abk]

لا ما انصحج انا ما كنت معطيه بشكارتي النت ومرة رحمتها وعطيتها الباس لو تشوفين كيف تغيرت .. تروح تنظف وتتاخر الحقها القاها عاقة الشغل وشابكة النت .. جلطتني بالمعنى الحرفي ما ارتت الا يوم اخترب المودم وغيرناه وغيرنا الباس وما عطيناها اليديد ردت تشتغل عدل صح يابت النت من فلوسها بس في النهاية يخلص الحساب واتم كمن يوم لين تعبي

[Ward-uae]

بيت عمتي عندهم بشاكير ومن رواتبهم يشتركون بالخدمه اما نت البيت بس لأهل البيت
والشغل موزع بينهم وكل وحده عندها ساعة معينه تخلص شغلة مثلا غسيل او كوي او طبخ والتنظيف بعد موزع بينهم وحمياتي من ييون لعمتي ما شاء الله مب مقصرات يشوفون شغلهم واحيانا انا اشرف عليهم امر اشوف

[شعلة أمل]

نصيحة سويتها قبلج وماكانت ما تعرف هالسوالف من فتحت لها المجال ما كملت السنة عندي تتواصل مع هندي بالواتساب ودخلته البيت