اماية الله يهديها

[مغليك]

السلام عليكم
اشحالكن خواتي ...عساكن ع القوة ..

خواتي انا دشيت اهنيه لانه عندي مشكلة مضايجتبي من زمان اللي هيه ويا امايه الله يرضى عليها ..

المشكلة ياطويلات العمر انا متزوجة من سبع سنوات وصارت مشكلة بيني وبين ريلي من سنة تقريبا وتدخلت امايه فالموضوع للعلم انه ريلي الي دخلها فالموضوع ودخل اخوية الكبير فالسالفة مش انا وصارت مشادة كلامية بين ريلي واماية ..مش اهنيه السالفة ..السالفة انه من بعد ماصارت المشكلة للحين تقريبا من سنة بنكمل وامي دوووم يوم اسير عندها تذكرني فالموضوع وتقعد تسب فريلي واهله والله انا تعبت من اماية الله يهديها اقولها خلاص سالفة وانتهت.. لاترد وتزيد وكل مرة تسألني هاه شو سوى وياج نفس المحقق كونان اقولها امايه خلاص موضوع وانتهى ..هيه ابد هب ناسية ..وتقلل من شانة وشان اهله وتطيح فيهم سب اونة هذيلا مزطة ومادري شو وماعرف شقايل ناسبناهم ولو اعرف جان ما زوجتج هالاشكال ..وتمسك بنتي الصغيرة اللي عمرها ثلاث سنوات وتقولها ابوج فيه وفيه واهلج بخلا..ومزطة ..مهما كان هذا ابوها ولازم تحترمه وهذيلا بعد اهلها مب زين جذه تخلي البنت تكره ابوها ابا اعلم بنتي وازرع فيها الاحترام واربيها تربية سنعة ..
يعني احس الموضوع حيل مضايجبي ويوم اقولها امايه مالنا حاية فالناس ناخذ سيئات ونوزع حسنات تقوللي اسكتي انتي ماترضين فيهم وتقعد تشاخرني ..وتمدح تقعد فريل اختي من الابو اللي هو من اهلنا تقوللي جوفي شكايل مشرغ اختج ومامخللي لها قاصر.هب شرات ريلج .وتطيح بهم طيحة وتطيح فعمتي ام ريلي فيها وفيها ..انا مالي حاية أذكرهم وأقول بس اللي ابي اوصله انها مالها حاية فيهم تاخذ أثمهم الله هداها ..والله حتى كرهت أسيير بيت اهلي بسبة هالسالفة يتم يحز فخاطري هالشي انه امي اتم توزع حسناتها وتقلب الموضوع وكل مرة تذكرني فيه ..

شو تنصحوني شو اسوي ويا امايه ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[almal3ka1]

عنت و عندج خير


اسمعيها و خل تقولج بخاطرها و سوي طاااااااااااااااف و حتى لو ماعيبج الكلام

[حلوة واموره]

قوليلها ان اكيد انتي وابوي صار بينكم مشاكل وتخطيتوها.
المشاكل اتصير بين الناس مب بس الزوجين.
دايما دخلي الدين في السالفة.انه الله يجازي الصابرين بالجنه ويابخت من سامح وعفا

[لحنْ #]

خبريها " باسلوب حلو " انج بتخففين زيارتج لها
يوم بتسألج ليش قوليلها لان كل مره اييج توزعين حسناتج بذكر اهل ريلي وو
ف لاني احبج انا بخفف زيارتي لج .. يمكن تقتنع ^^
الله يهديها ويحفظها لج

[مونتاج]

الله المستعاان

[Miss PiXy]

انا اقول اسمعي واسكتي خليها تطلع الي بخاطرها تراها امج بالاخير وضيجها هذا عليج دام مافاد وياها الكلام

[cute uae]

انا اقول اسمعي واسكتي خليها تطلع الي بخاطرها تراها امج بالاخير وضيجها هذا عليج دام مافاد وياها الكلام

[ام لامية]

تهادوا تحابو
صدقت يا حبيبي يا رسول الله صلوات الله عليه
من رايي اكسري هالجليد بين امك وزوجك
بأن تشتري لها هدية شيء تحبه عطر قطعة قماش مع علبة تشوكلت او اي نوع من الحلويات اللي تحبه
وقدميه لها على اساس هدية من زوجك
متأكدة انها راح تغير اسلوبها وتنسى السالفة
واعزموها وخلي زوجك ايكون معاها لطيف ما يكشر بوجودها وما يذكر قدامها اللي صار ويخليه من الماضي
في نفس الوقت كلما زرتي والدتك حاولي أن تذكري زوجك أنه يذكر ها بالخير .ونسى الموضوع
شوي شوي راح تنسى
أكثري من الدعاء أن يصلح الله الشأن واسأليه باضطرار فإن الله يقول ( أمّن يجيب المضطر إذا دعاه )

خلي زوجك وبيتك أولى اولاوياتك وهذه نصيحة اخت في الله
وبنفس الوقت احسني إلى والدتك بحسن الوصل والبر بها قدر المستطاع
اذا علاقتك طيبة مع اختك خليها تدخل وتخليها تبطل من الكلام بزوجك
واجعلي هالتجربة درس لك ولزوجك حتى لا يدخل حد بمشاكلكم سواء من اهلك او اهلو
وتعودوا حل المشاكل بينكم قدر الامكان

والله ايهدي النفوس
الله يوفقك ، ويسخَّرَ لكِ قلبَ زوجِكِ، ويهدى والدتكِ والله يعينك على طاعة زوجك وبر والدتك

[ماحد شراتي]

تهادوا تحابو
صدقت يا حبيبي يا رسول الله صلوات الله عليه
من رايي اكسري هالجليد بين امك وزوجك
بأن تشتري لها هدية شيء تحبه عطر قطعة قماش مع علبة تشوكلت او اي نوع من الحلويات اللي تحبه
وقدميه لها على اساس هدية من زوجك
متأكدة انها راح تغير اسلوبها وتنسى السالفة
واعزموها وخلي زوجك ايكون معاها لطيف ما يكشر بوجودها وما يذكر قدامها اللي صار ويخليه من الماضي
في نفس الوقت كلما زرتي والدتك حاولي أن تذكري زوجك أنه يذكر ها بالخير .ونسى الموضوع
شوي شوي راح تنسى
أكثري من الدعاء أن يصلح الله الشأن واسأليه باضطرار فإن الله يقول ( أمّن يجيب المضطر إذا دعاه )

خلي زوجك وبيتك أولى اولاوياتك وهذه نصيحة اخت في الله
وبنفس الوقت احسني إلى والدتك بحسن الوصل والبر بها قدر المستطاع
اذا علاقتك طيبة مع اختك خليها تدخل وتخليها تبطل من الكلام بزوجك
واجعلي هالتجربة درس لك ولزوجك حتى لا يدخل حد بمشاكلكم سواء من اهلك او اهلو
وتعودوا حل المشاكل بينكم قدر الامكان

والله ايهدي النفوس
الله يوفقك ، ويسخَّرَ لكِ قلبَ زوجِكِ، ويهدى والدتكِ والله يعينك على طاعة زوجك وبر والدتك

ماشاءالله عليج ..كفيتي ووفيتي

[مس جوتشي]

الله يهديها ان شاءالله
انتي حاولي اتقربينها من ريلج وخليها ترجع اتحبه وتحترمه مره ثانيه يعني مثلا بهديه حلوه دوم قوليلها ريلي دوم ينشدني عنج وعن صحتج

[احلى بعفويتي]

والله كبار سن موليه ما ينسون لو شي بسيط يردون ويزيدون ويشخلون في الموضوع والله معاناه انتي لا تتيلسين دوم عندها
يوم بتستوي السالفه سوي عمرج عندج شغله واشردي خخخخخخخخخ
مالج غير هالحل

[مغليك]

يزاكم الله خير خووااتي ..
امي الله يهديها غاسلة ايدها خلاص اونة خلاص ريلج طاح من عيني ومادري شو..راسها يابس وعنيده شوي ..وما اتي عندي البيت وماتزورني من اول ماعرست للحين ..مع انه ريلي سلم عليها فالعيد ودوم مايرضى عليها ويذكرها بالخير وهيه خذت السلام عادي بس وراه ويه ثاني الله يهداها ..حتى ع قولتكن الهدايا مايعيبها أي شي ابد كل ما انييب لها شي تقول انا مايعيبني هالشي وانا الشي اباه ع هوايه وتروح ياتعطيه لحد اوتفره تقول مب زييين ..

[khaleejiya]

كنت اواجه نفس مشكلتج بس الحمدلله الوضع تحسن وايد عن قبل تعرفين كيف؟
تمي دوووم امدحي ب ريلج واهله وتكلمي عن الاشيا الحلوه فيهم
خلي ريلج يهديها هديه او يطلعها او يعزمها على عشا
او حتى انتي اشتري هدايا وقدميها لها ع اساس انها من ريلج
واهم شي الصغيره حرام مالها ذنب تكرهها ف ابوها

[Fa.R]

قوليلها أماية عادي نحن حالنا حال أي معرسين يدخل بينهم الشيطان
قوليلها أنا أرقد وأنش وأكل وأطلع وأضحك وأنتي بعدج حاطة في خاطرج
قوليلها أماية أنتي كم مرة تنازعتي ويا أبوية أكيد كان بينكم زعل

الدنيا فيها سعادة وحزن وهم وإلخ ..

وإذا تمت تعايرج قوليلها الله يهديج يا أماية
الموضوع تسكر ولا تقارنيني وكلن له نصيبه في هالحياة

الله سبحانه قادر أنه يزرق الإنسان ويغنيه في غمضة عين
وهو مقلب القلوب وحبيبنا ورسولنا عليه الصلاة والسلام يدعي
بعد صلاته اللهم يا مصرف القلوب صرف قلوبنا على طاعتك
، و الله سبحانه يقدر يهدي ريلج ويرده لج أحسن عن قبل
لكن نحن الحريم البعض منا ماعنده يقين بالله أو الثقة القوية
وايد نتحرطم ونتشكى ونتذمر سواء نحن ولا أمهاتنا وخلاف نرد نستغفر . .


و في حديث أم سلمة رضي الله عنها عندما سُئِلت عن أكثر دعائه إذا كان عندها قالت: كان أكثر دعائه: ”يا مقلب القلوب ثبت قلبي على دينك“. قالت: قلت: يا رسول الله مالِ أكثر دعائك: ”يا مقلب القلوب ثبت قلبي على دينك“؟ قال: ”يا أم سلمة، إنه ليس آدمي إلا وقلبه بين إصبعين من أصابع الله فمن شاء أقام، ومن شاء أزاغ“. الترمذي 5/238

وتمعني في هالآية وقوليها لأمج

قال الله تعالى: { قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ{26} تُولِجُ اللَّيْلَ فِي الْنَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الَمَيَّتَ مِنَ الْحَيِّ وَتَرْزُقُ مَن تَشَاء بِغَيْرِ حِسَابٍ{27} الآية آل عمران26


وفالنهاية أمج خذيها بالطيب وذكريها آية من آيات الله سبحانه عسى الله يهديها ويردها من صوابها
لا تحطين أبداً في بالج أنج تقطعين أهلج عسبت هالشيء

استصغري الموضوع قد ما تقدرين ودوم التهي وياها في السوالف وطلعيها وحوطيها

الله يبعد عنج كل حزن وضيق وهم يارب
ويسعدج دنيا وأخرة

- - - Updated - - -

كنت اواجه نفس مشكلتج بس الحمدلله الوضع تحسن وايد عن قبل تعرفين كيف؟
تمي دوووم امدحي ب ريلج واهله وتكلمي عن الاشيا الحلوه فيهم
خلي ريلج يهديها هديه او يطلعها او يعزمها على عشا
او حتى انتي اشتري هدايا وقدميها لها ع اساس انها من ريلج
واهم شي الصغيره حرام مالها ذنب تكرهها ف ابوها

كلامج صحيح

[Jasmin44]

الام و الاب مستحيل ينسون اذا حد ضر عيالهم بكلمه او زعلهم بشيء

سواء كانو عيالهم صغار او كبار ، سواء الشيء كان من ريلج او من أختج

و هالشيء فطري في كل أم و أب

بعض الأهالي يعبرون عن شعورهم بشكل دائم ، و البعض الآخر ما يقولون شيء أبد لكن من داخلهم يتألمون

لا تقطعين أهلج لو شو صار ، هم عزوتج في الدنيا ، و ريلج لا تقصرين عليه بشيء

حاولو تحلون مشاكلكم بعيد عن الاهل ، لانه لو الاهل عرفو هذا معناته انج تركتي بصمه في قلبهم مستحيل ينسونها

الله ايسر لج امورج ان شاء الله و يصلح اموركم