ساعدو اختكم

[حبيبه سعيد]

السلام عليكم

متزوجه من اقل من سنه و فالبدايه ماكنا نبا بيبي
بس هالفترة ريلي متخبل ويباني احمل و هو عارف انه كل شي بايد الله

شهر 8 رحت عند الدكتوره مريم ف عياده الشرق
وفحصتني وقالت كل شي اوك وإني وقت التبويض
ولحسن حظي ريلي معاي بهالأيام بس للأسف م صار حمل
معنه حسّيت ببعض أعراض الحمل من طراوة الثدي و الدوخه و التعب
وكنت بعد حسّيت انه حامل حامل وكنت اتريا وقت الدوره
للأسف يأتني بس بعد الحمدلله

الحين فوقت الدوره والدكتوره قالت لي بتعطيني أبره تفجير البويضة بس ريلي ما طاع وقالي لا تروحين وتأخذين هالابره

وحبيت اعرف شو اسوي لانه هالتخطيط للحمل من شهر8
وقالو أعشاب ميرميه وايد تساعد بس ابي اعرف متى أبدا اشربه

المزيد من آخر المواضيع من نفس القسم:

• فيتامينات ومعادن هامة تساعد على الحمل وزيادة...
• أسباب وطرق علاج مشكلة تأخر الحمل
• تحديد نوع الجنين
• اعرفي سبب تأخرك في حدوث الحمل
• اهم الأسباب التي تأخر الإنجاب لدى الإناث...
• افضل طرق علاج تاخر الحمل بالاعشاب
• فحوصات تأخر الإنجاب للزوجين بالتفصيل
• افضل طرق التعامل مع تأخر الحمل
• تنبيهات بعد اجراء عملية الحقن المجهرى
• نسبة هرمون الحمل في توأم بعد عملية الحقن...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام قلبين انا]

متزوجه واقل من سنه
اش لج بالابر خل عنج هالاشياااء
شوفي دام عندج مشاكل ف بيت الظنا خلاص
بتحملين ف اي وقت
شربي زنجبيل وايد قوي ينشط المبايض يعني ابتدي من احينا دله دلتين قد ما تقدرين
ربيعتيا حملت ب توم عقبال عندج
بس اهم شي لا ترقبين موعد الدوره والاعراض لان بيستوي شي نفسي وبياخر حملج

[حبيبه سعيد]

ريلي جي قال ليش إبر عادي يسبب تشوهه فالجنين 
ما ساء الله الله يسهل حملها والفأل لي
مشكوره ع ردج حبيبتي

[بريد الذكريات]

الابر ماتسوي تشوهات ^^ الابره التفجيره تفجر الغشاء الي فوق البويضه علشان تسهل تلقيح الحيوان
ﻻ تاخذين شيء
غيري نفسيج وسيري مارسي رياضه وخلي تفكيرج في حياتج حاليا وقري قراءن واستغفري وشربي الاعشاب بس باعتدال مثل المرميه والمرقدوش والزنجبيل فنان بعد انا كنت اكله بروحه قوى مناعتي وخاصه في الحمل الحمدلله
واكلي اكل صحي مفيد ومارسي هوايتج وان شاء الله بتحملين

[الجوري1991]

اشربي ميراميه واناناس من ثاني يوم الدوره لين يوم التبويض وعادي لو شهر واحد مانفعت المنشطات ممكن اتييب نتيجه هالشهر .. والابره ماتسوي تشوهات ولا شي مثل ماقالت ختي بريد الذكريات مجرد انها تساعد ع تلقيح البويضه .. وقت التبويض روحي العياده جيكي عش ان تعرفين متى تكون البويضه صالحه للتلقيح او اخذيلج جهاز كشف الاباضه موجود فالصيدليات يخبرج متى يكون اليوم المناسب .. والله يرزقج ياربي وكل من تتمنى

[r3boooba]

انا جربت كل شي والابر هذي ماتضر ابد كنت اخذهم وقت متابعة البويضه بس ربي ما اراد احمل بدون علاج وسويت الانابيب وحملت رغم انه لا انا ولا زوجي فينا شي بس احيانا العلاج يكون سبب وهذا ثاني حمل لي ولله الحمد
اختي تابعي مع الدكتوره واشربي المرميه والزنجبيل وفعلا لهم فايده ولا تيأسين ابد انتي بعدج في البدايه

ربي يسهل عليج ويرزقج بالي تتمنينه يارب وتبشرينا عن قريب

[حبيبه سعيد]

مشكورين حبايبي عالردود
والله يرزقني ويرزق لكل محروم ❤️

- - - Updated - - -

مشكورين حبايبي عالردود
والله يرزقني ويرزق لكل محروم ❤️

[جنان الفجيره]

ربي يرزقج بتوم يا رب

[بنت رااكـ]

انتي اذكرين فيني

انا كنت جي واخذت ابرة التفجير كم مرة وماتضر الابرة بس بتساعد للتلقيح ،، كم مرة سويت الابرة وماحملت ويوم ودرت كل شي بديت فالاستغفار والدعاء والحمدلله حملت وربي رزقني ببنت بعد معاناة سنتين

- - - Updated - - -

بغيت اسألج شو رايج في دكتورة مريم ؟

[sa7el]

ان شاء الله ما تيج الدورة وتكونين حامل
بس اذا يتج الدورة
اشربي ميرامية كوب كل يوم من اول يوم لين يوم العاشر من الدورة
وبس
وحتى الزجنبيل لو تبيه اشربي لين اليوم العاشر وبس

وعقب حاولي ترتبين الجماع يوم وترك

انسي سالفة الحمل بس ركزي على جسمج
كلي اشيا مفيدة بدون دهون ومقالي وبيبسي وخرابيط

حاول تمشين او تسوين رياضة نص ساعة،،،، لا تشدين وايد على عمرج

يا رب تبشرينا ،، بالتوفيق

[ام طحنوون]

بعدج عرووووس مايحتاج لا ابر ولا تلقيح ولا بطيييخ

اشربي اعشاب مثل ماقالولج البنات لانها تنشط المبايض واعرفي متى وقت الاباضة عندج وامورج تماام التمام
وكل نصايح البنات صح ..

ودايما دايما ادعي في صلاتج انه يرزقج الذرية الصالحة، لانه هالشي من رب العالمين اولا واخيرا

"اللهم لاتذرني فردا وانت خير الوارثين" من افضل الادعية في السجود ..
وكذلك التوكل على الله واليقين بأنه الله هو الرازق ..