ريلي والخدامه

[الميزعه]

السلام عليكم خواتي

بطرح عليكم مشكلتي وقولي شو أسوي وَيَا هالانسان
انا حامل وخلاص ان شاء الله هالشهر بربي(أدعولي بالسلامه) المهم من عرف ريلي أني حامل قال بييب لج خدامه تساعدج ف بنتج وبنتي الحين عمرها سنه و6 شهور الله يخليها يارب، ومن أول الحمل شافني كيف تعبانه وايد غير عن اول حمل لان فيني سكر حمل،يعني عادي انا شاله البنت واسوي حليب وهو متسدح يلعب بالتلفون تعبت من كثر ما أكلمه ساعدني شوي وطنشت، والحين يوم أقوله ابا خدامه يقولي انتي ماتشتغلين ليش اييب لج خدامه أقوله اوكي ماعندي مشكله بس انت خف عليه وأمسك واحد منهم يا المولود اليديد ان شاء الله او البنت قال ماقدر انا أداوم وارد تعبانه ومن هالكلام، ورد مره ثانيه يقولي تريي اميه عشان نختار خدامه وكل ما ابي وحده يقولي لا هاي مادري شو فيها وهاي ماعرف شو تعبت والله والحين خلاص مابقى الا أسابيع وبربي ومب طايع يفتح حتى ملف عشان اييب خدامه وقلت له انا بدفع كل شي شو أسوي فيه هالانسان تعبت والله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حبيبه سعيد]

الله يسهل عليك حملتج وتولدين بالسلامه ان شاء الله
والله ماعرف شو اقولج وصدق تعب بس قوليله بسير بيت اهلي من أولد عسى بس يرضى اييب خدامه وروحي بيت اهلج وخواتي وامج بساعدونج ً

[ام لامية]

الله يقومك بالسلامة
حبيبتي انت الحين تعبانة الله يقويك
خففي من شغل البيت والطبخ والنفخ وخبريه بكل هدوء بلا عصبية انك تعبانة وموقادرة توقفي وسطحي ورتاحي تظاهري بالمرض والتعب ان صح التعبير مع انك صدج تعبانة تثاقلي بأعمال البيت وحطيه قدام الامر الواقع لما يشوف البيت مهمل ومافيه طبخ والاكل من برع ومو قادرة على الشغل والاهتمام بالبنت راح يجيب شغالة غصب
هي نوع من انواع الكيد لكن المباح
ههههه ان كيدهن عظيم
استعملي الحيلة مع اللين والمسكنة وهاذ مو عيب مع زوجك راح تحصلي اللي تبيه
الرجل اذا امرتيه وفرضتي عليه شيء بالقوة صعب ايسويه
اما اذا جيتيه باللين واستعطفتيه بأسلوب لين وحلو طلباتك راح تكون اوامر

فطلب شيء من الزوج اقدر اقول وعن تجربة انه فن وتعامل
وله اصول وفهم لعقلية الزوج
اولها التوقيت المناسب يعني مو وقت ما يكون معصب او مشغول
البتعاد عن اسلوب الاوامر والاجبار
يعني ما تطلبي بلهجة اامرة او تجبريه ولا تلحي في الطلب ولا تعلي صوتك

مثلا لازم عليك تجيبلي خدامة ونت مجبور ومن المفروض
وغيرها من الكلمات الاستفزازية
الرجل يكره ويمقت الاسلوب الامر ويحب الاستعطاف وما يحسسه بالقوة والمسؤولية
احس اني كثرت رغي
وخرجت عن النص ههههههههههه
السموحة عن الاطالة
الله ييسر لك امرك و يقومك بالسلامة ويرزقك الذرية الصالحة المعافاة

اه نسيت
فيه مثل بتقولو امي الله يحفظها
اذا حابة تسمعي كلمة طيب كوني اطيب

[مالتيزرس]

الله يكون فعونج ..انتي الحين اللي عليج قوليله اييب لج ع الاقل الغدامن برع ..وسوي العشا خفايف ..
والغسيل خذي لج غسالة اوتوماتيك تخفف عنج شوي ..
وتنظيف البيت ييبي اللي يشتغلن فالساعات ريحي عمرج لين مايجوف حالتج الله يهديه ويصلحه ..
ليش انتي تدفعي هو المسؤول عن البيت ومكلف فديتج

[سامية22]

للرفع

[الميزعه]

مشكورات خواتي ع ردودكم الطيبه بس والله أني احيانا ما أتكلم يشوفني صدق تعبانه ويوم اخلص شغلي يقولي اساعدج ف شي هذا شو أرد عليه

والحين خدامة عمتي اللي هي أمه بتسافر هالشهر المفروض يقولي اتريي لين اميه آتييب خدامه وعمتي ماتبا غير فلبينيه وانا ماعندي 20 الف ادفعهم ل خدامه الله يعلم خيرها من شرها ، اختي كانت بتتنازل عن خدامتها حقي والله بلاش ويوم قال ل عمتي قالت لا هاي الجنسيه ماتدخل البيت احس أبدا مالي خصوصيه ف اي شي معاه صح عمتي طيبه معاي بس بعد مهما يكون انا امي ما ادخلها ف حياتي ف مابالكم هو يدخل كل حد ف حياته حتى ربعه يسمع كلامهم وانا ولا يسمعني

[BENT LEMRAR]

هاتي الخدم اللي بالسااعات وريحي انتي وراج ولاده وسهر -الله يهديه ويسهل ولادتج

[احلى بعفويتي]

جوفي مدام حاط الشور شور امه بقولج بالاخير مالج غير دهان سير العمه و العم

اول مره بعد اجوف ريال جي شي خاص ببيتي ومرتي اروح احط الحل والربط عند امي شي يضايق

الله يعينج بس تعرفني لازم تضحين بشوي يعني يوم يي عقي الصغيرونه عليه ودشي الحمام تسبجي خله يتعود شويه وقوليله سو جي حق الحليب اكيد ما بيعقها وبيروح عنها

[love rak]

حبيبتي أنا ما ابى اخرب بيتج بس ه النوعية من الرياييل ينفع وياهم يحطون يدام الأمر الواقع
لا تطبخين لا تنظفين بس غرفتج لا تغسلين وسوي عمرج كله تعبانه
واتحملي انتي تدفعين درهم واحد ع الشغاله اتحملي
كله سوي عمرج دايخه وطايحه ... واليهال انتي اهتمي فيهم .. وجي لثياب المصبغه تنغسل وتنكوي .. والأكل خلي ايب لج أكل
ولعيال اذا تبغينه يمسكهم حطيهم عنده وادخلي الحمام بدون ما تقولين له بحطهم عندك ..اتسبحي واتكشخي وخذي راحتج بعدين اطلعي
لو يدق مليون مرة قولي له اشوي وطالعه ولا تنسين حطي له المراجع وكل شي عشان اذا حد صرخ قوليله رضعهم ..
وفالليل اذا حد منهم صرخ قومي صيحي وقولي تعبانة وساعدني اذا ما عليه دوام اكا اذا دوام خليه يرقد .... ههخخخخ مكر الحريم

[Yazi.90]

والله مادري شقولج بس رايي من راي اختي ام لاميه
كلميه باسلوب الاستعطاف و اكسري خاطره شوي ،،
اختاري الوقت الصح ترا صدق الرياييل مايحبون اسلوب الامر
و الله يلين قلبه ويحننه عليج يارب
و يسهل عليج ولادتج و تقر عينج بشوفة ضناج ،،

[الميزعه]

صبحكن الله بالخير خواتي

ماشاء الله عليكم اغلب النصائح اللي عطيتوني إياها سويتها بس هو من النوع الملول جدا، عشان مايعرف يتصرف وَيَا بنتي ع طول يمل منها ويوديها عند عماتها وانا ماحب جذي لأَنِّي احس أني اثقل عليهم بس ف راسي خطه جهنميه رقم 15 بسويلها، بشل أوراق فتح ملف حق خدامه وبسويها من ورآه وبحطه جدام الامر الواقع ماشي غير هالحل

[fanz]

الله يسهل عليج ريلج شكله هيز الله يعينج مالج الا الخدامات بالساعات

[Ward-uae]

ما شاء الله انتي في بيت عمتج يعني الاكل موفر
عن الغسالة اشتري غسالة فل اتوماتيك واحسن يكون سامسونج ما بتتعبين في الغسال والتنظيف 
اما الصغيرونه خليها عند ابوها لا تترييه يسألج عطيه وعلمي بنتج تحضنه وتبوسه وبهذا العمر بتتعلم الرمسه وخليه اذا بسير يقضي مشاوير ياخذها وياه خليه مايعرف بيتعلم لا تزينين على راسه خليها هي تتعلق به
اما السوالف الباقية بالتدريج بترومين عليها واذا صعب عليج مثلا الكويه ودي الملابس الدوبي غسليها في البيت 

[امراه]

الله يقومج بالسلامه بس ليش ماايب مااتوقع شي بيت بدون خدامه الحين

[N.A.L]

انا بيتي بدون خدامه لاني ما ارتاح الصراحهه ..
بس انتي حاولي تخلينه يساعدج لاتخلين كل المسؤولية عليج
مافيها شي اذا سوا حليب للبنوته .. ومثل ماقالت الاخت تظاهري انج تعبانه
الله يعيينج ويسهل علييج ..