ولدي والمدرسة ساعدوني

[لؤلؤة2009]

يعطيكم العافية

انا ولدي هالسنة اول ابتدائي سجلته بمدرسة خاصة توها يديده وندفع له مبلغ مب هين كرسوم لدراسة

المهم ولدي الحين الاسبوع الثاني له اول يوم ولدي كان يبغي يروح الحمام وماحصل حد يوديه وماقدر يمسك عمره وسواها على روحه المرة الثانية طلب من المشرفة الفلبينية الخاصة ماطاعت توديه وخلت طالب في صف ثاني يوديه الحمام ويستناه برا عاد هني طار عقلي ورحت لهم وسويت لهم مشكله واعتذوا وقالوا انه هذي راح تكون المره الاخيرة وماعاد تتكرر وانه من الاسبوع الثاني في المدرسة الاوضاع راح تنضبط ولدي مرض هالاسبوع وغاب يومين حتى ماتصلوا عليه ولا سألوا عنه اليوم تكرر نفس الشيء ولدي يبي يروح الحمام ماطاعت توديه المشرفة ورد البيت وهو مسويها على عمره مابيقدر يمسك روحه يطلع الساعة 6 الصبح ويرجع 3 بدون ما يحتاج الحمام ولا يقدر يروح الحمام بروحه بعد ياهل ماكمل ال 6 سنوات

الحين مب عارفة شو اسوي وين اقدر اشتكي بوزارة التربية والتعليم واذا ابي انقله من المدرسه هل في مدارس خاصة في ابوظبي ممكن تقبله هالفترة او حتى بالفصل الثاني ربي يسعد اللي تجاوبني

المزيد من آخر المواضيع من نفس القسم:

• طريقة تقليل وقت مشاهدة الطفل للتلفزيون...
• افكار لقضاء اجازة صيف ممتعة للاطفال
• افضل مشروبات مفيده للاطفال
• كل ما تحتاجين لمعرفته عن تربية الطفل في عمر...
• نصائح لتشجيع الطفل على تناول الطعام الصحي
• تقرير عن اسباب واعراض وطرق علاج اضطراب القلق...
• طريقة التعامل مع عصبية الاطفال بذكاء
• نصائح للامهات لتجهيز الطفل للذهاب للحضانة...
• نصائح للاباء للتعبير عن حبهم لأبنائهم
• افضل طرق تشجيع الطفل على المذاكرة والتركيز

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اشراقة أمل]

! غريبه هذه المدرسه! هل عندهم عدد طلاب كبير في الاول ومايقدرون يساعدون طالب واحد يروح الحمام!

مافي مساعده في الفصل! غريبه!

خلاص مافي حل الا انك تروحين معاه المدرسه وتحضرين معه كم حصه ويوم يحس بشي تطلبين من المشرفه توديه مب انتي ...

او انك تستنين في الباحه او الساحه لييييييييين مايخلصون عشان مايعتمد عليك ....

يعني تابعيه وتتواجدين في الدوام المدرسي عشان تشوفين شو الصاير!

وتكلمين الاداره اذا ماتعدلوا بتشتكين لتربيه! مثل ماتفضلتي

بس داومي كم يوم معه وشوفي ... بس هذه المدرسه ماتتامن اتصور هو صغير لو تنقليه اي مدرسه ثانيه افضل


ثاني شي واسفه يعني هم في الصف مايشمون شي ريحه ولا كل الطلاب جي!

يعني بقية الطلاب مايروحون الحمام ! ولا شو؟؟؟؟؟؟؟؟؟؟

[لؤلؤة2009]

المدرسة توها يديده وفيها من الصف اول لين 3 اعدادي

ومو مسموح مثل ماخبرتني وحده من الاداره انه اولياء الامور يدخلون الصفوف او حتى انهم يتواجدون عند الفصول مادري بنسبه لبقية الطلبه بس اظن ان المشرفة مب فاضية انها تودي حد من الطلبه اللي مع ولدي لانه لو عادي تاخد اليهال الحمام فيتاخد ولدي وفي زملاء لولدي في الفصل اخوانهم بنفس المدرسة بس انا ولدي بروحه
وبالنسبة للريحه مادري بس ظني وايد طلاب جدي ابي اشتكي للوزارة بس اخاف المدرسة يطلعون الولد من المدرسة

الود ودي انقله اليوم يس ماادري اذا في مدرسة ممكن تقبله الحين

[أم زمرده]

شو إسم المدرسة؟؟ حسبي الله ونعم الوكيل فيهم ،، هذا طفل،،، المهم اشتكي عليهم مجلس التعليم وما بيقصروا،،

[[..دانــة..]]

صح شوه اسم المدرسه؟
هذا اهماااال اذا المعاملة بهالطريقة التدريس عليه السلام!
ما تسكتين واذا المدرسة في بوظبي راجعي مجلس أبوظبي للتعليم
لازم يتم تنبيههم
اللي اعرفه المدارس الخاصة المدرسه معاها مساعده ومرات ثنتين ف غريبة هالأسلوب!

[اشراقة أمل]

حسب مافهمت ان المدرسه جديده يعني فيها اخطاء شكلها وكان لازم تسجلوه مدرسه شوي لها فتره او سمعه اختي المدارس الخاصه لازم تسالين عنها قبل ماتتورطين حتى المدارس القديمه مب كلها زينه تعتمد على الاداره

[أم محمد1988]

غريييييييبه ليش ما يعرف يروح الحمام بروحه ؟!؟!؟

أنا عندي ولد فالصف الأول ما يودونهم الحمام لازم هو يستأذن من المعلمه اذا بيروح الحمام .. وبعدين يروح الحمام بروحه وما معاه أحد ..

كان المفروض تعلمينه ف البيت كيف يروح الحمام بروحه وكيف يقعد ع المرحاض وكيف يلبس ملابسه ..

لأنه اللي اعرفه بهالفترة من العمر المدرسه بس يعرفونهم بأماكن الحمامات والمقاصف والملاعب فقط وبعدين الطفل يعتمد على نفسه .. مب شرات الروضه لا

[غلآ نفسي]

بغض النظر عن المدرسه واللي فيها

ولدج المفروض يعرف يروح الحمام بروحه ويغسل عمره

اذا للحين انتي تودينه في البيت ف وقفي خليه يعتمد ع روحه

اللي انا اشوفه واللي مقتنعه فيه ان محد ملزوم يودي عيال غيره فالحمام

عن نفسي ما ارضى حد يودي عيالي الحمام

ممكن الابله او المشرفه تذكرهم بروحت الحمام ك تذكير لياهل فالروضه

اما ولدج كبير ماشالله عليه

خذي كلامي ك نصيحه اختي

اما المدرسه اليديده حاولي تعرفين عنها اكثر واذا مب مرتاحه نقلي ولدج ف مدرسه ثانيه بس عشان حمام ماله داعي تشتكين

وسلامته ولدج ما يشوف شر بس هم بعد مب مجبورين يسالون عن ولدج اذا غاب عندهم طلاب غيره حاضرين


بالتوفيق

[ورقة ناعمة]

بالعكس المدرسة يديدة الاهتمام اكثر التركيز اكثر والإدارة قادرة على ثبات وجودها من اول يوم

غباء الإدارة وتركيزها عالرسوم والتسجيل هو السبب وراء فشل المدرسة

[ام زايدالغالي]

المفروض يقولوله تبه حمام يعلمونه يروح بروحه لان اي الشي من المشرفه بيتعلم بسرعه منها وبينفذه غير عن الام تتعب وهي تعلمه اذكر ولدي يوم سواها بصف اول شلوه واعطوه ملابس ثانيه وحطو ملابسه المتسخه في كيس
اختي علمي ولدج الله يحفظه لج ان يستئذن يروح الحمام وهني اذا رفضت معاج حق تشتكين عليهم والحق بيكون معاج

[Yazi.90]

والله صراحه اهمال لابعد الحدوود ،،
يعني كيف يقولها يبا الحمام وترفض ؟ خير ان شاءالله
هم متعودين صف اول يعني خلاص يروح الحمام بروحه
لازم تعلمينه اختي ماتدرين باجر تودينه مدرسه ثانيه
و تطلعين بنفس الموال ، حاولي معاه بتتعبين بس تحملي
و فهميه ان مب اي حد يقدر يشوف عورتك خلاص انت ريال
انا استغفر الله من كثر ماسمع عن التحرش بالاطفال
صرت ارمس ولدي عن الموضوع وافهمه واراويه فيديوات تعليميه ،
سوري دشيت فموضوع ثاني انا ما ابا اخليج تحاتين ،،
بس انتي حطي احتمالات لكل شي ممكن انه يصير وولدج غايب عن عينج !

[Ward-uae]

يعني هو قال لمعلمته يبي يسير الحمام وما رضت تخليه يروح؟
ولا هو يبي احد يوديه ويغسله ؟
فاسمحيلي ما شاء الله كبير وهو عليه يغسل عمره
الحمدالله الله الحافظ لكن تاخذ بالاسباب والوحده تعلم عيالها
لكن لازم يكون فيه مشرفه برع اذا يهال دخلوا الحمام يلعبون بالماي او فيه ولاد يدوخون او شي يكون فيه احد يراقب اليهال دخولهم الحمام او ياهل لا قدر الله زلق وطاح في الحمام كيف بيدرون عنه
نبهي الاداره بدون لا تذكرين اسم الطالب

[ام زايد21]

اولا انا اتعجب من البنات اللى يقولون خل يسير الحمام بروحه والمشرفه اللى عند الصف شو خانتها هم حاطينها حق هالشى ما قلنا تدش معاه الحمام وتغسله بس توده لين الحمام وتترياه برا يمكن ما يندل طريق الحمام والاخطر ان يهال كبار او سبحان الله اى عامل بالمدرسه يتحرش فيه مثل ما نسمع واغلب المدارس بيكون هناك مشرفه خاصه يالسه حذال باب الحمام اذا الصف كبار وما يحتايون مشرفه عند باب الصف فالاخت من حقها تضايق واى واحده مكانها بتضايق واتعجب من الاخت اللى تقول المدرسه موب مجبورين يسالون عن طالب غايب ويكفى الحضور لا مجبورين ما سمعتوا عن البنت اللى توفت بالباص بالورود شو السبب انهم ما اتصلوا باهلها حتى يتاكدوا انها داومت وما كان صار اللى صار لكن قدر الله وماشاء فعل وكان هذا السبب اللى خلى مجلس التعليم يصدر قرار باغلاق المدرسه واكد على ضرورة التواصل مع الاهل فى حال غياب الطالب وفى اى حال من الاحوال والله يحفظ عيالنا جميعا

[غلآ نفسي]

اولا انا اتعجب من البنات اللى يقولون خل يسير الحمام بروحه والمشرفه اللى عند الصف شو خانتها هم حاطينها حق هالشى ما قلنا تدش معاه الحمام وتغسله بس توده لين الحمام وتترياه برا يمكن ما يندل طريق الحمام والاخطر ان يهال كبار او سبحان الله اى عامل بالمدرسه يتحرش فيه مثل ما نسمع واغلب المدارس بيكون هناك مشرفه خاصه يالسه حذال باب الحمام اذا الصف كبار وما يحتايون مشرفه عند باب الصف فالاخت من حقها تضايق واى واحده مكانها بتضايق واتعجب من الاخت اللى تقول المدرسه موب مجبورين يسالون عن طالب غايب ويكفى الحضور لا مجبورين ما سمعتوا عن البنت اللى توفت بالباص بالورود شو السبب انهم ما اتصلوا باهلها حتى يتاكدوا انها داومت وما كان صار اللى صار لكن قدر الله وماشاء فعل وكان هذا السبب اللى خلى مجلس التعليم يصدر قرار باغلاق المدرسه واكد على ضرورة التواصل مع الاهل فى حال غياب الطالب وفى اى حال من الاحوال والله يحفظ عيالنا جميعا

حبيبتي مثل هالسوالف تصير هذا يسمونه قضاء وقدر الله يرحمها

لو شو ما كنتي ام حريصه ولله الحمد كلنا حريصات بس يتسوي شي اللوم كله بيطيح عليج مع انج ام حريصه

حتى نفس الشي المدرسه لو شو ما كانت حريصه يستوي تلاهي او يستوي شي بسيط وبيطيح اللوم ع المدرسه بكبرها

انا ما ادافع عن المدرسه

واذا ع الغياب المفروض الام تتصل وتقول ولدي ما بيداوم اليوم لانه مريض

عن نفسي جي اسوي انا اللي ابلغهم

بالتوفيق

وصاحبه الموضوع ما قصدي اجرحج قصدي اخليج انتي اللي تبدين

[لؤلؤة2009]

مشكورات الغاليات

بالنسبة لولدي عمره 5 سنوات و8 شهور في البيت يعرف يروح الحمام بروحه بس هم بعد هذا ياهل لازم حد يقله اغسل ايدك بعد الحمام او يدخل الحمام ويسكر الباب على روحه بنهايه ياهل وبعده مايفهم كل شيء مو مثل ياهل يكون 10 سنوات مثلا بيكون فاهم اكثر والمدرسة فيها عيال كبار مو مثل الروضة مثلا كلهم اطفال بعمره فضروري يكون معاه مشرفة انا مااطلب منها انه تدش معاه بس على الاقل تنتظره برا وانا والله وبدون اي مبالغة قمت ماانام الليل

الروضة اللي كان فيها يدخلونه الحمام وتنتظره المشرفة لحد مايطلع ويغسل ايده وهم خبروني انه في مشرفة لليهال وحتى يوم رحت المدرسة اشتكي خبروني انه معاي حق وانه المشرفة اعترفت وتم تنبيها المشكله الاكبر انه يخبرها ابي اروح الحمام ويقولي ماترد علي

المدرسة ماابي اذكر اسمها بس هي في مدينة محمد بن زايد توها يديده لفيت على وايد مدارس قبلها بس البعض قال عندنا اكتفاء ومانقدر نسجل وبعضهم رفض لانه بعده ماكمل ال 6 سنوات