زعل عليي

[سنفورهه]

ريلي عصب وزعل عليي لاني قلتله ابغي مصروف شهري خااص فيني ..قالي انتي تحطي بيننا حواجز
الحين اللي سويته غلط خبروووني؟؟!!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

حبيبتي الموضوع بسيط ، واللي سويتيه مب غلط ..
لكن الاسلوب مهم حاولي تكلمينه بوقت روقان وهدوء باسلوب حلو وصوت منخفض !
وذكريه ان ها حقج شرعآ وقوليله لو تبا تتاكد اسأل بعد ، ماله اي دخل بحواجز ..
يمكن يكون ريلج مب مستقر ماديا ف حس هالشي صعب عليه لكن مايبا يقولج بالمفتوح جي
ف انتي بعد حاولي تتفهمينه ولا تطلبين مبلغ كبير ، بالذات لو بعدج عروس او ماعندج بيبهات ^^
موفقه عزيزتي وربي يسعدج

[ام قلبين انا]

ههههههه حاجز عشان مصروووف
الله يهديه طيب لا تطلبين مصروف ابدا بس كل شهر خلي يوديج وخذي اللي يلزمج.
جي انتي خذتي اللي تبين

[الوردة الجورية]

ريلي عصب وزعل عليي لاني قلتله ابغي مصروف شهري خااص فيني ..قالي انتي تحطي بيننا حواجز
الحين اللي سويته غلط خبروووني؟؟!!

حسبيها صح

هل مجموعة قيمة مشترياتج و صرفج خلال شهر تطلع اقل او اكثر من المصروف اللي ناوية تطلبينه؟؟؟

بعض الرياييل مايحس كم صرّف في الشهر اذا ما حددتي مصروف، فكل ماتطلبين منه فلوس حق شي معين يعطيج، بس لو حسبتي المجموع ممكن يطلع مبلغ كبير لو طلبتي منه هذا المبلغ على شكل مصروف شهري ممكن ما يقبل ويقول وايد

الا اذا كان يحاسبج وايد عند كل مرة بيدفع لج واحسين انه مب مكفنج، حزتها طلبي مصروف شهري

قولي له انت حبيبي ومب مقصر معاي بس اريد يكون لي مصروف شهري عشان اعرف اوزعه على الاشياء اللي اتمناها خلال شهر، وقت يكون عندي مصروف ثابت بعرف بالضبط كيف اصرف باتزان

الرياييل يبون يسمعون شرح منطقي عشان يقتنعون، مب شرح عواطف

بس حسسيه ان هو ذخرج و ملاذج، في نفس الوقت راعي ظروفه المادية ولاتوصلينه لدرجة التفكير في الديون عشانج

بما انه ذكر كلمة حواجز

الحين حسسيه ماشي حواجز، وضحي له انتي تطلبين منه مصروف لأنه زوجج و مسؤول عنج

[ام مصطفى..]

احتمال تندميييييين اذا طلبتيييه مصروف شهري يمكن يككووون كل شي بالمصروف الي طلبتيه دام هو يعطيج ومامقصر وياج بشي توكلي ع الله ورضي بالواقع حلاته تكونون متفاهمين وتشوفينه يدفع عن كل شي انتي تبينه ..

[s_h_w_a_5_y]

جوفي بقولج عني انا من ثاني شهر بعد زواجنا زوجي قالي بمشيلك 4000 بس قالي ألحين ما عندك أطفال بمشيلك 2000 طبعا كنت توني عروسه وكل شي أقوله طيب وموافقه ويعطيني كل شهر 2000 بعدين أنا قلت له مبلغ مايكفيني زادني ألف وصارو 3000 وأنا كنت حامل بأول ولد وطبعا اروح صوالين اشتري هدايا حق ربعي أو أهلي منهم أغراضي الخاصه ودريول يوديني أما اغراض ثلاجه مثل عصاير واشياء ناكلها في قسمي طبعا ريلي يشتريها بس كل شي يخص ملابس انا اشتري وأدفع فواتير ملابسي ....

قلتلج كيف انا وريلي تفاهمنا على المبلغ وطبعا انا طنانه كل يوم وثاني اقوله فديتك حبيبي مب زيين جوف فلانه وفلانه يهدوني وانا ما قدرت اشتريلهم لانه فلوسي صرفتهم في اشياء فلانيه يرضيك هالشي بس ريلي مصروفه 16000 وانا مراعيتنه لانه عنده حلال بالعزبه غير الخدامه وطباخ ودريول كلهم ريلي يدفع لهم معاشاتهم بس نصيحه أختي أول شي شاوري عمرج ريلج عنده مصاريف وايد او مصروفه ضعيف وثاني شي اذا تبغينه يمشيلج مصروف ومش راضي يمكن أهوه مش متعود وأنتي أول زوجه وأكيد محد فهم ريلج ان زوجه لها حق وواجبات من ناحيه مصروف وتلاقين ربعه يقولون له لا تعطيها وجه وتستوي طيب وتاخذ فلوسك كلها لانه هذي نقطه ريلي قالي عنها ،وأخيرا اقولج افضل طريقه تبدين فيها كل يوم وثاني قوليله عدل فالبيت وخليه يدفع وقوليله احتاج شغله فلانيه قوم نروح نشتريها نحتاج أدوات تنظيف للبيت معطرات او أي شي خاص فيج حتى لو محل ملابس نوم أشوف ان مافيها شي ريلج يروح معاج لأنه ريلج شكله من نوع مفكر ان زوجه او حرمه ماله داعي يكون عندها مببلغ معين فالظاهر أنج لازم تفتحين عقليته وتخلينه يكون واعي في هذي شغلات وطبعا حبه حبه وكوني طيبه وتفديه وصدقيني بيستحي منج وقوليله ترضى أخلي أهلي يعطوني مبلغ فلاني وانت موجود أنا ريلي قالي بزعل اذا خليتي أهلج يعطونج لأنها تعتبر أهانه له ... بس لو ذكرتي ريلج من أي نوع يمكن أقدر أساعدج شلون تتصرفين معاه .. والله يكتب ألي فيه خيره .. ويارب يسخر لج زوجج ..

[Yazi.90]

اختي لو هو يعطيج كل ماتطلبين مب لازم المصروف الشهري ,,
بس طبعا لا مب غلط ان الوحده تطلب مصروف
اغلب الحريم اتوقع ياخذون ,,

عزيزتي انتي ابخص فيه من ناحية الماده
يعني هل هو يقدر ولا تحسينه بس يشوف ان المصروف الشهري مب ضروري !!!

[سنفورهه]

الحمدلله راتبه واايد زين ويكفينا ويزيد ..انا متزوجه من 5 سنين ما يعطيني مصروف فإيدي الا اذا سرت عند اهلي والا اذا سافر ومن ناحيه المستلزمات الباقيه ما يقصر اذا كان عدنا والا مناسبه ..بس المشكله اني اذا طلبت شي فالايام الباقيه طبعا من لبس والا صالون يقولي ماله داعي يعني لازم اتريا الاعياد عشان اسير الصالون واشتري ملابس حقي انا والعيال ..عشان جذي ابغي مصروف خااص فيني اذا بغيت اشتري شي والا حتى ادش بيه جمعيه او اجمع منه

[لحنْ #]

دام الموضوع جي ، ف حبيبتي الشرع وجب عليه يعطيج مصروف شهري دامج طلبتي ..
خبريه بهالشي .. قوليله هاي مب حواجز ها شرع الله
بس بعد طلبي مبلغ معقول عشان يوم المناسبات والاعياد مايقولج ها مصروفج العادي مابزيد " والمعروف بالمناسبات المصاريف تزيد "

[Ward-uae]

شكله مشكلتج في الاسلوب
ريلج شكله انه خلاص يشتريلج وموفر كل الاغراض شو تبين بالفلوس؟
كلميه بالهداوة وبالطيب واختاري وقت مناسب يعني ما يكون يوعان او تعبان يبي يرقد وخبريه السبب
تبينه اذا وحده مربية او للصالون او هدية لامك او امي هو ما بيقتنع بسرعه ولا تزنين وايد بالتدريج بيعطيج وحاولي تعطينه اسباب مقنعه
لو عطاج مبلغ بسيط افرحي واستانسي بس خبريه لا تحسبه على اغراض البيت ابي اشتري لي سوالف نسائيه

[اشراقة أمل]

خخخخ بس احس الطلب هذه عادي .. يعني حتى لو الانسان مرات اسلوبه كان سيء بس الطلب عادي ....

يعني انسانه تطلب مصروف شهري من زوجها وزوجها مسؤول عنها ! خلاص شو صار

لو تصارخ عليه هي تحته يعني ملزوم يلبي لها طلب الا اذا كان عنده ازمه ماليه

يعني لو ولده او بنته طلبوا مصروف او لبس جديد بيقول لا ... الا اذا مب مقتدر او بخيل!


هي حرمته مفروض يوم تفتح حلقها وتقول محتاجه مصروف يقول لها حاضر .....

الله عزوجل والرسول صلى الله عليه وسلم وصوا بالنساء خيرا! مب كل الحريم قادرات ويعرفن الكلام لازم هو يعرف هذا الشي


انا من الشكاوي في هذا القسم صابتني حاله من الرعب والفوبيا

احس مرات ماضل في رجال ... كل ماطلبت حرمه شي ولا قالت شي ... يازعل ياضرب ياطلاق!

والكل يطلب من الحرمه تغيير الاسلوب .. وصح كلامكن الصلح خير وتكبير العقل خير

ولكن للرجوله معنى! انا اشوف فقد ذكر وانثى ! اما رجل ومراه ماشوف في هذا القسم!


يعني رجل يكبر عقله يتحمل زوجته ... مافي الكل يريد يطلقها وعلى اتف اسلوب خلاص!


مب معقول الرجل مايتحمل الناس والنساء كيف رب اسره كيف مسؤول في المجتمع!


حتى طلب بسيط عشان اسلوبها نفر منه! كيف هي تحترمه اصلاً ماقول هو امعه ولكن!


المهم .... كلمتين في خاطري احس ان وضع تعبان كثير

[Yazi.90]

عزيزتي يعني دام يقدر كلميه باسلوب حلو ،،

يمكن ان شاءالله يرضى ويلين قلبه

[Ward-uae]

حياة
لانه الريال يفكر بعقله لكن الحرمه بقلبها
مثلا الحرمة :؟ابي مصروف
الريال : ليش مقصر عليج بشي؟
الحرمة : بس ابي مصروف حقي
الريال: بدا يعصب شوي اي شي تبيه بيوصلج لعندج شو تبين بالفلوس؟
الحرمه: ريل فلانه يعطيها
الريال: وانا تبيني اكون شرات ريل علانه ؟
الحرمه : وشو فيها لو عطيتني؟
الريال: ما ابي اعطيج ( بدا يعاند)
الحرمه: ها ما بتعطيني انت ... وانت ... وانت ....
انزين الحين مني لموقف ثاني
الحرمه : فلان هذي هديه مني لك
الريال : وانتي من وين لج فلوس ؟
الحرمه : جمعته لما تسافر كنت تعطيني ومن اسير بيت اهلي
الريال : عيل جيه ما تم عندج شي؟
الحرمه : اهم شي عيبك ؟
الريال : مب ذوقي لكن بخذه
الحرمه: حبيبي ابي اسير الصالون باجر
الريال : تم
الحرمه : والفلوس ؟
الريال : كم تبين ؟
الحرمه : ما يجود به جيبك
بيعطيها وحده ربت تطلبه
تبي ملابس نسائيه او اغراض تطلبه شوي شوي بيسألها واذا ما سأل اهنأ تقدر تطلب منه مصروف
سبحان الله رب العالمين خلق الحرمه والريال حتى يكملون بعض
شفتي الاسلوب كيف له دور
مثلا بتييني بنتي تطلبني فلوس بسألها ليش ؟
لكن اذا باستني وحضنتي يمكن ما اسألها

[حب حقيقي]

قولي له هب حواجز بس عسبة ارتب ميزانيتي و مصاريفي

[أم محمد1988]

برايي مب لازم تأخذين المصروف دام انه مش مقصر معاج في شي واييب لج الأغراض اللي تحتاجينها .. اي شي تحتاجينه قوليله وخليه هو اييب لج أو اطلعي وياه وخذي اللي ب خاطرج ..

مع انه المفروض أهله يخبرونه من أيام الملجه يعطيج مبلغ على حسب استطاعته طبعا..

وعن نفسي أشوف المصروف شي أساسي للحرمه حتى لو كان مبلغ بسيط .. مش لازم مبلغ كبير ..