مشروع مبتدئة

[همسة شوق99]

السلام عليكم ورحمة الله وبركاته
خواتي انا ما كملت دراستي و ما اشتغل
فحابة اني اسوي مشروع بس ما اعرف شو
أحيانا اقول بشتري اشيا و ببعيها في النت مثل شنط و غيره بس ما اعرف كيف بوصلها للناس يعني أوصلها بتاكسي ولا كيف
و المناطق البعيدة كيف أوصلها لهم كذي بخسر ولا بستفيد
اللي عندها خبره يا ليت تفيدنا و تعطينا أفكار مشاريع و طريقة تنفيذها

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الوردة الجورية]

وعليكم السلام و رحمة الله و بركاته

اختي في شركات توصيل اييون لين عندج البيت ياخذون الطلبيات و يوزعونها وعقب يعطونج فلوسج

والفواتير من عندهم تدفعين قيمتها مقدما

تعبينها و تدبسينها في كيسة الطلبية


قيمة التوصيل من 25 - 30 درهم و ممكن اكثر حسب الشركة

تسترجعين قيمة التوصيل من الزبونة

يعني في الفاتورة تكتبين المبلغ كامل اللي المفروض تدفعه الزبونة و يتسلم لج (قيمة المنتج + قيمة التوصيل)

و وايد تاجرات يتشكن من بعض الزباين يلغن الطلبية بعد ماتكونين خلاص سلمتيها للمندوب مال التوصيل، او مايردن و يطنشن اتصالات المندوب وعقب صح بيرجع لج بضاعتج لكن انتي بتكونين خسرتي قيمة التوصيل

فبعض التاجرات لجأن لدفع قيمة التوصيل مقدماً عن طريق رصيد للتلفون
اذا الزبونة لغت طلبها، انتي ماتخسرين قيمة التوصيل، هي بس اللي خسرت ثلاثين درهم مقابل تأكيدها على الطلب


الله يوفقج و يرزقج من فضله

[dr.da3ia]

وعليكم السلام و رحمة الله و بركاته

اختي في شركات توصيل اييون لين عندج البيت ياخذون الطلبيات و يوزعونها وعقب يعطونج فلوسج

والفواتير من عندهم تدفعين قيمتها مقدما

تعبينها و تدبسينها في كيسة الطلبية


قيمة التوصيل من 25 - 30 درهم و ممكن اكثر حسب الشركة

تسترجعين قيمة التوصيل من الزبونة

يعني في الفاتورة تكتبين المبلغ كامل اللي المفروض تدفعه الزبونة و يتسلم لج (قيمة المنتج + قيمة التوصيل)

و وايد تاجرات يتشكن من بعض الزباين يلغن الطلبية بعد ماتكونين خلاص سلمتيها للمندوب مال التوصيل، او مايردن و يطنشن اتصالات المندوب وعقب صح بيرجع لج بضاعتج لكن انتي بتكونين خسرتي قيمة التوصيل

فبعض التاجرات لجأن لدفع قيمة التوصيل مقدماً عن طريق رصيد للتلفون
اذا الزبونة لغت طلبها، انتي ماتخسرين قيمة التوصيل، هي بس اللي خسرت ثلاثين درهم مقابل تأكيدها على الطلب


الله يوفقج و يرزقج من فضله

فكرة حلوة جدا اختي طيب تعرفي شركة توصيل محترمة و تعطي الفلوس لاني اتعامل ببضاعة ذات قيمة عالية و اهم شئ الامانة و الشركات الي بتعامل معاها بتاخر الفلوس جدا

[ورد الجنه]

انتي من اي اماره

عساس يساعدونج شركه توصيل قريبه من امارتكم

[احتاجك..]

شي وايد شركات توصيل اوفرلج من التكسي

[طيبة*قلب]

ياقلبي توك بجد جديده
الله يوفقك بتجارتك ويبارك لك
وانا ماني تاجره من خلال طلبي كذا طلب من النت عرفت التوصيل عن طريق شركات توصيل ارخص من التكاسي

مره طلبت من تاجره صابون وهي براك قيمه التوصيل ب 30

لو بتكسي مابنطلب لانه قيمته بتصير احيانا اعلى من الطلب خخخخخ

ياتاجرات من باب الاخوه ساعدوها ولكم الاجر

[delights]

اختي احسن شي شركات التوصيل تعاملي معهم انا دايما لما اطلب من النت بتوصلني الشغلة عن طريق شركة التوصيل ابحثي بجوجل عن شركات توصيل انا وصلوني طلبيات كثييير من تاجرات مختلفات وكل وحدة شركة توصيل غير يعني اخر طلبية استلمتها اول امس كانت عن طريق شركة توصيل اسمها century express هذا رقمهم اللي مكتوب عالفاتورة 600555512 وكان تكلفة التوصيل 30 درهم
الله يوفقك اختي

[الوردة الجورية]

فكرة حلوة جدا اختي طيب تعرفي شركة توصيل محترمة و تعطي الفلوس لاني اتعامل ببضاعة ذات قيمة عالية و اهم شئ الامانة و الشركات الي بتعامل معاها بتاخر الفلوس جدا

ياريت افيدج بس انا مب تاجرة بس صار لي من كمن سنة و كل طلباتي الخاصة تقريباً من التاجرات

بعض شركات التوصيل في البداية سمعتهم طيبة لكن بعد فترة يصير ضغط عليهم و تبدى المشاكل من ناحية تأخير التسليم او حتى لخبطة الطلبيات خاصة قبل العيد

من الاسماء اللي تمر علي كثير و اللي اذكرها على الفواتير
فاست لاين
راك اكسبرس
وغيرهم كثير كثير

من ناحية الامانة في طلبيات لي على ثلاثة آلاف و اربعة آلاف و خمسة آلاف و عادي الموضوع لأن هذي شركة و في فواتير

المشكلة اذا كان مندوب توصيل خاص يعني يشتغل لحسابه الخاص لتاجرات الأكل عشان يكون التوصيل في نفس اليوم هذيل ياخذون فلوس اكثر تقريباً اربعين او خمسين درهم، وفي تاجرة اشتكت لي من مندوبها ماطلها في تسليمها المبالغ من الزباين وكل مرة يتحجج بظروف لين كمل شهر وعقب اختفى
بلّغت عليه واكتشفت تاجرات اكل ثانيات مبلغين عليه تقريباً سارق منها حوالي عشرين الف

تقولي خلاص الحين تدفع المندوب من جيبه قيمة الطلبية مقدماً و بعدين هو يسترد فلوسه من الزبونة وياخذ زيادة قيمة التوصيل



سوي بحث في النت عن شركات التوصيل في الامارات و قارني الاسعار

و تواصلي مع زباينج عن رايهم من ناحية سرعة التوصيل و سلامة البضاعة الواصلة

انا اذا عندي اي ملاحظة على المندوب اخبر التاجرة على طول

[المغربية3]

في مندوبة توصل الطلبيات من الشارقة لدبي او عجمان والعكس

وادا في فوق 10 طلبيات تقدر تطلع ابو ظبي او العين مرة بالاسبوع الي محتاجها يكلمني خاص ارسلو الرقم

[ثريا 2014]

يغلق لعدم متابعة العضوة للموضوع