كيف اقنعه يطلعني :(

[حب سعود]

السلام عليكم ورحمة الله وبركاته

خواتي انا قبل يوم توني عروس يديدة كننا ماشاءالله نطلع بس بعد مايبت عيال ما أروح مكان الا اذا ف الشهرين مرة وتعبت نفسيا وعقليا وكل مرة احس اروح بروحي اجوف حد من اهل زوجي او ربعي يسألوني اذا كنت بروحي اتشرى وينصدمون لانهم يشترون مع ريايلهم لكن انا تعبت وانا أقول حق طلعني لكن ماشي فايدة واذا حد ثاني قاله عادي يطلعه ماعرف شو اسوي دلعته واسوي كل اللي قريته ف المنتديات ماكو فايدة !!!!

ع قولة ربعي ساعات يقوولون انتي وذكائج انزين شو هالشي اللي يسوونه تعبت وانا ادور عن الشي !!

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خدن امورد]

الغالية احس اللي يقولن انتي وذكائج هاي ماتنفع يمكن بذكائج يقتنع مرة ومرتين وعقب احس يعتمد عالريال خلاص ارضي بالواقع فالشهرين مرة احسن من لا شي لا تتريينه يطلعج اطلعي انتي وودي العيال وونسي عمرج نفسج بنفسج لو تريييتي الرياييل بتتعبين

هاي وجهه نظري

تحياتي

[غلآ نفسي]

يمكن ما يحب حشره العيال اللي المفروض يتحمله

ومتى يتحمله ؟؟ يوم الحرمه تعود الريال ع حشره العيال

[اشراقة أمل]

مااعرف شو القصه يمكن تقنعيه من خلال انك تخلين العيال عند حد من هلك او حضانه او مربيه لو بساعات وتطلعين معه لوحدكم تروحون مطعم وتتشرون

يمكن مايحس بضغط ... ويمكن هو مايحب طلبات الشراء كثير يعني يظن انك بتشترين كثير وتلفين .. رجال بشكل عام مايحبون اللفه ودوره في سوق


يعني يتوقع انك بتعبينه .... اول ماتزوجتي كان جديد وعادي كل شي عنده ... الحين خلاص ...


حاولي تسوين له مفاجاه وتخلي العيال عند حد حق يوم ... وشوفي كيف

[شيماء الهاجر]

حبيبتي اذا انت مرة في الشهرين.انا ابد والله روحي تطلع.حتى في دبي..حتى قبل ما اييب.العيال..نطلع مرة في الزمن.وعقب خلاااااص عرفت عقليته.آخر مرة سار مع ربيعه العمرة..عقب سار وياه قطر.وانا وعيالي ابد ما في.وأقول الله كريم..هو طبعه جي احسه مثل مال اول مال البدو..وإذا وداني مكان عشان أوراق. .هو يمشي قبلي بمسافة وانا وراه.والله حد يشوفنا..يقول هذي غرباء على بعض...خلاص ما عور راسي الحمد لله اطلع مع عيالي مع ربيعاتي. ولا أفكر في طلعته مال البدو..سوي حق عمرج جو...انا اقول ليش ما اسوي حق عمري جو..لو هو مسافر.لو هو..لو هو..عشان جي اعتمد على نفسي وبس..مرة سرت وياه بوظبي ممكن من أربع سنوات سرنا مسيد الشيخ زايد الله يرحمه. .تمشيت شويا عداله..تم يرمس ع النعال اعزج الله.العباية مبينا خصرج ليش امشي عدل عدلي جسمج.أقوله انت معقد والله.انا أتمشى عادي..تبغيني أسير دورة...عقب ما صليت بسرعه طلعت أركض صوب السيارة...اتصل يقولي اطلعي ..أقوله تعال تعال حبيبي انا صوب السيارة..سرت بروحي اتمشى ومرتاحة ع الاخر ..يوم ختان ولدي بروحي.في المستشفى..سايرا ردا بروحي..المستشفيات بروحي الكبيرة والصغيرة انا اسوي ها حق عيالي.وأقول مب خسارة فيهم...اشتهي اشتهي الطلعة بروحي ولا طلعة عور الرأس. .خليك عادي عيشي حياتج وسوي جو انت وعيالج وربيعاتج واهلج وبس...انا في غربة..وابدأ ابدا مب مخليتنه محور حياتي..عيالي ونفسي وبس..عيالي هم محور حياتي وهم الاساس..إذا سويت حقه شي حلو واهتميت فيه والله لرب العالمين نبأ الأجر. .وهو أبو العيال مهما كان يحن القلب عليه.إذا ما طلعني شو يعني بينقطع عني التنفس لا مستحيل...الحمد لله عايشا ويا كتاكيت قلبي الله يحفظهم ويبلغني فيهم كل شي حلو ياااااااارب..سلامي لج اختي خليج قوية

[ام طحنوون]

شو عذره عشان مايطلعج ؟؟

عشان نعرف ننصحج (:

[Yazi.90]

الغالية احس اللي يقولن انتي وذكائج هاي ماتنفع يمكن بذكائج يقتنع مرة ومرتين وعقب احس يعتمد عالريال خلاص ارضي بالواقع فالشهرين مرة احسن من لا شي لا تتريينه يطلعج اطلعي انتي وودي العيال وونسي عمرج نفسج بنفسج لو تريييتي الرياييل بتتعبين

هاي وجهه نظري

تحياتي

[اشراقة أمل]

حبيبتي اذا انت مرة في الشهرين.انا ابد والله روحي تطلع.حتى في دبي..حتى قبل ما اييب.العيال..نطلع مرة في الزمن.وعقب خلاااااص عرفت عقليته.آخر مرة سار مع ربيعه العمرة..عقب سار وياه قطر.وانا وعيالي ابد ما في.وأقول الله كريم..هو طبعه جي احسه مثل مال اول مال البدو..وإذا وداني مكان عشان أوراق. .هو يمشي قبلي بمسافة وانا وراه.والله حد يشوفنا..يقول هذي غرباء على بعض...خلاص ما عور راسي الحمد لله اطلع مع عيالي مع ربيعاتي. ولا أفكر في طلعته مال البدو..سوي حق عمرج جو...انا اقول ليش ما اسوي حق عمري جو..لو هو مسافر.لو هو..لو هو..عشان جي اعتمد على نفسي وبس..مرة سرت وياه بوظبي ممكن من أربع سنوات سرنا مسيد الشيخ زايد الله يرحمه. .تمشيت شويا عداله..تم يرمس ع النعال اعزج الله.العباية مبينا خصرج ليش امشي عدل عدلي جسمج.أقوله انت معقد والله.انا أتمشى عادي..تبغيني أسير دورة...عقب ما صليت بسرعه طلعت أركض صوب السيارة...اتصل يقولي اطلعي ..أقوله تعال تعال حبيبي انا صوب السيارة..سرت بروحي اتمشى ومرتاحة ع الاخر ..يوم ختان ولدي بروحي.في المستشفى..سايرا ردا بروحي..المستشفيات بروحي الكبيرة والصغيرة انا اسوي ها حق عيالي.وأقول مب خسارة فيهم...اشتهي اشتهي الطلعة بروحي ولا طلعة عور الرأس. .خليك عادي عيشي حياتج وسوي جو انت وعيالج وربيعاتج واهلج وبس...انا في غربة..وابدأ ابدا مب مخليتنه محور حياتي..عيالي ونفسي وبس..عيالي هم محور حياتي وهم الاساس..إذا سويت حقه شي حلو واهتميت فيه والله لرب العالمين نبأ الأجر. .وهو أبو العيال مهما كان يحن القلب عليه.إذا ما طلعني شو يعني بينقطع عني التنفس لا مستحيل...الحمد لله عايشا ويا كتاكيت قلبي الله يحفظهم ويبلغني فيهم كل شي حلو ياااااااارب..سلامي لج اختي خليج قوية

خخخخخخخخخخ حبيت تعليقك طلعات البدو ... الله يقويك اختي .... بس صح حلو الحرمه يكون عندها ربيعات وتطلع بروحها وتخلص امورها .... هو خليه على راحته !

[غزالة AD]

انا دايما اطلع اتشرا بروحي انا وعيالي..ماحب اطلع وياه لاني ما اخلص اشغالي وهو ماله بارض الحواطه فالمولات. يوم اكون بروحي ويا عيالي اخلص كل اشغالي.
الرياييل مالهم بارض.

[مون 55]

الله المستعان .........

[أم سيف و سارة]

شوفي اختي الغالية انا كان حياتي مثلج بالضبط
لين اتفقت على وياه على الآتي
في الاسبوع خمس ايام مدارس صح ... انزين و في يومين اجازة اختاري يوم واحد من اﻻجازة تطلعين انتي و زوجك و العيال و مثلا يلعبهم او تزورون حد من اﻻهل
و ثاني يوم اجازة يكون لج حرية اﻻختيار تطلعين مع العياا تزورين حد من الاهل او تمشين العيال و تلعبيهم
شو رايج ؟

[بريد الذكريات]

السالفه هذا طبعه، الريايل بشكل عام انانين
مابتغير وبيطلعج الا يوم بعرف قدرج وبحس اما انتي بتغيرينه ﻻ تصدقين الانسان يغير من نفسه محد يغيره
ﻻ تفكرين ووايد بتتعبين عيشي حياتج وامور العيال واشيائهم و و خليهم عليه علشان ﻻ يتكل عليج
اما امورج وترفيه نفسج رفيهي عمرج وروحي وين تبين ﻻ تترين منه شيء

[الوردة الجورية]

وعليكم السلام و رحمة الله و بركاته

من زين طلعة الاسواق مع الازواج!!!!!! ما بتطلعين من السوق الا وهو ملوّع جبدج خلصي خلصي ههههههه
الرياييل مالهم بارض على الاسواق وخاصة لو المشتريات مب حقهم

ممكن مشتريات على السريع مال ربع نص ساعة بالكثير وبعد تجربة غير ممتعة، يعني تواجد زوجج معاج في السوق ما بيزيد الحب والرومانسية بينكم الا اذا بتخلين اليهال عند اهلج و تطلعين مع ريلج

بس حتى لو حصلتي فرصة تكونين مع ريلج بدون اليهال لاتروحين السوق.. روحي مكان هادي او جميل مب عالم و حشرة


هذا رايي الشخصي وكل واحد شو يحب

[المعآني]

عوديه وكل ماعندج شغلة لاتطلعين بروحج مع العيال قولي له مابقدر أسوق تعبانة ومحتاجة شي حطيه بموقف انه ماعنده حل غير يرضخ لج صوري له الشغلة قولي احتاج هذا وهذا وهذا وما اقدر أسير بروحي اليهال يحشروني مااقدر أتابعهم واخلص شغلي بنفس الوقت بيضيعون عني أي شي ولاتخافين أغلبهم مايعرفون ييبون الأغراض بروحهم بكلمتين حلوات حياتي بأخذ لعيالي أغراض ومحتاجتنك ويانا ضروري لاتردني وادعي دعوات حلوة لأمه بتأسرينه وأول عدة مرات لاتطولين قوليله أن جفتني أزيد عن النص ساعة معاك الحق تلومني وفعلاً خلص بسرعة بيجوف الموضوع بسيط لين يتعود خبري العيال ه الهدوء قولي لهم اللى يسمع كلامي والأشطر فيكم له هديته وسيطري عليهم وغيره حاولي تكتشفين طريقة ماشي مستحيل لكن لاتقارنين بينه وبين غيره وانا يوم ريلي يطلعني لما نرجع أقعد امدحله مال ساعة مثل " انا سعيدة اليوم أحس نفسيتي تغيرت يوم طلعت وطلعن كل الطاقة السلبية مني الله لايحرمني منك "
حاولي تعرفين شو السبب في رياييل يخافون يجوفهم حد من ربعهم مع حريممهم بس مايخبرون ريلي كان يتضايج نوعا ما قمت أقوله عادي لماتسلم على أحد من ربعك ببتعد عنك بعيد أخذ ولدي واروح فيرتاح منهم يتضايجون من الزحمة اختاري أوقات مافيها زحمة والله يغير حالج للاحسن فديتج

[بحرينيه افتخر]

عوديه وكل ماعندج شغلة لاتطلعين بروحج مع العيال قولي له مابقدر أسوق تعبانة ومحتاجة شي حطيه بموقف انه ماعنده حل غير يرضخ لج صوري له الشغلة قولي احتاج هذا وهذا وهذا وما اقدر أسير بروحي اليهال يحشروني مااقدر أتابعهم واخلص شغلي بنفس الوقت بيضيعون عني أي شي ولاتخافين أغلبهم مايعرفون ييبون الأغراض بروحهم بكلمتين حلوات حياتي بأخذ لعيالي أغراض ومحتاجتنك ويانا ضروري لاتردني وادعي دعوات حلوة لأمه بتأسرينه وأول عدة مرات لاتطولين قوليله أن جفتني أزيد عن النص ساعة معاك الحق تلومني وفعلاً خلص بسرعة بيجوف الموضوع بسيط لين يتعود خبري العيال ه الهدوء قولي لهم اللى يسمع كلامي والأشطر فيكم له هديته وسيطري عليهم وغيره حاولي تكتشفين طريقة ماشي مستحيل لكن لاتقارنين بينه وبين غيره وانا يوم ريلي يطلعني لما نرجع أقعد امدحله مال ساعة مثل " انا سعيدة اليوم أحس نفسيتي تغيرت يوم طلعت وطلعن كل الطاقة السلبية مني الله لايحرمني منك "
حاولي تعرفين شو السبب في رياييل يخافون يجوفهم حد من ربعهم مع حريممهم بس مايخبرون ريلي كان يتضايج نوعا ما قمت أقوله عادي لماتسلم على أحد من ربعك ببتعد عنك بعيد أخذ ولدي واروح فيرتاح منهم يتضايجون من الزحمة اختاري أوقات مافيها زحمة والله يغير حالج للاحسن فديتج